مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 13⭐

راحت تجري صوفي لبيت لليان و اسر موراها حتى تشوف لليان طايحة في الارض راحت تجري ليها و تبكي: لليان بنتي راكي تسمعي فيا .شدتلها راسها و تهدر لليان بنتي نوضي
أسر: راح نديها للسبيطار .رفدها و حطها في الطونوبيل و صوفي معاها و طار للسبيطار .....
وصل خرج رفدها و بدا يجري:طبيب جيبو طبيب جابولو نقالة و داوها دخلوها لغرفة و منعو عليهم يدخلو
الممرضة:سمحلي موسيو متقدرش تدخل تستنا هنا من فضلك و غلقت الباب. صوفي قاعدة تبكي و تدعي لبنتها اسر عيط ليماه و مروة يجو يقعدو معاها بعد واحد نص ساعة لحقو و قعدو معاها يصبرو فيها سند روحو معى الحيط و طلع رجل ربع يديه و حط راسو على الحيط و غمض عينيه حتى تجيه الصورة تاعها و هي تضحك جوز يدو على شعرو و شدو بقوة و يتمتم: اسمحيلي لليان لوكان كاشما يصرالك مانسامحش روحي جازت واحد ساعة خرج الطبيب راح اسر يجري عندو: دكتور كيفاش راهي ؟
دكتور: صرالها انهيار عصبي منتج عن صدمة ولا طيحة على راسها طولتو شوية مي لحقناها في الدقيقة الأخيرة لانو لوكان زادت شوية لوكان راهي دخلت في غيبوبة و دوك مالازملهاش تقلق روحها  و دوك يديوها لغرفتها و تقدرو تشوفوها و بالسلامة .وراح بعد مدة حبطوها لغرفتها كانت راقدة تحت تاثير الدوا دخلت عندها يماها و خرجت اسر: طاطا روحي معا ماما و مروة للدار و انا نبقر معاها راكي عيانة هيا
صوفي ببكاء: بالاك عليها يا وليدي هادا واش عندي في الدنيا
أسر : كونك هانية . و راحو دخل قعد مقابلها في الكرسي حتى صونا التليفون تاعو: لقيت شكون؟
***:سي اسر مدخل حتى واحد من غير السكرتيرة تاعك
أسر : راك متاكد
***:انعم و كوبا
ميرنا: شفت كدبة بيضة ماشي حاجة و دوك متعرفني منعرفك و خرجت
غدوة الصباح:
بدات تفطن تحس حاجة قدامها دورت راسها تلقاه اسر راقد عندها قاعدة تشوف فيه: فيك حاجة مشفتهاش حنين رغم العصبية لي فيك و تمتم تفكرت واش دارلها حتى تحل لباب و دخلت الممرضة: على سلامتك مادموزال لليان كيفاش تحسي روحك؟
لليان:بخير الحمد لله
الممرضة: و الله حتى راجلك مبعدش من قدامك ملي جابك ربي يخليكم لبعضاكم تبسمت معاها لليان و قالت: biensur يوقف و هو سباب كلش خرجت مع لي غلقت الباب ناض اسر حك عينيه و هدر معاها: لليان راكي مليحة. دورت راسها و قالت بخير
أسر: لليان لبا...لليان: راني حابة نقعد وحدي شاف فيها و خرج

دار الاجراءات تاع الخرجة تاعها و خرجها و داها للدار يماها تهلات فيها مليح حتى رفدت صحتها و مهربان و مروة ولاو يجو يطلو عليها مروى ولات صحبت لليان ولاو يتفاعمو بزاف
بعد مرور 10أيام:
لليان ريحت ولات تقدر تنوض حبسلها السطر و الدوخة راحت يعني بمعنى اخر راهي كي العودة😂
صوفي ماخلات مادارتلها تهلات فيها بمعنى الكلمة
مهربان ولات ساعة ساعة تروح عند صوفي تقعد معاها لانو داق خاطرها في الدار
لليان و مروة و لوجين ولاو تلاتي يتفاهمو و كل وحدة تحب لوخرة
اسر راح للتخييم و ربح الصفقة و ولا يقضي معظم وقتو في الشركة جاب سكرتيرة جديدة مي كل مرا يجوز على البيرو تاعها يتفكر لليان و كي كان كل صباح تقابلو بانوثتها علاقتو مع ميرنا قطعها ولا نقولو خلاص كلش بيناتهم
نور قعد مع القضية تاع سيف حنى احكم عليه بالمؤبد
غيت جا من فرنسا و ولا يروح مرة على مرة عند لليان
يعني كل شيء راهو يمشي على حساب القدر لي مكتوب فوق جبين كل واحد .
لليان في مكالمة جماعية مع لوجين و مروة: صباحوووو
مروة: صباح الخير
لوجين: günaydın
لليان :لبنات نخرجو ندورو كرهت الدار
لوجين: و الله مام أنا
مروة: نخرجو نشرو و نديرو soirée pyjama عندي فالدار منحب حتى اعتراض حتى اني نستنا فيكم
لليان: اتنفسي شوية
مروة:😂😂تحمست
لوجين: اوكي نتلاقاو كيما موالف على ساعة
لليان و مروة: اوكي

لوجين: صحبت لليان الانتيم يعني تعرفها من شي 5سنين جايا ماشي سمينة و ماشي رقيقة شابة عينيها عسلي بشرتها بيضة شوية قصيرة تحب المرح و اللعب قرات في تركيا و حبطت للدزاير تحب لليان كانو اختها .

حبطت لليان قالت ليماها و قررت تروح تبات هي تان عند مهربان باش متقعدش وحدها طلعت لليان لبيتها لبست سروال كحل و تريكو سويتي بيض باسكات بيضة مونتو كحل و طمت شعرها طوماطيشة و خلات خصلات طايحين و خرجت تلاقاو البنات قدام المركز التجاري دخلو شراو بيجامات كامل كيفكيف و شراو واش كان خاصهم تعشاو  و ولاو للدار طلعو قعدو في الشمبرة لبسو وجدو رواحهم حطو الروج الاحمر و الريحة و بداو يقصرو حكاية جيب ختها حتى لحقت 3تاع الصباح
لليان: اااااااي كرشي خلاص مقدرتش😂
مروة تبكي من الضحك و لوجين تحكيلهم و تضحك
لليان: اعطيني الما مروة
مروة: خلاصت القرعة  احبطي جيبي و ارواحي ماكان حتى واحد راهم راقدين
لليان: اوكي و حبطت . في هاداك الوقت دخل اسر جا طالع لشمبرتو حتى سمع صوت من الكوزينة و الضو طافي عقد حواجبو و راح جيهت الكوزينة حست لليان بحاجة موراها رفظت سكين كان قدامها اسر شعل الضو و تروح ليه لليان راحت تضرب حتى شدلها يدها و طلعها في السما و لسقها في الحيط  و حط يدو على فمها حلت عينيها تشوفو واقف قدامها يبست في بلاصتها نها يدو من فمها و شاف الروج لي دايراتو حبط عينو على واش لابسة شاف سروال تاع بيجامل طويل و جاي عريض و bbustier تاعو مفتوح مع الصدر شوية عاود طلع راسو يشوف مع عينيها و الريحة تاعها لي دوخاتو
اسر يحكي:
خدمت حتى عييت رحت للدار كانت تلاتة تاع صباح كنت طالع لشمبرتي حتى سمعت صوت مور في الكوزينة و الضو طافي رحت انا شعلت الضو و نلقاها لليان في يدها موس رايحة تهجم عليا حكمت يدها و طلعتها لسقت مع الحيط و غلقتلها فمها تزيد تعيط انا نحيت يدي و نشوف الروج لي دايراتو و اللبسة لي لابستها و الريحة تاعها لي خبطت فيا توحشتها توحشتها بزاف .راح أسر يهدر حتى يسمع في المفتاح تاع الباب طفا ضو و جبد لليان عندو لسقت فيه حتى خبط صدرو مع تاعها و تخباو مور الحيط تفتح الباب و دخل نور طلع لشمبرتو تنفست لليان براحة مي اسر تمتم تبدلت نظرتو فكرة انو نور لي شافها فهاد الحالة شاف فيها دنا ليها حتى لسق فيها حبط نظرو لشفايفها لي كانو يرجفو من قربو ليها حب يزيد على مابيها حط يدو على خصرها و كبس عليه حتى خرجت اه صغيرة منها طيرتلو العقل تاعو غمضت عينيها حتى متحس غير بشفايفو تحطو على تعها..........

Stoop نهاية الحلقة 😂 ايا خلطولنا الحالة بالفوت باش نكمللكم 😘
Love you 💓