مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 27😀

ناض اسر حبط مالقاهاش و مالقاش القهوة عرف بلي مازال راقدة خلاها و خرج للشركة .
لليان لي كانت راقدة و السطر  داير فيها حالة ناضت شافت في الساعة لقاتها 10:  يكون راح. سيات تنوض مي كرشها كانت توجع و حكمتها الدوخة عاودت ولات تكسلت .
كمل اسر الخدمة و خرج على 12 وصل للدار لقاها كيما خلاها و الضواوي طافيين طلع لبيتها طبطب بلعقل مي مسمعش رد فتح الباب و شافها مازالت راقدة راح قعد قدامها حط يدو فوق جبينها لقاها تعرق : لليان...لليان ناضت شافت فيه: اسر شحال راهي الساعة!
اسر: راهي 12h30 مي وشبيك !
لليان: اه والو لالا نوض نديرلك حاجة تاكلها .جات تنوض حتى قريب طاحت شدها اسر و قعدها: اقعدي لليان ريحي في بلاصتك متنوضيش .قعدها و قعد قدامها : راكي مليحة ؟
دارتلو براسها ايه و حطت يدها فوق كرشها شافها اسر و شاف les grimaces تاع الوجع في وجهها عرفها بلي وقتهم كسلها و حبط دارلها حاجة خفيفة كلاتها و عطالها تيزانة شربتها و رقدت .رجع للخدمة كمل  خدمتو و جاز على السوبر ماركت شرالها واش تسحق و جابلها فاكهة و شوية شيكولات و داهملها دخل لقاها طيب في العشا حط الصاشيات : علاش نضتي؟ريحتي شوية؟
لليان: ااه ايه راني مليحة. روح اغسل يديك و أرواح تاكل. طلع غسل يدو و حبط تعشاو و قعد يقصر معاها مي محبش يفورسي عليها كملو ناضت ترفد الطابلة حبسها: نن خلي من يدك و اطلعي ريحي
لليان: اه نهار كامل و انا في الببت
اسر: روحي اقعدي في الصالون و دوك نجي .راح رفد الطابلة و غسل الماعن و راح قعد قدامها: ايه واش راكي تشوفي!
لليان: فيلم تركي اقعد تشوف(تهدر بشوية)شاف فيها لقاها تبكي دورلها راسها: واشبيكك تبكي كاشما يوجع فيك!!!!
دارت برأسها لا لا: مالا علاش تبكي؟
شافت فيه و دورت راسها و شورتلو بيدها في tv
اسر: قوليلي راكي تبكي علاجال فيلم؟
لليان شافت فيه: مسكينة مات راجلها
اسر: 😂😂😂😂ضحك بصوت،شافت فيه و غاست في ضحكتو و قاللها: علابالك الحاجة المليحة فيك وشنو ......كل يوم نزيد نكتشف حاجة جديدة فيك شاف فيها و دور يدو عليها و قعدو يشوفو في الفيلم بعد واحد ربع ساعة خلاص الفيلم: ايه واش رايك في النهاية!
لليان..............
شاف فيها لقاها راقدة طفا tvو رفدها بشوية و داها لببتها حطها و غطاها مليح و باسها من خدها: محال نخليك بعدما لقيتك.و خرج..

غدوة منداك ناضت صباح بكري لبست سروال جين و تريكو بيض و باسكات كحلة و دارت شعرها طوماطيشة مع تمرد الخصلات و راحت شرات croissant w petit pain سخونين و شرات2قهاوي و دخلت للدار شافتو حابط: صباح الخير 😊
اسر: وين كنتي مع صباح ربي 🤨
شافت فيه و طلعتلو الصاشيات في وجهو : خرجت شريت و مدتلو القهوة و راحت حطت واش شرات في طبسي و قعدو يشربو كمل و ناض : متزيديش تخرجي بلا متقوليلي و راح بلا ميسمع الرد تاعها : سبحان الله البارح عبد و اليوم عبد اوااه خلاص هدا عندو انفصام في الشخصية تاعو سووور كملت طلعت بدلت حوايجها و بدأت تخدم في شغل الدار.

دخل لبيروه خدم حتى تزدم عليه
السكرتيرة: اسمحلي موسيو مقدرتش نمنعها
اسر: تقدري تروحي. ..... واش تسحقي انت
راحت وقفت قدام البيرو تاعو: توحشتك جيت ليك و راحت تبوس فيه .طبعها حتى جات لاسقة في الحيط : اخرجي عليا
ميرنا : اسر حبيبي علابالي راك تهدر هكا فوق قلبك علابالي تحبني و راك حاب نكونو مع بعض
شاف فيها و ضحك باستهزاء: روحي اخطيني اخرجي محياتي راني مزوج و عندي مرتي و نحبها نموت عليها واش ندير بيك  و دوك اخرجي.
ميرنا: راح تندم على هدرتك هادي راح تندم و خرجت ،جاتو تصويت لليان بين عينيه تبسم وحدو و كمل يخدم.
اما لليان كملت الشغل تاعها و دارت الفطور يطيب و راحت عيطت ليماها و قعدت تقصر معاها حتى سمعت لاصونات تاع الدار كوبات مع يماها و راحت تشوف شكون جاها صوت مرا(لانو وصاها اسر متحلش الباب) فتحت حتى تلقاها هي : واش جيتي ديري واش تسحقي مني؟
شافت فيها طبعتها و دخلت للدار: ايبه الدار هادي كانت راح تكون تاعي انا لي كنت راح نسكن فيها حتى جات وحدة كيما انت و داتلي قاع واش كان راح يكون ديالي مي نقولك حاجة يامات و يرميلك الما لانو يحبني انا و انا لي راح يكمل حياتو معايا و انت اقعدي نومي و اتخايلي باش يحبك هههههه مسكينة تغيضي علابالك.
هنا لليان كانت شادة روحها على شعرة : ايدا كملتي تقدري تروحي منين جيتي دوك
ميرنا: ههه شوف شوف راني نشوف فيك متحشميش و وليتي تزيدي في الهدرة معا لالياتك ياك مي معليش سكتلك اليوم ماشي معنتها نسكتلك كل يوم 😉و خرجت .غلقت لليان الباب و طاحت تبكي في الارض حتى ناضت تجري و مسحت دموعها: و الله يا أسر غير نخليك تحوس عليا بالريق الناشف و انا قدامك و نشوفو .ناضت كملت الفطور فطرت و خلاتلو و طلعت لبيتها
جا لقا الفطور  فطر و طلع طبطب عندها: لليان !
لليان: واش تسحق مانيش فارغة شغل دوك .
اسر: واش راكي ديري!
لليان: واش دخلك
اسر شاف روحو بدا يتقلق خبط الباب تاعها بيدو و خرج .لليان: ماازاال بزاف يا سي اسر 😈
لحقت العشية طيبت العشا و طلعت جبدت شعرها و لبست روب قصيرة كحلة sans manche و دوشت الريحة و دارت روج أحمر و حبطت قعدت في الصالون واحد العشر دقايق دخل سمعاتو و ضحكت بشر : راح نبداو يا راجلي لعزيز .
جا للصالون شافتو زعما تفرفشت : ااه و..وقتاش جيت جيت بكري .
شافهت ملفوق للتحت واش راهي لابسة اوبعد غمض عينو بالقاوي عاود فتحهم : اه تيه كملت الخدمة بكري اليوم .
لليان: اوكي ناضت و جازت قدامو رايحة للبيت و هي تضحك ضحكة تاع انتصار .
اما اسر لي غير دخل شافها هكداك مخو حبس ملخدمة و زادت عليه كي جازت و ريحتها ضربت فيه قعد يتبع فيها بعينيه حتى دخلت لبيتها..راحت لبست بيجاما طويلة شوية و طلعت شعرها طوماطيشة و حبطت عندو: نحطلك تاكل
اسر: ايه راحت تحطلو و هو راح قعد و يشوف فيها و فكل حركة ديرها حطتلو و قعدت كلات شوية و اسر غير يشوف فيها حتى هدر بلا ميفيق: علاش !!
شافت فيه و قاتلو ؛ واش لي علاش!!!
شاف فيها و فطن و حب يكوفري الحالة: علاش الماكلة حارة اليوم!
لليان: نن ماشي بزاف
اسر: جاتني حارة شبعت .و طلع لشمبرتو و دخل دار دوش بارد لعلو يطفي النار لي شعلتها فيه
لليان تحكي:
راح نخليه يندم راح يحس روحو بعيييد كل البعد و هو قريب ليا و رانا في البداية يا موسيو و مازااال بزاف
اسر يحكي :
خرجت بكري اليوم لانو عييت و ماكانتش خدمة بزاف رحت للدار لقيتها لابسة روب قصيرة و شعرها مطلوق لي واصل لنص ظهرها و الروج لي دايراتو كانو يعيطلي كي دخلت عليها تفرفشت و طلعت لبيتها جازت عليا و ريحتها لي دوختني حبيت نحكمها و نعنقها و نقوللها بلي هي تاعي وحدي تعشيت محسيت غير بروحي و انا نقوللها : علاش قصدت علاش شابة لهاد الدرجة علاش تخليك تحس روحك محرم عليها وعلاش شعلتلي ناري كي ماطفيهاش علاااش ... حتى تجاوبني و انا حبيت نغطي الحالة حصلتها في الماكلة بلي حارة و انا الماكلة ماعلاباليش واش كليت même pas  نضت مطابلة خير منزيد نهردها كتر و طلعت درت دوش بارد باش نطفي النار لي شعلتها  فيا.......

ارائكم و تعليقاتكم و دعمكم  يهموني 💖