مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 29💔

فتحت عينيها صباح تحس حاجة مزيرة عليها شافتو اسر ضحكت كي تفكرت البارح و حبطت باستو من خدو فتح عينو: صباح الخير صباح الحب صباح العروسة تاعي😘
حشمت لليان و دخلت راسها في صدرو: اووه يا يما الحشام تاعي هيا هيا نوضي نخرجو
لليان: وين؟
اسر: برا😁ناض دخل الدوش دوش و لليان خملت البيت مليح وجدت حوايجها و كي خرج دخلت لبس جين و تريكو كحل و باسكات و كاسكيطة بيضة و حبط ،دوشت لليان و لبست جين و تريكو violet و باسكات كحلة و حبطت شافت الطابلة واجدة: اوهووه سي اسر ماكانش علابالي بلي تفششني قاع هكدا.اسر: و زعما خصارة في مرتي العزيزة و باسها: هيا اقعدي مادام السيوفي شوفي حتى اسمي و خرج عليك 😂
قعدت و فرغلها و قعدو يشربو و يقصرو بالضحك و الكلام المعسل تاع اسر لي ماخلا ما قاللها: هيا خلاص نروحو.
لليان: وي خلاص شبك يدو مع تاعها و خرجو
لليان: ايه وين نروحو
اسر: وين بدأت القصة تاعنا و وين نوري الناس بلي انت مرتي
لليان: اممم اوكي نشوفو وين.
قاعدين يقصرو في الطريق حتى وصلو: الشركة!
اسر: وي pour moi علاجال هاد الشركة القدر ربطني ببك
لليان: قصدك نهار خبطت فيك و مخليتليش
اسر: 😂لوكان كان علابالي بلي تخلاص هكدا لوكان ماشي غير نخليك تخبطي فيا .شدها و دخلو للشركة و تصلطت الأنظار عليهم لي يشوف بحب و فرحة ليهم و لي يشوف بحقد و غيرة و لي ماشي دايها فيهم ؛دخلو للبيرو و قعدها فوق الكرسي و قعد يخدم و هو مقابلها وهي غير تهدر معاه.
حتى سمعو الطبطيب : ادخل
دخلت السكرتيرة: موسيو اسر شاف مادموزال ميرنا لليان: خليها تدخل
اسر:: علاش دخليها
لليان راحت ليه: خليها تفهم بلي راك مزوج و عندك مرتك شابة كيما انا😎
اسر تبسم معاها: حتى اجمل واحدة شافتها عيني و باسها من راسها و في الوقت لي باسها دخلت ميرنا: اوهووه راني نشوف في أسر يبلعط فيك باش يقضي حاجتو😉
لليان : و انت بلعطي روحك بلي راهو يبلعط فيا يعني كيما راكي تشوفي اسر راهو يبلعط كيما راكي تقولي تقدري تروحي دوك
ميرنا: علا....
اسر: براا عيط عليها و خرجت و دار عند لليان : اممم ريحة الغيرة
لليان: اممم لاني انانية فيما هو ملكي
اسر:😂احلفي بالله يا زوجتي الأنانية 😂😂😂
خدم شوية حتى كانت الساعة 12 : اسر
اسر: عيون اسر .
لليان: جعتت
اسر: مرتي تجوع و انا قاعد هيا هيا نوضي جاو خارجين حكمها و دورها ليه: يعني راكي تشوفي كيفاش رجعتيني اسر لي كانت حاجة متأثر فيه وليت نسمع اسمك برك نروح فيها
لليان: 😂😂😂😎علابالي عمري علابالي . و خرجو راحو يفطرو و عاودو دخلو للدار.

جازو الأيام و حب اسر و لليان غير يزيد يكبر ولات نقطة ضعفو برا عبد و قدام مرتو عبد آخر.....

نهار جديد ناض شافها مازالها راقدة خرج بلعقل و راح يخدم لحقت 12 راح ليها للدار لقاها طيب في الفطور دخل بلعقل و راح حكمها من وسطها و حط راسو فوق كتفها: اممم واش راهي طيب مرتي العزيزة شاف في الطابلة لقا الفرينة و البيض و الزيت عرفها كاشما تخلط دارت ليه ضحك في وجهها: 😂😂😂😂واش راكي دايرة في روحك
لليان: والو علاش
اسر : واش راكي تخلطي هنا
لليان: كيك
اسر: مي الكيك راهو في وجهك😂
راحت الزجاجة تاع الفور و شافت روحها و شهقت
اسر: ارواحي نمسحلك ارواحي. راحت عندو و جبدها حتى لسقت في صدرو: غمضي عينك .غمضت عينها و هو راح دار صبعو في البيض و الفرينة و دارو في وجهها فوق فمها و تحت دقنها (رسملها شلاغم يعني'😂) ايوااه هاي مرتي لي نعرفها حلي عينك ..فتحت عينيها و تكلاطا بالضحك : واااش علاش راك تضحك و راحت شافت روحها: و الله غير اليوم نكمل عليك يا اسر و راح يجري و هي موراه دخلو لبيتهم هو من جيها و هي ملوخرة :حبيبي لليان خلاص
لليان: هاهاها خفت
اسر:شكون انا !جامي حتى هاه راني جيت عندك.راح دنا ليها و جابها تحتو الفراش:ههه واش كنتي ديري يا لالا 😂
لليان: ااه..اهه.والو.خليني نروح
اسر : لالا جابلي ربي درتي حاجة
لليان: اااه اسر اااه و بدات تبكي(زعما)
اسر بعد عليها: لليان واشبيك واش كاين
ناضت تجري و خرجتلو لسانها و هربت: مهبولة 😂
كملت لليان الكيك ونقات الكوزينة لي ماكانتش كوزينة من قبل فطرو و رفدت الحالة و دات الكايك و قعدت عند اسر في الصالون كلاو و تعشاو و رقدو .............
جازو اليامات بيناتهم مع حبهم الكبيييير و لوجين راهي اونسانت عندها ولد و نور راهي مهبلاتو بطلباتها...

ناض صباح شافها راقدة محبش ينوضها خرج بلعقل و راح للشركة يخدم لحقت 12 خرج و راح للدار...سمعت صوت الطونوبيل تاعو راحت فتحتلو الباب و صوطات عليه: اووو توحشيني واقيل
لليان: لالا ملقيتش واش ندير عنقتك😒
اسر : هكداااا ايه معليش مي انا توحشتك و عنقها و دخلو: اممم راني نشم ريحة الماكلة
لليان: روح اغسل يديك و انا نحطلك تاكل. راح و رجع شافها لابسة روب قصيرة بيضة حكمها من وسطها و قربها ليه: ايييه و واش حكاية الروبا هادي لي راكي لابستها ؟
لليان: علاش معجبا..... مكملتش الهدرة تاعها حتى يسمعو صوت الرصاص و الزجاج تاع التواقي يتكسر حبط راسو و راح يحبط لليان معاه حتى حبس الرصاص طلع راسو يشوف فيها تتنفس بسيف و حاطة يدها في قلبها: ا.ااسر...قلبييي..راهو..راه .يوجعع .بب...بزاف . حبط راسو يشوف في الروب الابيض كامل دم جيهت قلبها : لليان.(بصدمة ) لليااان ..لليااااان متغلقيش عينك اقعدي معايا
لليان بسيف: ااسر......نحبك و غلقت عينيها..
رفدها اسر يجري و ركبها في الطونوبيل و طار للسبيطار لحق و عيط باعلى صوتو: ارواحووووووو مرتيي راي تموتتت. كيفاش ميجوش يجرو و اسر السيوفي هنا جاو كامل الدكاترة و رفدوها عليها و دخلوها للعمليات قعد في الارض يشوف في يدو لي كامل دم ......
دقايق حتى جاو كامل لوجين مروة صوفي مهربان صادق و نور صوفي لي دايرة حالة بالبكاء و يسيو يهدو فيها. راح نور و صادق عند اسر و نوضوه من الارض .نور: ادعيلها اسر محتاجة دعواتك
اسر يشوف فيهم و عقلو ماشي معاه
جازو 5ساعات و واحد مخرج من العملية حتى تفتحت الباب و بداو يجرو و يدخلو f les appareils ناض اسر لي يروح يسقسيه يقولو الوضع خطير حتى عاودت تغلقت الباب تاع العمليات و جازت 3 ساعات و صوت الآلات كامل حبس كامل طلعو رأسهم يشوفو في الباب يتفتح راحو كامل يجرو اولهم اسر: دكتور واش كاين قولي بلي لليان فطنت و راهي مليحة و راح تعيش .
شاف فيه الطبيب و حطلو يدو على كتفو و قالو: البقاء لله و ربي يصبركم و راح .
اسر قعد في بلاصتو للحظة جاز عليه شريط حياتهم و طاحت صوفي و عيطت عيطة هزت أرجاء السبيطار الكل: لليااااااااااااااااااااااان.فاق اسر على صوت صوفي و دخل يجري و الممرضة تمنع فبه: بعديييي بعدييي بعدها و دخل حبس كي شاف الممرضة تغطي في وجهها راح يجري ليها و غرس راسو في رقبتها و يبكي: لليان علاااش ..علاش رحتي و خليتيني علاااش كيفاش راح نعيش انا حياتي بلا بيك كيفاش عطاك قلبك تروحي و تخليني وحدي في هاد الدنيا كيفاش نكمل حياتي و انت ماكاش كيفااااااااش قوليلي كيفاش لليان حبي قوليلي راهم يتمسخرو قوليلي بلي راكي تمثلي و ديري هكا باش تخلعيني قوليلي راكي تخلفيلي كي خلعت في الدار البارح..مي ماشي زدتي عليها شوية لليان نوضي و بقا يهز فيها و يعيط: نووضييييي متموتيش متروحيش و نخليني نوووضي وطاح في الارض يبكي كيما البيبي و يقول كلمة وحدة يعاود فيها:خلاصت حياتي
خلاصت حياتي................................................

____خلاصت حياتي _____