مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 15☺

شافت فيه و سقاتلو عطاتلو الطبسي: خلاص شبعت
شافت فيه كانو تبدل رفدت الطابلة و غسلت الماعن و راحت عندو للصالة: راني رايحة
أسر: تعرفي طريق حبطت راسها بخيبة امل و راحت شدت طاكسي و راحت للدار
في القصر:
مهربان؛ و الله غير منتهناش حتى نشوف اسر مزوج اهدر معاه نتا بالاك يسمع
صادق(باباه): ان شاء الله تجيني الفرصة برك.

جازو شهرين اسر و لليان على نفس الحال الصدف تجمعهم في بزاف بلايص لحق وقت واحد الصفقة لي اسر كان يستنا فيا عندو شحال اعلان تاع اشهر بارفان في البلاد و في بعض الدول العربية  اسر وجد روحو و انو يعمل المستحيل تاعو باش يربح هاد الصفقة لانو  اسمو راح يزيد يشيع في مجال الاعلان خدم لحقت لعشية راح للدار: بابا راهو هنا؟
الخدامةذ: انعم ايه في الصالون
راح اسر قعد قدامو و بدا يهدر: بابا حبيت نهدر معاك في حاجة
صادق: نسمع فيك يا وليدي
اسر : علابالك عندي شحال نخدم باش نوصل اسمي لأبعد الحدود و ربحت بزاف صفقات و دوك نقدر نقولك جات فرصة العمر لي نقدر بيها نحقق واش راني حابو راح نشد اكبر صفقة في الشركة تاع اشهر بارفان في البلاد و الدول العربية ومحتاج توقيعك و موافقتك كونك صاحب اكبر أسهم الشركة
صادق: حياتي كامل و انا فخور فيكم و محبطتوليش راسي واش تقولو نكون مع القرار تاعكم جامي كنت ضدكم ولكن هاد المرة عندي شرط
اسر: شرطك على العين و الراس
صادق: تتزوج
اسر شاف فيه مليح كانو كان حاس انو راح يلحق هنا: بابا حياتي و انا حر فيها
صادق: شركتي و انا حر فيها
اسر: تسما راك ديرلي الشونطاج ياك
صادق : انا قلت واش عندي خمم مليح
ناض اسر و خرج و خبط الباب صادق: لمصلحتك يا وليدي راني حاب نتهنا عليك.
خرج دار قارو و ركب طونوبيلتو و طار للبحر قعد شوية حتى راح لدارو فتحها جاتو صورة لليان كي كانت تضحك معاه تبسم بلا ميفيق طلع لبيتو كان داخل الدوش حتى لمح حاجة تبرق دنا ليها لقاها سنسلة طايحة في الارض عرف انو تاع لليان رفدها شاف فيها و حطها فوق la table de nuit  دوش و رقد ولا دايمن يقعد في الخدمة حتى الليل و يروح يبات في دارو اليوم قرر يروح للقصر طلع كانو راقدين بحكم انو دخل في الليل جا رايح لبيتو حتى يسمع مروة تهدر في التليفون: لليان تحبيه!
حبس في بلاصتو كي سمع اسمها رجع يسمع في مروة تقول: مالا علاش جاي يخطبك ؟.هنا اسر طرف العقل طارلو بفكرة انو كاش واحد يخطبها دخل للبيتو قعد فوق الفراش و يديه في راسو يخمم قعد هكداك حتى جاتو في راسو فكرة عزم انو يديرها

ناضت الصباح راسها يوجع فيها مالبكا ليل كامل و هي تبكي انو وليد خالتها حاب يخطبها مع انو يماها مسيفتش عليها مي الحاجة لي غاضتها حبها لاسر لي كل يوم يزبد يكبر و تعلقها فيه فات الحدود ناضت غسلت وجهها و حبطت عند يماها: صباح الخير ماما
صوفي: صباح النور بنتي واش راكي
لليان: الحمد لله ماما خالتي وقتاش قاتلك تجي ؟
صوفي: الوقت لي يساعدك
لليان: اوكي ديريلها نهار تجي
صوفي: لليان ادا ماراكيش قابلة ماشي بسبف بتتي
لليات: معنديش علاوش نرفض
صوفي: صلي استخارة و شوفي لي يريحك
لليان: ان شاء الله كانت تفطر حتى سمعت صوت التليفون يصوني راحت لبيتها و غلقت الباب
لليان: الو
اسر: صباح الخير
لليان بصوت مخنوق: صباح النور
اسر: لليان نقدرو نتلاقاو
لليان: غير الخير
أسر: كي تجي تعرفي راني نستنا فيك *****
لليان؛ أوكي ساعة نكون تم و كوبات لبست سروال جين و تريكو ابيض و و مونتو و باسكات طلقت شعرها و خرجت . لحقت للبلاصة كانت بحر قعدت غايسة و دموعها يسيلو حتى تحس بيد تحطت على كتفها دارت شافتو اسر : واشبيك علاش راكي تبكي لليان.  شافت فيه و ترمات في حضنو و قعدت تبكي و صوتها يزيد و اسر عنقها و قعد يمسحلها على شعرها و هي تزيد في البكية و هو يزيد يحضن فيها حب يدخلها عندو تبقا تاعو برك تبقى ملكو حتى بدات تهدا و ولات ترعش مالبرد و شفايفها زراقو شافها هكداك رفدها و داها الطونوبيل و طار ليها لدارو لحق فتح الباب و غلقو برجليه و طلع يجري حطها في شمبرتو بدا يسييي ينوض فيها محبتش تفطن رفدها داها للدوش و حل عليها الماء حتى استجابتلو و حبت تخرج و تكمشت فيه حتى رجعاتو كامل ما رفدها و خرجها و هي بدات تهدر: متزوجش بيه و اسر يسيي يفهم واش راهي تقول: منتزوجش بيه شاف معاها لقاها فقدت الوعي تكاها على الحيط في الارض و راح جاب تريكو من تاوعو و نحالها تاعها محبش يدير حاجة باش يخسرها لبسلها نشفلها شعرها و حطها فوق فراشو غطاها و خرج عيط لمروة قاللها تقول صوفي انو لليان راح تبات عندها .
لحقت 20:00 فطنت لليان راسها يوجع فيها شافت وين راهي عرفت انو عند اسر حبطت الفراش تشوف روحها لابسة حوايج تاعو و حبطت شافتو في الكوزينة يطيب راحت عندو: اعطيني نعاونك دار ليها شاف فيها و تبسم معاها و قاللها : لالا روحي تقعدي
لليان: اسر راني مليحة اعطيني. جبد اسر مغرفة و عطالها دوق: بالاكي سخونة بردهالها بنفس تاعو و قربها لفمها داقتها لليان و قاتلو: اممممم بنينة ماكانش عمبالي تعرف طيب ضحك معاها و طلع صبهو و مسحلها فمها حشمت و حبطت راسها و راحت حطت الطابلة و بداو ياكلو: هي بنينة  مي تاعي خير
اسر: واش جاب les lasagnes ل soupe  دوك
لليان: يعني... اسر نسقسيك
أسر: امم
لليان: ميرنا تحبها
شاف فيها اسر و قاللها: كملي مكلتك لليان. شافت فيه و الدمعة على طرف عينها لانو عرفت بلي لي تحبو يحب وحدوخرة
اسر: كملي مكلتك
لليان: شبعت و جات نايضة حكمها اسر و دورها عندو شاف في عينيها مليح و قاللها:.........

نهاية البارت فوت و كومنت للدعم البنات لي عندها كاش فكرة تشاركها معايا لانو بديت نحس انو الأفكار راهو و الرواية ماراهيش كيما كنت حابة. نحبككمممم💕💕