لليان: ايه مصحتلناش فرصة نتعارفو المرة لي فاتت واش رايك نجيبو وسيكي و تعرفني عليك مليح في خاطري
سيف: أوكي من هاد الجبهة روحي جيبي زوك كيسان و ارواحي . راحت لليان جهة الكوزينة لي تما : ان شاء الله ننجح يا رب جابت 2كيسان و شعلت مسجل صوتي في تيليفونها دارتو في جيب سروالها و راحت عندو .فرغو و بدا سيف يشرب لليان: احكيلي شوية عليك
سيف شرب الكاس مرة وحدة و بدا: حياتي بسيطة بزاف كانت عندي شركة و فلست قاعد يحكي برك..............
و كمل القرعة تاع الويسكي كامل وحدو بدا يتمايل وحدو هدرت لليان: واش تخدم انت دوك ؟
سيف: نتاجر مخدرات و أسلحة و نبيع البنات و ووووو بصح نقولك حاجة راح نخلي اسر يفلس و نقتلو و بدا يضحك راحت لليان قدامو نحاتلو المسدس من حزامو و تيرات في السما و قعدت تعيط: اااه شكون نتوما روحو منا سييفف و ضرباتو على رقبتو طاح فاقد الوعي جبدت مشوار صغير مسحت المسدس و خرجت التليفون حبست التسجيل ضحكت ضحكة انتصار و قالت: لازم تعرف معامن تلعب يا سيف الشيداني و خرجت
اما اسر لي غير خرج ركب و شاف طونوبيلات الرجال تاع اسر خارجين عرف انو هي لي خيرت طريقها قعد لتم على امل انو تخرج حتى جا راح يركب باش يروح يوصل ميرنا يسمع صوت رصاصة دار يجري و قال في نفسو كانو من مصدق: لليان!!!
سمعت ميرنا الرصاصة ابتسمت و قالت: يشرفني العمل معاك يا سيف ديت واش حبيت و خلصتنا منها
جا اسر راح يدخل للداخل حتى يشوف شخص خارج ضيق عينيه و شاف مليح : لليان!
خرجت لليان من المستودع و هي تتوعد في سيف و هدرت ميرنا و اسر و اهاناتهم شافت اسر مالبعيد راحت تمشي و وقفت قدامو شافت فيه بكل برود حتى نطقت ميرنا لي حبطت من الطونوبيل: اووه راني نشوف انك خرجتي بكري ولا هربتي جيتي تجري لاسر مي راكي غالطة اسر خير حبيبتو على سكرتيرتو تسما تقدري تبعدي و بما انك مطرودة من الشركة فمتتامليش بزاف
شافت فيها ملفوق للتحت ضحكت و قاتلها: تجي دالتك متخافيش و راحت ركبت الطاكسي لي طلبتها
وصلت للدار دخلت دوشت و رقدت كلي ماصرا والو
اسر يحكي :
شفتهم في هديك الحالة عقلي طار مخفتش على ميرنا قد خوفي على لليان مي بعد واش قالت طاحت من عيني و خسارة فيا اني تعلقت بيها كنت رايح حتى نسمع صوت الرصاص درت نشوفها خارجة حبيت تسقسيها مي مقدرتش و زيد اهانات ميرنا ليها محبيتش نزيد عليها اكتفيت بالسكات
لليان تحكي:
كنت خايفة مع الاول و لكن كلام اسر ليا خلاني نحس روحي رخيصة ولو مدرت والو اتشجعت و نفذت الخطة تاعي و مثلت كانو رجال زدمو باش نحي الشك قاع خرجت شفتو برا جزت عليه حتى نسمع ميرنا تهدر سكتها بطريقتي و رحت للدار دوشت و رقدت
غدوة الصباح ناض اسر دوش لبس سروال كحل و تريكو ابيض و و مونتو vert militaire و حبط
صوفي " اسر صباح الخير
اسر بابتسامة: صباح النور طاطا البارح فليل كملنا شوية روطار على هاديك وصلت لليان للدار و جيت
صوفي: يعطيك الصحة اسر وليدي تعيش
ضحك معاها و راح
ناضت لليان جوايه 10 تكسلت عيطت ليماها اومبعد حبطت كلات واش جا قدامها خملت الدار سيقتها مليح و دخلت ظوشت خفيف خرجت لبست جوب ميني نواغ و شوميز حمرة طمت شعرها كوتشفال و دارت ماكياج و روج أحمر حطت البارفان لبست صباط طالون كحل جبدت فلاس ديسك و تيليفونها و بعتت التسجيل للفلاش جبدت ورقة و كتبت عريضة الاستقالة تاعها دارتهم في الصاك لبست فيستتها و خرجت للشركة
أنت تقرأ
مدمرة كياني❤️😙( باللهجة الجزائرية🇩🇿)
Romantikياااا قومم لقد اتيتتتت و لم اتي فارغة الوفاض 😈😈😂 (اااا حمودة السيريو كي صراله😂😂) تحكي عن اجتماع عالمان مختلفان جدا عن بعض🌍 هي عنيدة تعشق المرح 😜😅بينما هو بارد قاسي لا يبالي 😒 فيا ترى هل سوف تفك قيوده ليصبح أسيرا لها 🤔؟؟؟
