لحقت لليان للدار جبدت المفتاح و دخلت (داير مفتاح احتياطي ) دخلت راحت قدام الشوفاج سخنت شوية طلعت لبيت اسر دوشت و لبست سروال من سراولو و تريكو جاوها عرااض (علابالي راكم تحوسو وين راحت راحت لدار اسر ) و التريكو طايح من جيهة شافت الساعة لقاتها السبعة و نص دخلت للكوزينة و شافت واش كاين قررت طيب ماقارون b la sauce tomate دارت كلش فوق النار ة راحت دارت التليفون تاعها ف لاشارج و شعلاتو لقات بزااف لي آبال تاع اسر بعتتلو ميساج : اسر راني في دارك أرواح.
بعد مدة وصل اسر شاف الضو شاعل دخل للدار بلاعقل لقاها دافية و ريحة الماكلة مالية الدار دخل راح جهة الكوزينة يشوفها عاطياتو بظهرها و يشوف الحوايج تاعو لي لابستهم حمحم و دخل دارت ليه: اه وقتاش جيت مشفتكش
اسر: دوك دخلت
شافت فيه لليان و قالت: روح دير دوش دافي و أرواح تاكل
طلع اسر دوش لبس تريكو ابيض و شورت ازرق و شعرو لمفرفش و حبط شاف الطابلة واجدة قعد و جات قعدت مقالبلاتو و تاكل في السكات حتى هدر: علاش مرفدتيش التليفون موقبيل؟
لليان: طفالي
اسر: و وين كنتي؟
لليان: كي رحت نتا رحت نحوس على طاكسي قوات الشتا و تشمخت كامل وليت للشركة
اسر: و كيفاش جيتي هنا؟
لليان: طاكسي
دار براسو ايه و كمل ياكل ناضت لليان تجيب الما و عفست على رجلها حتى وجعتها قريب طاحت: ااه
شاف فيها اسر : واش بيك
لليان: اه والة رجلي تلوات شوية برك . و راحت تمشي بسيف جابت الما و قعدت كملت الطبسي تاعها
اسر: يعطيك الصحة
لليان: بصحتك و ناضت ترفد الطابلة
اسر: حبسي انا نرفدهم اقعدي و ناض رفدهم و غسلهم و راح يقعد في الصالون لقاها تهدر في التليفون
لليان: تولي غدوة؟
*****
لليان: معامن
*****
لليان: اه هيا مالا تصبحي بخير 💖
كوبات و حطت التليفون و شعل اسر tv قعد يقلب و قاللها: انا نروح تصبحي بخير
لليان: انت بخير و راح اما هي دارت فيلم تشوف و تبكي حتى للساعة 2تاع الصباح طفاتتو و طلعت ترقد
فطن اسر لانو سمع حركة عرفها لليان ناض حوس الما ملقاش حبط يشرب قابلاتو لليان شافتو حبطت عينيها و راحت حبسها صوتو: كنت تبكي؟
لليان: اه لالا تاترت من الفيلم و راحت
ضحك اسر مع روحو و تمتم: مهبولة شرب و طلع.
______
ناضت صباح غسلت و حبطت دارت القهوة دقايق قلال و حبط اسر موراها لابس لبسة تاع الخدمة : صباح الخير
لليات:صباح النور و حطتلو قهوتو
اسر: هيا البسي و نروحو للشركة
لليان: اه لازم نروح للدار نبدل
اسر : أوكي اطلعي دوك نوصلك . طلعت لبست و حبطت راحو لدار
لليان:ادخل متقعدش برا . دخل أسر الصالون و هي طلعت لبيتها لبست جيب غوز مع تريكو ابيض داخل الجيب و فيستا غوز قصيرة مع الجيب و طالون كحل طلقت شعرها و لبست مونتو طويل اكحل و دات ساك كلاسيك و حبطت
سمع الصوت تاع الطالون تاعها دار شافها و هدر :دوك هادي دايما هكدا تلبس البس نواضرو و قاللها: خلاص
لليان: ايه و خرجو راحو للشركة غير الخدمة
شافت لليان ميرنا داخلا و المعري كتر من المغطي و طابلو ماكياج في وجهها دخلت عند اسر و سلمت عليه عنقاتو و هو تجاوب و عنقها شافت فيهم لليان و حقرتلهم و كملت الخدمة تاعها ...................
خرجت ميرنا من عند اسر و الضحكة مالية وجهها و راحت عند لليان: اووه راكي هنا .
لليان: ههه وي توحشيني واقيل
ميرنا : ههه بيان سور توحشتك
لليان: ملخر واش تسحقي
ميرنا: اه نن والو ياك علابالك انا و اسر ولينا كيفكيف قلت نجوز عليه و نشوفك ايا تشاو و راحت
لليان حبست في كلمة "وليت مع اسر" طاحتلها دمعة وتمتم مسحتها و قالت: واش راني ندير انا راح نمتل بلي راح نتزوج بيه اصلا مصلحة علاش نعيي في روحي .. مليوم كل واحد يعرف حدو موسيو أسر لا انت تاعي و لا انا تاعك و كملت تخدم لحقت الخمسة خرجت ديراكت
_________________
خرج نور و مروة يخيرو خاتم و روب للوجين و مروة ماخلات حتى حانوت و هبلت نور بالدخلات و الخرجات و هادي و ماشي هادي و هاديك حتى خير خاتم شباب و روب تهبللللل(امبعد تشوفوهم) و شرا سنسلة لمروة و رجعو للدار و طريق كامل جابوها هبال.
وصلت لليان للدار لقات يماها هبلتها بالتسلام ابري طلعت دوشت و بدلت و حبطت تعشات مع يماها و قعدو يقصرو على العرس و على عايلة يماها تاع البلاد (راكو تعرجو التقرعيج😂)
________________________
وصل اسر للدار تعشى معاهم كامل حتى قال: بون بابا يما راني حاب نقوللكم حاجة
مهربان: خير يا وليدي
اسر: خير خير و شاف في باباه : بابا كان عندك الحق راني كبرت و لازم تكون عندي مسؤولية على هاديك قررت نتزوج.............
___________________
لليان: ماما كنت دايما تدعيلي و تقولي ان شاء الله ريي يبعتلك وليد الحلال لي بحبك و يخاف عليك حتى من روحو
صوفي: انعم ايه ان شاء الله يا بنتي مي علاش هاد الهدرة دوك مفهمتش
لليان: ماما لقيت هاد الشخص..............
نهاية الحلقة 💖🙏 ان شاء الله تكون عجبتم فوت و كومنت للدعم .في ميزكم واش راح تكون ردة فعل صوفي و مهربان و صادق و حتى لوجين كي تعرف ؟؟؟؟؟؟
الى الملتقى في بارت جديد ان شاء الله 💖💖💖
أنت تقرأ
مدمرة كياني❤️😙( باللهجة الجزائرية🇩🇿)
Romanceياااا قومم لقد اتيتتتت و لم اتي فارغة الوفاض 😈😈😂 (اااا حمودة السيريو كي صراله😂😂) تحكي عن اجتماع عالمان مختلفان جدا عن بعض🌍 هي عنيدة تعشق المرح 😜😅بينما هو بارد قاسي لا يبالي 😒 فيا ترى هل سوف تفك قيوده ليصبح أسيرا لها 🤔؟؟؟
