مدمرة كياني⁦❤️⁩😙( باللهجة الجزائرية⁦🇩🇿⁩)

الحلقة 11

دورها ليه شاف فيها و قاللها: معامن كنتي تهدري و تضحكي موقبيل
لليان شافت فيه: واش دخلك فيا و جات رايحة زير على يدها و قاللها: راني نهدر معاك لليان
لليان: معى صحبي راحت و خلاتو تقلق طلع لطونوبيل راح للبحر قعد و ولا للدار
دخلت طلعت لشمبرتها و رقدت
______________
سيف: راح نخطفك نتي و لليان و نديكم لعندي و راح نخلي اسر يخير بينك و بين لليان و كيما تعرفي لازم تمثلي مليح باش تربحي
ميرنا: اوكي ساهلة .....

___________
ناضت صباح دوشت لبست سروالboy friend و تريكو vert militaire و خلات شعرها بوكلي شوية ماكياج خفيف لبست مونتو noir  و godasse noir و خرجت لوجهة الشركة
ناض لبس سروال جين و تريكو ابيض و و مونتو bleu marine رفد التليفون و ساعتو و مفاتحو و خرج
__________
سيف: راح نعطيلكم الاشارة باش تبداو
****: حاضر سيدي
سيف: نشوفو شكون تخير يا صاحبي لععزير

____________
دخلت قعدت تخدم دخل موراها معبرهاش ناضت داتلو القهوة تاعو حطتها و جات خارجة: مطلبتش قهوة انا
دارت و رفدتها: اوكي اسر: بصح راني حاب نشربها حطيها و روحي شافت فيه حطتها و خرجت و خبطت الباب موراها: مااازاال بزااف يا لليان منصوري
خدمت حتى لعشية دخل عندها وأحد لابس كلش كحل و راح عندها و قاللها: لليان منصوري؟
لليان: وي انا تفضل
شاف فيه اسر مي معطالوش أهمية و كمل يخدم
****:اعطيني ورقة و ستيلو
شافت فيه لليان باستغراب و عطاتلو كتب و عطالها و خرج شدتها وهنا تبدل لون وجها" عندك ساعة في يدك تكوني في هاد العنوان*******ولوكان متجيش ناكدلك انك راح تصيري يتيمة الابوين بدا وقتك من دوك "
رمات الورقة و قعدت تحوس على التليفون تاعها و عيطت ليماها : الو ماما راكي مليحة؟
صوفي: الحمد لله بنتي و نتي
لليان: اااا... ماما راني مشغولة عيطت نقولك بلي بالاك نطول في الخدمة شوية ارقدي متستناينيش
صوفي: بالاكي على روحك بنتي راكي مع اسر منخافش عليك طلعت راسها شافتو يخدم و كوبات مع يماها رفدت دوزانها بزربة و راحت عند اسر دخلت ديراكت: موسيو اسر لازم نخرج
شاف في ساعتو و قاللها: تقدري تستناي زوج سوايع و اخرجي لليان:اا لالا بزاف لازم  نخرج دوك و نوعدك انو راح نعوض كيما تحب خليني نخرج برك تعيش
اسر شاف فيها و قاللها: راكي مليحة؟
لليان بتوتر: ااه ايه ماما راكي راهي شوية عيانة
أسر: أوكي تقدري تخرجي مردتلوش و خرجت تجري شافها اسر كانو شك اومبعد كمل الخدمة شدت طاكسي و راحت
لحقت للعنوان لقاتها بلاصة خالية فيها مستودع كبير جا ليها الراجل لي كان عندها قاللها: اووه طلعتي شاطرة و تسمعي الكلام لليان: شكون نتوما و واش تسحقو مني و علاش جبتوني هنا؟؟
***: اتنفسي شوية تهدري بزاف ضحك وحكمها من يدها و دخلها للداخل دخلت شافت ميرنا مربوطة في كرسي و شعرها مخرب عينيها حمورة بالبكاء تمتمت: ميرنا!!
جا ليها راجل و راح يربطها حتى بدأت تعيط و تزغد: اطلقنيييي اطلقنيي شكون نتومااا حتى ضربها على مؤخرة رقبتها و داخت ربطها و قالت ميرنا: هههه دوك  تشوفي   يا لالا لليان انو اسر ماشي ليك