مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 24👀

شافتو واقف قدامها تخلعت جات تغلق الباب مي كان اقوى منها و فتحها و دخل: وواش جابك و منين عرفت بلاصتي و واش تسحق من عندي راني مزوجة دوك اخطيني.
فؤاد: تؤتؤتؤ خليني نصححلك الاخطاء تاعك الحاجة الأولى جيت لانو انا حبيت الحاجة التانية منين عرفت هادي يعني ماشي علم كبير الحاجة التالتة نسحقك نتي و الحاجة الاخيرة و لا خلينا نقولة الكذبة الأخيرة لي كامل خليتيهم يصدقوها و لي je te tire le chapeau علاجالها انو قدرتي تمثل دور المتزوجة و انت دايرة عقد مع السي راجلك و بدا يدنا و هي ترجع اللور حتى هربت من قدامو و دخلت لشمبرتها و غلقت الباب و بدأت تبكي و هو يهدر: امم زعما غلقتي الباب شافت من و من قعدت تحوس على التليفون تاعها ملقاتوش تفكرت انو لتحت: ***** .شافت و جاتها الفكرة الوحيدة لي تخليها تهرب راحت جيهة التاقة و شافت ملقاتهاش عالية بزاف راحت للخزانة تاعها جبدت تريكوات و ربطتهم مع بعضاهم و ربطتهم مع الفراش تاعها و رمات الحبل لي خدماتو من التاقة و بدأت تحبط بشوية حتى لحقت للتحت و راحت تجري و خرجت من الباب الخلفي و هربت تجري و مع لي كانت شوية شتا و الجو مغيم تجري و دور تشوف موراها حتى : طيييييييييييط ...................
اما فؤاد لي قاعد يهدر و يهدد حتى لقا الكالم كسر الباب و دخل ملقاهاش و شاف التاقة مفتوحة: ااااااااه هربت بنت الكلب و خرج يجري بطونوبيلتو يحوس عليها .
_____________
السكرتيرة: موسيو اسر نجيبلك الملفات تاع الصفقة الجديدة ؟
اسر : لالا و الغيلي كامل البرنامج تاع اليوم و خرج رايح للدار .

حبط من الطونوبيل يشوفها مرمية قدامو رفدها و داها للسبيطار القريب ليه..

و فؤاد لي حوس و حوس و ملقاهاش دور وجهتو للدار: الا منلقاك يا لليان مسألة وقت برك.

وصل اسر حبط من الطونوبيل راح يجبد مفاتحو لقا الباب مفتوح دخل مستغرب: لليان.....لليان
شاف التليفون تاعها في الارض رفدو و طلع لفوق يحوس عليها راح لبيتها ملقاهاش جا خارج انتبه للتاقة و التريكوات المربوطة في الفراش و مجيهة التاقة بدا الخوف يدب فيه جا خارج حتى يعفس على حاجة حبط راسو لقاه القفل تاع الباب طلع راسو للباب لقاه مكسر دار التليفون في جيبو و خرج يجري : لليان وين راكي حبيبي لليان ان شاء الله تكون بخير يا ربيي هادا واش نسحق كمل يمشي لوجهة مجهولة عيط لمروة : ألو اسر لاباس؟
اسر و هو يسيي يخبي الخوف تاعو: الحمد لله ..مروة لليان قاتلي نجي عندكم و انا راني فطريق بلا منشقى للدار لهيك راهي لتم ؟عيطتلها مسمعاتوش
مروة: لالا ماجاتش
اسر: ايا اوكي تكون في الدار و كوبا و عيط قال نفس الشيء صوفي لكن والو: هنا حس بحاجة ناقساتو كانو النفس راهو يتقطعلو غير بلعقل و هو يجري و يحوس عليها جاز للبحر وين موالف تروح ملقاهاش راح للشركة ماكاش : وين راكي لليان وين راكي وليلي برك و الله حياتي بلا بيك ظلمة انت النور في حياتي وليلي برك ياااا ربي احفظها راهي في امانتك .يدعي و دموعو على خدو و قعد يحوس حتى لحق الليل و مازال يحوس

عند لليان لي ضربتها طونوبيل و داها الراجل لي خبطها لصبيطار دخلها و راحو فحصوها
الراجل: واش راهي دكتور
الطبيب: الحمد لله كانت ضربة خفيفة و لكن لازملها راحة لانو نفسيتها عيانة
الراجل:نقدر نشوفها
الطبيب: متكترش عليها برك و بالشفا مرة أخرى ان شاء الله.
دخل عليها الراجل لقاها دايرة للجيهة الاخرى كي سمعت الباب شافت فيه كان راجل يكون في 51سنة شعرو شايب و يبان ناس ملاح
الراجل: راكي مليحة بنتي!
لليان: الحمد لله عمو مي شكون انت
الراجل: يا بنتي انا الراجل لي قستك بطونوبيل و جبتك هنا اسمحيلي يا بنتي و الله ماشي بلعاني
لليان: متقولش هكداك عمو و الحمد لله راني بخير و زيد مازال كاين رجال في بلادنا
الراجل : الحمد لله على سلامتك يا بنتي عندك يماك ولا خوك و لا باباك تحبي تعيطيلهم
لليان جاها في بالها اسر: عندي ..عندي راجلي
الراجل و هو يمدلها التليفون: هاكي عيطيلو يكون مقلق عليك. شدت التليفون و راحت تكتب الرقم حتى تفكرن انو متعرفوش : اه مانيش حافظة الرقم تاعو و ماني حابة نقلق حتى واحد
الراجل: اااه...... راكي حافظة الرقم تاعك عيطي بالاك يكون قدامو و لا كاش وأحد يرفد عليك
لليان: ايه عيطت و هي تدعي ربي يكون اسر لي يرفد

نولو عند اسر لي ماخلا حتى بلاصا و راح عند لابوليس مي مقدرو يديرو والو لانو ماجازتش 24ساعة حبس الطونوبيل تاعو و حط راسو على الكرسي و عيط باعلى صوتو: للليييياااااانننننن و طاحتلو دمعة تلخص مدى حلو و خوفو عليها و تفكر الاوقات لي جازو معاها حتى سمع صوت تليفون يصوني مي ماشي تاعو رما يدو في الجيب يلقا 2 تليفونات استغرب مي تمتم تفكر انو تاع لليان.......
لليان تحكي:
نضت صباح كيما العادة وجدت لاسر القهوة و بقينا نشربو حتى قالي انو نخرجو فرحت و خملت الدار ملييح و طلعت دوشت جبدت شعري و وجدت روحي و حبطت نستنى فيه يجي حتى سمعت صوت الباب حبطت نفتح حسبتلي اسر مي كان كابوس حياتي فؤاد سقسيتو علاه جا و الصدمة انو كان عارف انو كاشي لعبة بدا يقرب مني حتى هربت لبيتي و غلقت الباب حوست على التليفون تاعي ملقيتوش مي كان عندي حل واحد انو نهرب من التاقة جبدت التريكوات تاعي و ربطتهم و خدمت حبل و رميتو للتاقة و هربت نجري حتى نشوف طونوبيل قدامي و هذا اخر ما شفت.......

اسر يحكي:
حبيت اليوم نقضي وقتي مع لليان حبطت شربت قهوتي و قتلها فرحت خرجت خدمت شوية و وليت للدار حبطت كنت داخل حتى شفت الباب مفتوح دخلت عيطتلها مسمعتش رد لقيت التليفون في الارض تاعها رفدتو و طلعت لفوق ماكلش رحت لبيتها ملقيتهلش كنت خارج ضربتني نسمة هوا باردة كانو ربي عطاني اشارة انو خرجت منا شفت التاقة مفتوحة و التريكوات المربوطة في الفراش و التاقة و عفست على القفل تاع الباب طلعت راسي لقيت الباب مكسر لتم رميت واش كان يدي في جيبي و خرجت نجري عيطت لمروة صوفيت الحالو و عيطت لخالتي صوفي و قعدت نحوس و نحوس اول مرة نخاف على واحد و اول مرة نبكي على واحد في حياتي حوست و حوست كامل الأماكن لي تروحلهم حتى حبست و حطيت راسي على الكرسي و عيطت باعلى صوتي باسمها و تفكرت نهار العرس كانت اجمل وحدة شافتها عيني الضحكة تاعها لي تسحر عينيها لي يخلوك تغرق فيهم قاطع هاد الذكربات صوت تليفون مي ماشي تاعي دخلت يدي في جيبي لقيت 2تليفونات استغربت مي تمتم تفكرت بلي تاع لليان لقيتو رقم غريب مع الاول مرفدتش مي امبعد جاني شعور قوي باش نرفد....

❤❤
ارائكم!