ياااا قومم لقد اتيتتتت و لم اتي فارغة الوفاض 😈😈😂
(اااا حمودة السيريو كي صراله😂😂)
تحكي عن اجتماع عالمان مختلفان جدا عن بعض🌍
هي عنيدة تعشق المرح 😜😅بينما هو بارد قاسي لا يبالي 😒
فيا ترى هل سوف تفك قيوده ليصبح أسيرا لها 🤔؟؟؟
دخلت للدار جازت على يماها و قعدت معاها: واش العجوز صوفي: 😒😒 لليان:اههههههههههه خلاص خلاص واش راكي صوفي: نحمدو ربي و نشكروه لليان: الحمد لله ما..قاطعها لاصونات تاع التليفون تاع يماها رفدت و لليان طلعت لبيتها بدلت و قعدت تخمم فلي جاي بدلت و غسلت وجهها و حبطت عند يماها: واش ما شكون عيطلك صوفي: خالتك عيطت كاين عرس بنت خالتي في البلاد و عرضوني لليان؛ ااه مليح وقتاش صوفي: غير غدوة ان شاء الله لليان: ايه روحي بدلي شوية على خاطرك انا عندي خدمة صوفي: نقعد يومين و نجي لليان: و معامن تروحي ؟ صوفي: مع خالتك غدوة تجوز ليا ....انا مالا نوجد حوايجي و حطي الطابلة. حطت الطابلة تعشاة غسلت الماعن و قعدت مع يماها حتر راحت رقدت اما هي ماجاهاش النعاس قعدت في الصالون تشوف tv حتى غفات . ناضت صباح على صوت يماها تهدر في التليفون: صاحا راني جاية . ناضت و شافت يماها خارجة: تسما تروحي بلا متودعيني ها صوفي: اهه لالا و الله محبيتش نوضك و راحت عنقتها: بالاكي على روحك لليان: انت تاني باستها و خرجت .طلعت لبيتها لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و خرجت للشركة . وصلت دخلت البيرو تاعها قعدت تخدم مي بدات تصب الشتا خافت يدرب الرعد و تصرالها كيما المرة لي فاتت رفدت دوزانها و راحت عندو طبطبت اسر: ادخل دخلت و قاتلو بضحكة: جيت نستعمرك في البيرو اسر:اه راهي شرفت لالا الخوافة حطت دوزانها و قعدت تخدم و تقصر معاه حتى ناضت: راح نجيب قهوة تشرب اسر: وي علاش لالا .خرجت وحد زوج دقايق صونا التليفون تاعها معلنا وصول رسالة رما اسر عينو التليفون و عاود دار قتلو الفضول شعلو لقاه رقم مجهول عاود حطو تفكر انو لوكان تكون حاجة مهمة رفدو و حل الميساج: اليوم راكي وحدك في الدار واش رايك تستضيفيني؟ قراه اسر ولا ميضويش فاساه و رجع التليفون لبلاستو كي شافها جاية دخلت عطاتلو القهوة تاعو و هدرت: الناس تقول صاحا .شاف فيها و قاللها: هدرتي مع طاطا صوفي؟ لليان: لا لا اسر:تحبي اليوم نهدرو معاها؟ لليان: اه لالا ماكاشها هاد اليومين في الدار راحت صباح مع خالتي للبلاد اسر: تسما تقعدي وحدك في الدار؟ لليان: مجبورة.شاف فيها و ضحك بشر و كمل خدمتو و هي تخدم و تهدر اسر: لليان نتي دايمن تهدري بزاف ؟ لليان: اسر نتا دايما ساكت اسر: ااه تسما تجاوبيني بسؤال ياك لليان : لازم و حكمت التليفون تاعها تخرب فيه و تعوج في فمها حتى حطاتو اسر: راكي تسناي آبال واقيل لليان و هي تخدم: نن أسر : مالا ميساج لليان: نن دوك تعرف دقايق و تدخل السكرتيرة في يدها باطة بيتزا و زوج صاشيات: موسيو أسر وصلت الطلبية تاعك و خرجت شاف فيها اسر و راح يهدر حتى تقاطعو لليان: هادا واش راني تستنا شدتهم و ناضت جيهة اسر و شداتو من يدو و نوضاتو من الكرسي تاعو و قعداتو مقابلها: كول بصحتك أسر: مي مطلبتش لليان " علابالي انا جعت شاف فيها و بداو ياكلو و لليان تهدر غير تهدر اسر: متهدريش كي تكوني تاكلي تحصلك لليان: احااا...و بدات تسعل و تسعل حطت الصندويتش و قعدت تسعل ناض اسر يجري ليها و عطالها الما و شربت و حبست اسر: قتلك متهدريش رفدت الصندويتش تاعها و كملاتو : دوك نقدر نكمل الخدمة شاف فيها اسر و حط صبعو فوق شفافها و مسحلها واش كان في فمها دارت و طاحت عينها في عينو تاهو في عيون بعضاهم حتى انتبه لروحو و قاللها: مرسي على الفطور صح دوك نقدر نركز و ناض للبيرة تاعو يخدم و هي لمت الطابلة و خرجت غسلت و ولات تخدم
وصلت الستة تاع العشية غلق اسر البيسي و قاللها: خلاص حبسي لليان: اه خلاص كملت .....خلاص غلقت البيسي لبست فيستتها و خرجت و خرج موراها شافها رايحة عيطلها: وين بيها لليان: للدار اسر: نن تجي معايا انا نوصلك لليان: ماكالاه دوك نروح بطاكسي اسر : اوكي ركب و راح و هي تهدر : يعني لوكان عاودتلي مرة نركب معاك .كانت تمشي حتى بدات طيح الشتا و طريق بدأت تتغلق اسر:اوف الراس اليابس تاعك دوك اقعدي في الشتا سيا يجوز مقدرش شافت الشتا بدات تقوا و هي تشمخت قاع و بدات تحس بالبرد عاودت ولات تجري للشركة كي كانت داخلة دارت رجلها طاحت ناضت بسيف و دخلت للداخل و راحت لللبيرو تاعها باش تسخن شوية
اما اسر بسيف باش قدر يدور ولا يحوس في الطريق لي جا منها و لي لليان تروح منها ملقاهاش حوس التليفون تاعو و عيطلها مرة زوج مرفدتش: هيا لليان ارفدي ارفدي سمعت صوت التليفون تاعها يصوني شوية سطر في رجلها مي قدرت تنوض و تجيبو لقاتو اسر راحت تعيطلو طفالها التيليفون: اووووف نتا وقتك دوك اوف اسر يعيط حتى لقاه طافي: للياااااان وين راكي و يخبط في الفولون . حبست الشتا و خرجت لليان من الشركة حبست طاكسي و عطاتلها العنوان و راحت. و اسر لي ما خلا بلاصة ماحوسش فيها و لا كي المهبول و تفكر الميساج تاع صباح خاف يكون وليد خالتها لقاها راح يجري لدار لليان لقا الضواوي طافيين طبطب مفتحلو حتى واحد
طلع لطونوبيلتو و لحقو ميساج خلاه يزيد في السرعة ولا بالاحر يطير.................
نهاية الحلقة 🙏😘😘فوت و كومنت للدعم و اعطوني توقعاتكم واش من المحتمل فيه الميساج و لليان وين راحت؟؟؟؟؟ نتلاقاو في بارت جديد ان شاء الله ❤❤💣
