العرق يكب عليه فتح عينو مخلوع شاف قدامو مالقاهاش : لليان.. ناض يجري دخل للدوش و يعيط باسمها خرج ملبيت يجري و خايف و يعيط لليااان دخل لبيتها ملقاهاش و حبط يجري للتحت لليااانن.
سمعت صوتو يعيط خرجت ملكوزينة تجري و خايفة شافتو راحت ليه: اسر؟ واشبيك ؟اسر واش كاين!! شافها راح يجري ليها و ترما في حضنها يعنق ة يزير عليها و هي تمسحلو على شعرو حتى طاح و طيحها معاه بقاو هكاك حتى حست لليان حاجة سخونة في كتفها دورتلو راسو شافتو يبكي مسحتلو دموعو و هدرت بلحنانة : اسر عمري خلاص راني معاك خلاص ❤و عنقاتو بادلها و وقفت و وقفاتو معاها : روح دوش اتوضى و صلي و ارواح تفطر
دارت براسو ايه و طلع و هي ناضت و كملت شغلها ؛دوش و صلى و حبطو يفطرو: اسر واش كاين كاشما نمت !
اسر تفكر المنام تاعو : لالا والو خلاص و كملو كلاو.
جازو 20يوم على الحادثة و اسر دايما مع لليان مخلاهاش كامل .
ناض صباح ملقاهاش ناض جا راح يخرج لقاها في الدوش: لليان حبيبي واش بيك! كاشما بيك؟؟
لليان: لالا والو كرشي برك راهي توجع شوية و دوخة خفيفة
اسر: هيا نروحو لطبيب
لليان: اه لالا موالف تصرالي مليغاقل
اسر :اه اوكي مالا ولي ارقدي و متنوضيش كي نجي نجيبلك الفطور معايا
لليان: اوكي و راح.
عساتو خرج لبست حوايجها و راحت للفارماسي شرات تاست و راحت للدار و دارتو و بقات تستنى في النتيجة جازو 3دقايق كانو 3ساعات راحت سمات و شافت حتى دمعو عينيها: اه راح نولي ام🙈😢و بدأت تضحك .
راحت وجدت الصالون و عيطت لاسر: الو اسر اجري الحقني راني في حالة
ناض يجري من بلاصتو؛ واش بيك لليان واش كاين
لليان: أرواح تعيش و كوبات و بدأت تضحك .
خرج اسر يجججري من الخدمة و وصل للدار دخل يجري :لليااان لليااان
جاه صوتها من الصالون: ارواح راني هنا .راح عندها لقاها قاعدة تشوف في التليفون: اه جيت
شاف فيها شغول مفهمتش : واش بيك واش كاين!
عطاتلو لليان برا و قاتلو ترتطهم
شاف فيها : لليان جبتيني من الخدمة نجري باش نترتط هاد الربعة نبولات تاع الجياحة راكي تتمسخري
لليان: لالا هيا ترتقهم مي بترتيب هيااااا
تنهدت و راح يترتق فيهم ترتق الاولى خرجت منها ورقة شاف فيها و دارتلو براسها تاع افتحها رفدها و فتحها و قرا : you
زاد فتح الثانية و قرا: are going
ترتق التالتة خرجت منها : to have
و فتح اللخرة: a baby .غير قرأها حط يدو على فمو و راد ليها شافت عينيه تجمعو الدموع فيهم عطاتلو التاست شافو و راح يجري عنقها و باسها: راكي اونسانت
لليان دارت ايه براسها و رفدها قاعد يدور فيها و يعيط حطها و سجد لربي و دموعو دارت طريق على خدو ناض ليها: روحي البسي حوايجك
لليان:علاش
اسر: هيا روحي و راح بدل حوايجو و خرجو يصوق و هو يبوسلها في يدها و يدو في كرشها يتحسس فيها وصلو شافت روحها قدام للسبيطار: علاش جينا هنا
اسر: راح نولد احبطي😂
حبطو و راحو جوزلها عند الطبيبة
اسر: دكتور واش راهو راهو مليح ياك؟واش الجنس تاعو
الطبيبة: هه الحمد لله راهو بخير و عندو 3اساببع مي حتى 4شهور تقدرو تعرفو الجنس تاعو.
فرحو لليان و اسر خرجو ياكلو و طلبلها غير الحوت لانو مليح المرأة لي تكون اونسانت و هو يوكل فيها و يزيد: اسر خلاص شبعت
اسر: وليدي راهو جيعان كولي بصحتك عمري و باسها من يدها
كملو الماكلة و راحو للدار و قررو يديرو حفلة صغيرة للعايلة باش يخبروهم كيما كان الحال دارو حفلة صغيرة في الجنينة و عرضو صوفي و مهربان و صادق و نور و لوجين و مروة تعشاو و كملو و جا وقت يصرحو بالخبر تاعهم لليان: بون اليوم جمعتكم هنا لسبة باش نقولومكم حاجة.
صادق " خير يا ولادي
أسر: خير بابا خير حبينا نقولوكم بلي ......راح يجي شخص جديد لعايلة تاعنا .مع الاول مفهموش حتى ناضت مروة تزغرت : راح نولي عمة وااااااا
نور: هوب هوب معجبكش وليدي كي باش تكوني عمتو واقيل 😑
الكل:😂😂😂😂😂
مهربان و صوفي: مبروك عليكم ان شاء الله يتربى في عزكم و بداو يهنو فيهم و يتعانقو
نور : بون ادا كانت طفلة مندوك لوليدي
اسر: يا ربي يخرج ولد .و بداو كامل يضحكو و فرحانين
بعد مرور 9اشهر:
01:46
لليان: وااااااااااااااااااااه اسررررر اسرررر نوض نوض اجريي راح نولد ااااااااه
اسر : خليني نزيد شوية برك تولدي في الليل انت
لليان تضرب فيه: نووووووووض نوووض راح نولد هدا علاجالك نوووووض
فطن اسر و ناض يجري لبس تريكوه و ناض يجري شدها و حبطها معاه و ركبها في الطونوبيل و ورجع للدار لبس صباطو و رفد مفاتحو و قلع للسبيطار و هي تسوغ : ااااه علاجالككك هدا قاااع علاجالككككككك ااااه .
قعد يهدي فيها و يقوللها: اتنفسي اتنفسي و هو ماراحوش كتر منها 😂 لحقو للسبيطار و دخلوها للعمليات و يسمع غير فيها تسوغ و هو قاطع الطريق رايح جاي حتى خرج ليه الطبيب: لازم تخير بين مرتك و ابنتك منقدروش نسلكوهم في زوج مع الأسف
اسر بلا تخمام: سلكلي مرتي مرتي
عاود دخل الطبيب للداخل و قال لليان : ههه شكلو يحبك طلب مني نسلكك انت .دقايق و يسمع صوت بيبي خرجت الممرضة و عطاتلو بنتو: مبروك عليكم تتربى في عزكم ان شاء الله
اسر: و لليان
الممرضة: ههه ماتخافش مرتك راهي مليحة هي لي طلبت من الطبيب يسالك واش تخير ......مبروك عليك.
شافها اسر و ادنلها في ودنها و عطاهالها .
خرجو لليان و حبطوها لغرفة عادية دخل عندها اسر: حبيبي مبروك عليك و باسها من راسها
لليان: مبروك عليك يا عمري❤عنقاتو و دخلو عليهم العايلة يهنو و فرحانين معاهم حتى جات الممرضة و جابت الطفلة و مدتها لليان شافتها لليان و طاحتلها دمعة مسحهالها اسر و سلم عليها من راسها.
بعد 3سنوات:
يارا:ماما بابا نوزو يوم لانيغارسار تاعي
اسر فتح عينيه: يوم واش
يارا: لانيغارسار تاعي
اسر: لانيغارسار 😂😂😂😂
لليان : متضحكليش على بنتي
اسر في ودنها: يعني كيما بنتك هي بنتي ادا نسيتي نوريلك كيفاش معنديش مشكل😉😂😂
ضرباتو في كتفو و ناضو يحتافلو بعيد ميلاد بنتهم التالت
النهاية❤
رايكم فيها كأول تجربة و اول رواية ليا
و شكون قال الحب لا يصنع المعجزات كانت مجرد صدفة و اصبحت مجرد حقيقة لا تمحى ❤
ان شاء الله تكون عجبتكم و تكونو حبيتوها و قولولي واش نوع الروايات لي راكو حابين نكتبهم💜💜
من جيهتي راني حابة نحط الرواية الثانية رواية مافيا؛اكشن؛سلاح؛حب و اختطاف 🔥
دمتم في رعاية الله و حفظه😍
أنت تقرأ
مدمرة كياني❤️😙( باللهجة الجزائرية🇩🇿)
Romanceياااا قومم لقد اتيتتتت و لم اتي فارغة الوفاض 😈😈😂 (اااا حمودة السيريو كي صراله😂😂) تحكي عن اجتماع عالمان مختلفان جدا عن بعض🌍 هي عنيدة تعشق المرح 😜😅بينما هو بارد قاسي لا يبالي 😒 فيا ترى هل سوف تفك قيوده ليصبح أسيرا لها 🤔؟؟؟
