مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 9

سمع اسر صوت شهقاتها جبدها من يدها و دورها ليه شاف فيها عينيها حمورة بالبكاء شفارتيها مشمخين و شفافها يرجفو حس باحساس غريب كي شافها هكا قلبو وجعو عليها حكملها راسها بين يديه و مسحلها دموعها و قاللها: حاجة متستاهل باش تبكي عليها و حطلها راسها على صدرو هي غير حطت راسها حست كانو كانت حابة هاد الشيء غلقت عينيها عاودت فتحتهم مسحت دموعها و تبسمتلو: صحا تبسم اسر معاها و دارلها براسو ايه و جات رايحة حتى حبسها صوت اسر:وين رايحة؟
لليان: نحكم طاكسي
اسر: طاكسي على 23:00تاع الليل اطلعي نوصلك
لليان: لالا معليش منعييكش معايا دوك نعيك لغيت
اسر: قتلك اطلعي اطلعي
لليان: قتلك دوك نعيط لغيت
أسر: ماشي دوك كنتي تبكي و تقولي صحا تمتم درتي و يبستي راسك
لليان رفدت التليفون تعيط لغيت: الو غيت اروا...
مكملتش الهدرة نحالها اسر التيليفون: وين تسكن
غيت بضحكة: راح تخطفلي حبيبتي؟
اسر: معندي مندير بيها اهدر دوك
غيت: ههههههه اوك اوك********** بالاك عليها
كوبالو اسر في وجهو و عطالها التيليفون
اسر:اركبي
ربعت لليان يديها و قاتلو: نكره نعاود الهدرة
ضيق عينيه و راح ليها: و انا نكره نهدر بزاف و رفدها و داها لطونوبيل و هي تعيط: حبطني اااااي حبطني حطها في الكرسي و دارلها السبتة و هي تعيط: حبطني خير لك ياو منركبش معاك حبطني راحت تحل لباب غلقو و طلع عندها وهي تعاود في كلمة حبطني اسر: اسكتي اوووه صرعتيني
لليان: منسكتش حتى تحبطني
اسر: تسكتي ولا نسكتك بطريقتي شافت فيه امبعد سكتت و تمتمت: جايح
اسر :سمعتك
دورت راسها للتاقة و قاعدة ساكتة
____ بعد مدة
اسر: واقيل حلاتلك معايا و انت تقولي حبطني شفتي دوك انتي وحدك ماكيش حابو تحبطي
لليان:
اسر دور راسو ليها لقا راسها في التاقة و شعرها على وجهها دنالها راسها حطو مع الكرسي و دنالها شعرها لقاها راقدة كي الملاك قعد يشوف فيها في عينيها في رموشها في خدودها في جهة الغمازة الوحدة لي عندها لحق لشفافها ركز معاهم مليح عاود شاف فيها ضاع في تفاصيلها شافها تململت رجع لبلاصتو و قاللها :لليان
لليان: اممم
اسر: نوضي
لليان: اممم . محبتش تنوض شدلها نيفها زادت شوية و فزعت نحا يدو بدأت ترد في النفس شافت من و من لقات روحها قدام الدار لليان: صحا تصبح على خير و خرجت بلا ما تسمع ردو . ضحك لا اراديا و نوض الطونوبيل و راح
اسر يحكي:
لحقنا للفندق كنا داخلين حتى نسمع صوت طونوبيل شفتها تاع غيت حيس حبط غيت وراح يحل الباب شفت طفلة خارجة مي متوقعتش تكون هي حتى نشوفها خرجت من الطونوبيل تضحك معا غيت كانت تبان حورية داخل هاديك الروبة جات قدامي بدات يما تهدر معا غيت حتى نسمعو قال: سندريلا قلبي انا تم معلاباليش علاش تقلقت حتى نزيد نسمع ضحكتها هاديك لي دات واش قعد فيا دخلنا قعدنا حتى نشوف السي سيف هو لي راح تتعرف عليه حبيت نمنعها مي مقدرتش جازت الحفلة و جاز الخطاب و سينيينا عقد الشراكة حتى بدأت موسيقى سلو محبيتش نوض مي ميرنا كركرتني معاها عشيت شطحت معاها بسيف حتى نشوفها مع سيف كنت نتمنى هي تشوف النظرات لي راهو يشوف فيها بيهوم مفهمت والو غير شفتها خرجت زادت شوية و ولات رفدت دوزانها و خرجت خرجت موراها بطونوبيل باش نلحقها حتى شفتها تمشي من البعيد حبست و رحت موراها سمعت صوت شهقاتها جبدتها من يدها و دورتها عندي شفت عينيها حمورة بالبكاء و شفارتيها مشمخين و شفافها يرجفو حسيت بواحد الاحساس غريب مسحتها دموعها و حطيت راسها في صدري حتى هدات مي تمتم تحولت ركبتها وصلتها وصلت قدام الدار لقيتها راقدة رقدة هادية بزاف تبحرت في تفاصيلها السامبل حتى نوضتها و خرجت و انا رحت للدار طلعت لشمبرتي و رقدت من العيا

جاز الويكاند عادي على كل ابطال القصة
__________________ في جهة أخرى:
واقف قدام التاقة ينفخ في سيجارتو و يشوف بشرود : معليش هاد المرة قدرتي تروحي مي المرة الجاية منظمنلكش يا لليان منصوري راح تكوني ملكي مكل سيف الشيباني مزال بيناتنا الايام.............

نهار جديد على ابطال القصة ناضت دوشت لبست مليح لانو كان البرد و الشتا لبست سروال جين و تريكو ابيض و لبست فاست تاع الكوير كحلة طمت شعرها كوتشفال و رفدتparapluie و خرجت شدت طاكسي للشركة..
ناض دوش لبس سروال جين و تريكو اكحل و فاست كلاسيك كحلة رفد التليفون و ساعتو و مفاتحوو خرج......
لحقت غير دخلت الشركة كانت بدأت الشتا طيح : اوووه مزية وصلت.  راحت البيرو تاعها قعدت طل من التاقة تشوف في الشتا . دخل اسر جا رايح البيرو تاعو لقاها طل مالتاقة خدات نفس عميق و خرجاتو بهدوء وقف قدامها و قاللها: تحبي الشتا؟
لليان شافت فيه عاودت شافت وين كانت تشوف: بزاف
اسر: تسما زايدة في الشتا؟
لليان:اممم  كيفاش عرفت
اسر: يقولك الفصل لي تحبو على الاغلب لي زايد فيه. وقتاش زايدة؟
لليان: اكتوبر دارلها براسو ايه و جا خارج : جيبيلي قهوة
خرجت موراه و داتلو القهوة راحت تحطها فوق البيرو سمعت صوت الرعد فزعت و طاحت القهوة على التريكو تاعها: اوووه وقتك دوك خرجت جابتلو وحدة جديدة و حطتهالو و جات خارجة:لليان حبست في بلاصتها دارت ليه شاف فيها و قاللها :هاكي و عطالها lingettes
لليان: مرسي و خرجت
لليان تحكي:
الطفل هدا ماشي نورمال مرة هك مرة هك جامي فهمتو و الاحساس لي حسيتو كي عيطلي باسمي واش حكايتو اوووف راح نهبل انا رسمي راح نهبل خلاص .راحت للفيستيار شمخت التريكو تاعها شوية باش تروح البقعة و ولات عيطلها اسر دخلت عندو اسر: واشبيك ؟
لليان: اه لالا انا شمختو باش تروح البقعة برك
ناض اسر حل الخزانة لي كانت تما جبد تريكو و عطاهولها : هاكي تزيدي تمرضي باش تزيدي تغيبي
لليان: اه لالا مقعدش بزاف و نخرج
اسر: هاكي . شداتو عليه و قاتلو: ايه علاش عيطتلي
اسر في نفسو: علاه تخلي للعبد لعقل
اسر: اه خلاص والو روحي
خرجت راحت لبست التريكو  تاعو جاها عريض و طويل دخلاتو داخل  السروال و خلات جيهة من الكتاف طايحة و كملت الخدمة تاعها
بعد مدة قصيرة جات ميرنا: اوه اوه راني نشوف بلي مازالك هنا
لليان: ههه راح تشوفيني بزاف بزااف
ميرنا: شدي فهداك الخيط. شافت فيها مليح و قاتلها واش يدير تريكو اسر عندك
لليان:....... . تقلقت و دخلت عندو : حبيبي توحشتك و راحت باستو ايه متطلبليش قهوة
عيط اسر لليان و طلب 2 قهوة ....... دخلت لليان شافها اسر تبحر شاف فيها ملفوق للتحت كيفاش جاها التريكو تاعو بلع ريقو و حبط راسو . حطت لليان القهوة لميرنا و راحت قدام البيرو و حطت القهوة لاسر لي خبطاتو ربحتها طلع راسو طاحت عينها في عينو شافتهم ميرنا و قاتلو: اوه اسر لوكان قتلي معندهاش حوايج كنت نجيبلها علاه حتى نتا تعطيلها تريكوك تلبسو
شافت لليان في اسر لي شاف الدمعة في عينيها و خرجت تجري راحت غسلت وجها و بدأت ترمش تمنع البكية باش تحبط غسلت وجها مليح عاودت ماكياجها و ولات للبيرو خدمت لحقت الخمسة جات خارجة تلقا اسر مازالو معا ميرنا طلعت راسها و هدرت بتوعد: راح ندمكم على كل حاجة رفدت تيليفون تاعها و عيطت : الو نقدرو نتلاقاو؟
*************
لليان: أوكي ربع ساعه نكون عندك و خرجت بكل ثقة  و صوت الطالون تاعها لي راح يتقب الارض.

في رايكم لليان لمن عيطت ؟ و واش راح دير في اسر و ميرنا؟ فوت و كومنت و اعطوني الاحدات لي راكم حابين تكون في  الحلقات الجاية ❤