وقَعت كلِمات رنيم على حياه وَقع الصَّاعقة ، لَم تتوقَّع هذه الكلمات اطلاقًا ، والذي زادها توتُّرًا هو هدوء رنيم .
حيَاه بشحوب : أ أنتي بتقولي أيه يا رنيم ؟
رنيم بهدوء : حياه ، ملوش لازمه التوتُّر ده ، أنا مش عارفه العلاقات في العيله بايظه كده ليه ، فلو أنتي عارفه ياريت تقولي لي !
حياه بتنهُّد : صدقيني معرفش يا رنيم ، بَس كُل اللي أعرفه إن بابا وعمي إياد اختلفوا في حجلت تخُص الشُغل مع أنكل مازن والموضوع اتطوَّر .
رنيم باستغراب : بابا وماما قالوا لنا فعلاً بسبب اختلاف وجهات النَّظر في الشغل ، بس ده مش مُبرر مُقنع ولا أيه ؟
حياه : مَفيش حاجه مُقنعه أساسًا في عيلة الألفي ؛ لا الأشخاص ولا حكاياتهم .
رنيم بابتسامة : أتفق معاك في دي .
حياه بخَوف : رنيم هو فارس يعني عارف بالقرابه دي ؟
رنيم : مَفتكرش ، أنا لسه عارفه حالاً نوع القرابه اللي بينك وبين دكتور حسن دلوقتي ، حتَّى أسماءكم على السوشال ميديا بيبقى الاسم الشخصي واسم العيله "الألفي" ، كُنت فاكراه تشابه أسماء بيننا وبينكم مش أكتر ، بَس عرفت لما اشتريت ورق المُحاضرات بتاعته ولقيت عليه الاسم " حسن إياد كمال الألفي" .
حياه : أزاي برضو عرفتي مم الاسم ده ؟
رنيم : هو الاسم لفت انتباهي عشان اسم ماما "نور كمال الألفي" وكُل البنات اللي في الدفعه اللي مُعجبين بحسَن دايمًا بيقولوا إن حياه اللي في صيدله تبقى بنت عمه .
حياه وهي تُسند ظهرها للخَلف : وأكيد هتقولي لفارس صح ؟
رنيم : لا ، مش هقول له لو أنتي مش عاوزاني أقول له ، ولو علاقتك بفارس قُريبه أوي ياريت تقولي له ده بنفسك .
حياه : أنا مش عارفه علاقتي بفارس أيه بالظبط !
رنيم باستغراب : أزاي ! أنا كُنت مفكراكم بتحبوا بعض وواخدين الموضوع جَد !
حياه بسُخرية : أخوك لسه مش عارف مشاعره ناحيتي .
رنيم : اللي أعرفه إن شخصية فارس جَد أوي يا حياه ، يعني مِن سابع المُستحيلات إنه يلعب بيكي .
حياه بتنهُّد : عارفه يا رنيم ، وأنا واثقه في فارس مِن غير ما تقولي .
رنيم : أنتي بتحبيه يا حياه ؟
حياه وقد تورَّدت وجنتيها : أنا محبتش حد في حياتي قد فارس ، مِش عارفه أزاي في المُده القُصيره دي اتعلقت بيه كده ، ربنا واحده اللي يعرف أنا قاعده قُدامك وخايفه عليه مِن شُغله ده قد أيه !
رنيم بابتسامة : متقلقيش ، فارس قدها وهيرجع بخير وأنا مُتأكده إن هو بيحبك ، مِن الحب اللي في عيونك ده فربنا هيزرع حُبك جوا قلب فارس .
أنت تقرأ
عشق الفارس(الجزء الثاني من سلسلة الحب الأبدي)
Roman d'amourبَعد انتهاء صِلة الدَّم بين أبناء الأُسرة يأتِي الجيل الجديد مِنهم لفتح صفحَات المَاضي مِن جديد وكأنَّ الزمَّان أراد أن يُحي مِن جديد قلوبًا أنهكَها الألم . أبطَال كُتب عليهم اللقاء صُدفة - كما يعتقدون - لينهال عليهم سيلٌ المشاعر المُتناقِض مَابين...
