مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 5

بعد مرور 2اسابيع

اسر يحكي:
نضت صباح خرجت جريت شوية طلعت دوشت لبست كوستيم فطرت مع يما و مروى و نور و خرجت كنت نصوق حتى يصوني التليفون تاعي نلقاه زبون تاع المرا لي فاتت
اسر :صباح الخير موسيو جمال
جمال:صباح الخير موسيو اسر ان شاء الله كلش لاباس
اسر:لاباس الحمد لله غير الخير
جمال:خير خير عيطت نقولك بلي راني حاب ندير حفلة صغيرة على الشراكة تاعنا و بمناسبة عيد ميلاد بنتي الصغيرة لي دارت 21 سنة و نتمنى مترفضش
اسر: وقتاش
جمال: اخر الاسبوع يعني الجمعة
اسر:الجمعة عندي عيد ميلاد اختي تانيك رتح دير20 سنة و وعدتها نديرلها عيد ميلاد تاعها
جمال: ماشي مشكل نقدرو نديروه معا الحفلة ادا حبيت
اسر:وي فكرة مليحة
جمال:ايا مالا نتلاقاو في الحفلة في الفندق تاعنا
اسر:اوكي
__________
ناضت صباح كرشها توجع فيها محملتش السطر عرفتها بلي شرفت😂😉 جابت حبة و شربتها رفدت التليفون تاعها عيطت لاسر لقاتو occupé عاودتلو كوبالها طفاتو و رماتو للجيهة لي ملهيك
لليان: ازكي يا ميستر شباب bon nuit الغلطة فيا لي جيت ندي الاذن منك و رقدت 😴

************
لحق للشركة شاف البيرو تاعها مالقاهاش اسر:دوك نتفاهمو على الروطار
دخل للبيرو تاعو قعد يخدم فاتت ساعة طل على بيروها مالقاهاش عيط لوحدة من لي يخدمو تم دخلت عندو تتزعبل من و من و تهدر و تتعوج:وي موسيو اسر ستحقيتني؟
شاف معاها ملفوق للتحت و قاللها :جيبيلي قهوة و حبط راسو . عوجت فمها و خرجت جابتلو القهوة
فاتت 3 ساعات و لحقت 12 مازال ماجاتش حكم التلفون يعيطلها لقاه طافي
اسر:ااه نشوفو وين راكي حابة توصلي يا لالا لليان و لكن متخافيش تهربتي مالخدمة اليوم لكن تكون تكون خدمة غدوة😈 حكم وراق و لبس فيستاتو رفد مفاتحو و تيليفونو و خرج

ناضت جوايه12:30 كرشها توجعو لكن شوية وجع خفيف يتحمل شعلت تيليفونها لقاتو عيطلها حطاتو و خرجت تشوف يماها فب الكوزينة مع الفطور
لليان: واش العجوز وش ديري
صوفي: وش هدرنا على لعجوز تاعك هادي
لليان:ههههههه حبيتي تقولي بلي مازالكي صغيرة
صوفي:علاه كبرت ؟؟؟؟
لليان:ربي يعلم العجوووووزز😂
صوفي: علاه مخدمتيش اليوم
لليان و هي تاكل في حبة قاطو قدامها: راني مريضة
صوفي: اممم باين مرض اللوك و الفم يدك
لليان: وش درتيلنا الفطور العجوز
صوفي: درتلك grataine لي تحبيه تاع الجاج و الزيتون و البطاطا (و ياااااا شحال نبغيه😍🤤)
حطتلها تاكل مكملتش الماكلة حبست وجعتها كرشها
صوفي: روحي تريحي بنتي روحي دوك انا نلم الطابلة
راحت لليان باستهها و راحت لبيتها

^____________^
الحارس: سيدي عرفنا بلي عندو صحبتو مي متحبوش طامعة في دراهمو و هايليك صورة السكرتيرة تاعو الجديدة. عطالو التصويرة و قاعد يشوف فيها باعجاب صفر و قال: جمال نادر شابة و زيد عندها لاطاي تفتق ... اممم قررت نبدل الخطة تاعي راح نخليلو كلش تعب على جالو نسحق هادي
اوكي تجيبولي صحبتو و الباقي عليا
راح الحارس تاعو و قعد و شايد الفوتو تاعها و يضحك بشر