مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 25❤

رفد: الو
لليان: اسر و طرطقت بالبكاء.  هنا اسر حس انو  ولات فيه الروح : يا روح اسر وين راكي لليان راكي مليحة
لليان: اسر تعيش أرواح راني  في للسبيطار *******
اسر سمع سبيطار و لا كي المهبول : اوكي متخافيش راني جاي5دقايق نكون عندك و قلع عندها
وحد العشر دقايق كان لتم جا كي الطاير و دخل شغول عاصفة عند الاستقبال سقساهم و قالولو و طلع بجري لحق فتح الباب و شافها و راح عندها شدلها وجها بين يديه و هي كي شافتو طرطقت بالبكاء و عنقاتو و دخلت راسها في صدرو و تزير عليه و هو يعنق و يزيد حب يدخلها عندو تبقا تاعو وحدو: اششش راني معاك
لليان : كان را...
اسر: اشششش اسكتي خلاص ماشي دوك و عنقها حتى هدات مسحلها دموعها و باسها من راسها: الحمد لله يا ربي الحمد
هدا كامل  تحت انظار الراجل حتى هدر: يعني دوك نروح مهني عليك يا بنتي
اسر سمع صوت راجل دار شاف راجل كبير واقف:شكون نتا
لليان: عمو لي عاوني
الراجل : الغلطة تاعي يا بنتي نتمنى تسامحيني و ربي يخليكم لبعضاكم ان شاء الله. تبسمت معاه لليان و قاتلو: يعطيك الصحة على كلش تبسم معاها و راح
اسر: راكي مليحة
لليان: ايه تعيش خرجني منا
أسر: اوكي دوك نجي راح دار إجراءات الخروج و جا عاونها باش  تخرج و راحو للدار.
غير فتحها شدت لليان فيه بقوة و شدها و قاللها:راني معاك لليان و داها لبيتو و كسلها فوق الفراش و خرج راح جابلها بيجامة و رجع  عندها: هاكي هادو  ادخلي دوشي و البسي
لليان: اوكي. دخلت دوشت وهو راح  خمل بيتها مليح و حبط طيبلها soup خفيفة و طلعهالها لقاها كملت الدوش: بصحتك و دوك ارواحي وقت الماكلة و ماكاش اعتراض. وكلها و هي غايسة في تفاصيل وجهو: علابالي باي انا شباب بزاف و ضحك .كملت ماكلتها و حط اسر السنيوة فوق la table de nuit تاعو دخل الدوش لبس شورت  صفر و خرج بلا  تريكو لقاها راقدة دخل معاها و عنقها و رقد.......
ناضت الصباح تحس حاجة ثقيلة قدامها حلت عينيها تشوف في البيت الكحلة لي راهي فيها دورت راسها شافت اسر  راقد فوق صدرها و شعرو مخرب تبسمت لا اراديا و قعدت تلعبلو بشعرو ابري نحات يدها و باستو بوسا خفيفة من خدو و خرجت ،غير خرجت حل عينو و تبسم ناض هو تانيك دخل دوش.
حبطت للتحت طيبت القهوة و دارت معاه شوية حاجات خفاف  يتنكلو و حطت الطابلة و جابت jusحطاتو و راحت الكوزينة.حبط اسر  للكوزينة شاف الطابلة معمرة الله الله : اوه اوه واش هاد النشاط صباح ربي. خرجت لليان من الكوزينة و ضحكت معاه: صباح الخير
اسر: صباح النور.
قعدو و شربو اسر: راكي مليحة ريحتي
لليان: راني كي العودة مي كاين حاجة دين على رقبتك
اسر: خير
لليان: البارح مخرجناش و اليوم نخرجو منسحقش اعتراض تعييشش
اسر شاف فيها و شاف في ساعتو: عندك 10دقايق نلقاك واجدة.
ناضت تجري مبلاصتها: احاااي 10دقايق يا خويا بزااف هوما حكاية 4دقايق و طلعت تجري
اسر: انا ماشي خووككككك
طلع هو تانيك لبس سروال جين و تريكو بيض و فيستا جين و باسكات بيضة و كاسكيطة بيضة و حبط يستنا فيها شاف في ساعتو : 4 دقايق نكون واجدة ...للياان راهم ربع ساعة مازاال
لليان: راني جييت (تعيط من بيتها)
خرجت لابسة جين كحل و تريكو gris مع فيستا كحلو و باسكات بيضة : ران... حبست في بلاصتها تشوف فيه واش لابس حبطت الدروج بلعقل حتى وصلت لعندو بقات غايسة معاه حتى : ايييو وين رحتي  فاقت مع روحها و قاتلو خلاص و خرجو
اسر: ايه ايه يا لالة وين نروحو
لليان: مازال الحال على الفطور .نروحو ندورو شوية في كاش بلاصة
اسر: اوكي .وصلو كانت جنينة كبييرة فيها غير الورد و الاشجار و في الوسط فوارة كبيييرة تاع الما
لليان : واوو و بداو يمشو و يحكو حتى دارت ليه شافت موراهم زوج بنات يشوفو في اسر و يوشوشو و يضحكو شافت فيهم و حقرتلهم و راحت عند اسر و شبكت يدها في يدو شافها تخلع مي عجبو الحال ضحت تاع صون سمير و كملو يمشو حتى لحقو لواحد البلاصة كانت كأنها خالية و فيها كراسة قعدت  فوق واحد الكرسي و قعد هو قدامها حتى هدرت : اسر نسقسيك حاجة
اسر: وي
لليان: العقد لي بيناتنا شكون يعرف بيه
اسر: حتا واحد..علاش
لليان: يعني صحبتك متعرفش عليه
اسر: قتلك حتا واحد
لليان : اوكي
شاف فيها و دنا ليها حتى ولا بيناتهم سنتمترات قلااال غمضت عينيها شافها هو تبسم على ارتباكها منو كانو بدا يدخلو الشك انو تحبو (لالا غير شك شك من عندي شك😂)حب يزيد يتأكد حط يدو فوق شعرها و نحالها حشيشة كانت فوق شعرها و رماها.  حلت عينيها لقاتو يضحك وحدو : ااه هيا نروحو انا جعت و ناضت سابقاتو و ناض موراها كي كانت تمشي حبست دارت شافت هادوك البنات راحو ليه
****1: اوه الزين هادا كل يمشي وحدو
*****2: واش رايك نونسوك .
كان راح يهدر حتى جات لليان و نار تخرج من ودنيها  : الحاجة الأولى ماراهوش وحدو و راني نكفي و نوفي باش نونسو
***:حكايتها يجيب بيك الوقت و يرميك و غمزتلها
هنا لليان مقدرتش تشد روحها راحت عندها بكل برود: اممم ارواحي نقولك حاجة و دنات ليها و تجبدها من شعرها: ااااااا قالو يجوز بيك وقت و يرميك واش تكوني نتي باش تهدري مع راجلي هكا ااا قولي و بدأت تزير عليها و الطفلة تعيط و اسر يضحك و يسلك حتى بسيف باش بعد لليان على هاديك الطفلة لي كانت هربت تجري و شعرها كامل في يد لليان
لليان: اووه راك تضحك عجبك الحال تخليهم يهدرو معاك هكاك ياك و زيد تسلك فيها من يدي عجباتك اه قول
اسر و هو شاد الضحكة بسيف: خلاص هيا نروحو لليان و شدها من يدها و يكركر فيها
لليان: اااي حبس منروحش معاك اطلقني ..اطلقني منجيش
اسر: ماجيش ؟راكي سور
لليان: م ن ج ي ش او
أسر: اوكي  دار و رفدها و هي تخبط فيه و تقولو يحبطها و تعيط و هو ولا علابالو و الناس تشوف فيهم لي يحسدهم و لي يضحك عليهم و لي غاير منهم وصل فتح الطونوبيل و دخلها و ركب و غلق الطونوبيل
لليان : تشوف فيا صغيرة باش تغلق عليا الباب  و قلع يصوق و هي غير تهدر حتى صدعتلو راسو فرينا حتى رحت و ولات : متسكتيش
لليان تهدر و هو مركز على هدف واحد احد : منسكتش راني نهدر الصح و زيد نتا عجبك الحال و تضحك و تد... مكمتلش حتى تحس بحاجة غلقتلها فمها تشوف فيه تلقاه غارق معاها في بوسة نساها كامل واش كانت تهدر بعدما كانت تهدر و تلوح بيديها حبست و ولات ساكنة في بلاصتها تستمتع معاه .
حبس كي شافها سكتت و تكالمات ضحك و عاود قلع   امل هي فاقت على روحها راحت تهدر شاف فيها ولات سكتت : متزيدش تقرب مني و وصلني للدار مناكولش . حبس قدام ريسطو و قاللها: المهم حبيت نقولك برك بلي شوارما تاعو افضل شوارما ممكن تاكليها انا راني داخل و ادا صرا و بدلتي رايك تلقايني لداخل و حبط و دخل
لليان: وووه جعت تسنا دوك منكش ولا لالا منكولش...........علاجالو واقيل حبطت و دخلت حوست عليه بعينيها شافتو قاعد قدام التاقة لي طل على البحر راحت جيهتو وقفت عند راسو .
عرف بلي جات و كيفاش ميعرفش و هو يميز ريحتها مليح دار و ضحك: اوهووه شكون جا 😂
حقرتلو و قعدت لليان مقابلاتو حتى جا السارفور
اسر: واحد شوارما و شاف فيها : و انا زوج و قرعة قازوز و تبسمت معاه  و راح السارفور
شاف فيها و قاللها: يعني نقدر نفهم واش معنتها  زوج شاوارما 😂
لليان: نن نورمال راك مليح كي مقلتش 3 و ضحكت
أسر في قلبو: اطلبي عشرين ادا حبيتي علاجال هاد الضحكة قعد يشوف فيها حتى صونا التليفون تاعو: الو وي
******
اسر: وقتاش
*****
ادا قدرت نجي وجديلي كامل الملفات و كوبا.
جات الطلبية تاعهم كلاو و ناضو وصلها للدار و قاللها: انا عندي اجتماع لازم نروح اغلقي الباب و متفتحي لحتى واحد
شافت فيه و قاتلو: و متبدلش حوايجك تروح هكدا واقيل
اسر: واش بيهم حوايجي
لليان: نن تاع الخدمة يجوك خير
أسر: معليش و زيد معنديش الوقت باش نبدل . شافت فيه بتشناف خبطت الباب و جات رايحة فتح الزجاج و قاللها: كسريها خير .غيورة 😂غمزلها و راح .
شافت فيه و زفرت و دخلت للدار: رايحلي للخدمة بهاديك الحطة و زيد يقولك نورمال شغول ماشي هو المدير عاجبو الحال كي يقعدو يكحلو عليه😡 اووف و انا واش دخلني يدير واش يحب .... مي الصح الصح راهو شباب اليوم يهبل يعني هو دايما شباب حتى و هو راقد ياااا ماميي شغول بيبي😍
اووووه لليان ولي لعقلك اصلن عندو صحبتو 😟واش يدير بيا تجواز الوقت......مي دوك  نوريلك شكون انا يا سي شباب و ضحكت ضحكة شر و طلعت لبيتها.
اسر يحكي :
يعني بديت نشك و لا نقولو راح نتاكد بلي تحبني لانو دايمن تتوتر كي نكون قريب ليها و زيد اليوم نقدر نقول دارتلي  des preuves تاع غيرة ان دوك تشوفي يا لالا الا متجي عندي و تعتارفي .
لليان تحكي:
قالي غيورة يعني بينت بزاف غيرتي عليه!!! اوووف واش درت واش درت مي و الله ما نتسماش لليان بنت صوفي ادا مشيبتكش و ادا اعترفتلك قبل ما تعترف ما يكونش اسمي لليان و بيناتنا ليام يا راجلي لعزيز.

Vot et commentaires ❤nhbkm