مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 23💙

ناضت صباح كيما كل صباح لبست سروال جين مقطع و تريكو نواغ و طالون نواغ طلقت شعرها دارت ماكياج و حبطت طيب القهوة
حبط شافها لابسة و تشرب في القهوة رفد كاسو و هدر: وين بيها مع صباح ربي
لليان: مانيش رايحة نسهر صباح ربي رايحة الخدمة
اسر: الخدمة؟ماكاش خدمة ربحي وين راكي خرج و خبط الباب.
لليان: ااااااه متوحش
______________
******
ميرنا: واش راك تقول نتا
*******
ميرنا: انا نعرف نتصرف
_______________
لحق اسر للخدمة خدم حتى لحقت 12 رفد روحو و خرج ديريكسون الدار
بعدما راح بدلت حوايجها حبطت رفدت قاع الدار و سيقتها مليح و خملتها ابري طلعت دوشت و لبست روب تاع صوف قصيرة لانو كانت الدار دافية شافت الساعة لقاتها 12:30 لليان: باين مايجيش للفطور ماكاله نطيب .و راحت تكسلت في بلاصتها
دخل للدار شافها نقية و ريحة الماكلة ماكاش دخل الكوزينة ملقا والو خرج و طلع ليها للبيت و فتحو قفزت من بلاصتها جات واقفة و بدا يعيط : جبتك هنا باش تتكسلي واقيل وين راه الفطور
لليان :ماكانش عمبالي بلي جي للفطور
اسر : المرة الجاية يكون علابالك و نلقا الطابلة واجدة
لليان: قالولك خدامة عندك وقيل ياك
راح ليها اسر دنا ليها حتى لسقت في الحيط حكم وجهها بين يديه و زير : المرة الجاية علي صوتك و تشوفي و خرج و كسر الباب ماشي خبطو و راح
لليان: متوحش مغرور اااه 😡
خرج راح للخدمة ووبقا يخدم.اما هي رقدت لحقت العشية طيبت العشا كلات و خلاتلو حقو و طلعت لبيتها و هو يجي يسخن ياكل و يطلع يرقد ولا ااروتين اليومي تاعهم هي تتفاداه متحبش تشوفو و هو ميدخلش حتى الليل .
لليان تحكي:
بعدما عيط عليا وليت نتفاداه منحبش نتلاقى بيه و هز يدخل حتى الليل يعني راني عايشة روتين.

ناضت صباح طيبتلو القهوة القهوة و حطتلو
اسر: صباح الخير
لليان: صباح النور.  و قعدو يشربو حتى نطقت : اسر حبيت نقولك حاجة .شاف فيها بمعنى واش كاين
لليان: كرهت في الدار و ماما ماكاشها حبيت نخرج ندور و منها كاشما نشري
اسر و هو ينوض: متفوتيش الخمسة تاع العشية و دوك نبعتلك شوفور
لليان: لالا ماكالاه نروح مع لوجين و مروة
اسرذ: أوكي و خرج. اما لليان وجدت روحها و لبست جين كحل مع تريكو ابيض و فيستا تاع الجين لانو بدا  يسخن الحال و خرجت تتلاقى مع البنات.
تلاقاو قاع و راهو centre commercial داروه قاع و شراو شراو شراو مخلاو والو و زادو خرجو راحو لواحد الجنينة و بقاو يقصرو و نساو رواحهم .

غلق البيسي و رفد دوزانو و خرج لحق للدار و فتح الباب شاف الحالة كالم عيط: لليان .....لليان عرفها مازال ماجاتش عيطلها مرفدتش زاد عيط لمروة كيفكيف بدا الخوف يدب فيه قعد يعاودلها نرفدتش بدا يقطع الكولوار aller retour ابري قعد في الكرسي و حط رجل فوق رجل كي سمعها جات .
دخلت لقات الحالة كالم و كلش طافي: اف مزية مازال ماجاش. شعلت الضو و 😮 تنصدم من حالة البرود لي قاعد فيها : قتلك تكوني فدار قبل الخمسة و ناض مبلاصتو : راهي الستة غير عشرا و زيد تليفونك مغلوق و فوق كامل هادو: مازال ماجاش مزية لحق عندها و حبط عند ودنها: الخرجة ماكاش و الدار نجي نلقاها تولول و الطياب في الفطور و في العشا و بلا هدرة زايدة .هنا لليان تقلقت و طبعاتو وبدأت تعيط: واش راك تشوف في روحك نتااا ديجا الغلطة فيا لي سقسيتك و مانيش خدامة عندك باش ندير و ندير و متنساش بيناتنا عقد يا سي اسر و راحت تجري لبيتها و بدأت تبكي و تبكي على زهرها حتى غفات في الارض.
________________
******: عرفت وين؟
***********
***:اوكي نسحق كامل التفاصيل
__________________

غدوة الصباح ناض اسر جاز على بيتها لقاها مغلوقة عرف بلي مازالها راقدة خرج ديراكت.
اما هي ناضت خرجت الجنينة قعدت شوية امبعد عيطت ليماها قصرت معاها و دخلت خملت الدار و سيقتها و طيبت الفطور لانو حبت تتفادى العياط تاع اسر طيبت لحق وقت الفطور حطت الطابلة و سمعت الباب تفتح عرفاتو جا و جاب في يدو زوج بايط بيتزا راحت ليه: اوووو قولي جبت بيتزا و نحاتهالو من يدو : لوكان قالي باش منطيبش . و راح موراها : ماشي كنتي تقولي منزيدش نطيبلك و نديرلك عليها جبت بيتزا ليا كانت تاكل حبست الماكلة و قاتلو: اسمحلي بصحتك و ناضت طلعت لبيتها
اسر شد شعرو: اوف اوف واش درت واش درت . وطلع طبطب في بيتها و دخل لقاها قاعدة فوق الفراش راح ليها قعد قدامها: لليان شوفي فيا .........لليان قتلك شوفي فيا كي ماشافش ردة فعل طلعلها راسها بيدو هو مع لي طلعو طاحت دمعة مسحهالها و شدها من يدها و خرجو و حبطها للتحت و قعدها دالها الباطة تاع البيتزا و قاللها: كولي بصحتك و باسها من خدها و قعد قدامها و هو غايس فيها حتى قال : انا نروح كاشما يخص
لليان: لالا اسر: اوكي و خرج
لليان رفدت و خسلت الطباسة و طلعت لبيتها .
تسريع الاحدات:
يعني أسر  و لليان علاقتهم مازالها هي هي و نور و لوجين قررو العرس يكون بعد 15 يوم و صوفي: مرات تروح عند لليان و مرات لليان تروح تبات عندها يعني جازو اليامات و كل طرف يتعلق في الاخر .
ناضت صباح طيب في القهوة حتى جا موراها: صباحالخير
لليان: صباح النور اقعد نحطلك. حطتلو و قعدو يشربو حتى هدر : اليوم مطيبيش الفطور ندي نص نهار و نخرجو
لليان: يااااا صح اوكي مالا مي مطولش
اسر: هه هه اوكي اوكي ايا مالا دوك باي و راح  .
خملت لليان الدار مليح و دوشت و جبدت شعرها و لبست سروال جين و تريكو نواغ و باسكاتبيضة و مونتو  لانو نهار بارد و طلقت شعرها و دارت اللمسة الأخيرة الريحة و حبطت للتحت قعدا تلعب في التليفون حتى يصوفي الباب : او نسا مفاتحو ماشي معوايدو 
زاد صونا: أوكي راني جيت و فتحت باب: نسيت مفات........ حبست في بلاصتها تشوف لي قدام الباب شكون ...........

Désolée pour le retard 🙏