البارت الثاني من روايه "قدرنا "
ف صباح يوم جديد تشرق الشمس علي ابطالنا وعائلتهم
تدخل عائشه تفتح الشباك علي خديجه
عائشه: اصحي يانايم اصحي ياكسلان الصباح هل علينا بخيراته
خديجه: اقفلي الباب ياهانم واتفضلي اطلعي برا انا مصدقت ان النهاردة اجازة وهنام براحتي
عائشه: نوم ايه بس يادودو دة النهاردة الجمعه ومابنصدق نتلم كُلنا علي الفطار
تدخل عليهم منه : اي دا اي دا !!! انتِ لسه نايمه ياهانم دة الساعه عدت 8 قومي بقي اصل والله اندهلك محمد وانتِ عارفه هيعمل ايه
محمد : انا شامم حد بيجيب ف سيرتي
خديجه تقوم من علي السرير وتقوله لأ ياحبيبي انت بس سمعت غلط بتهيألك
محمد: انا قولت كدة بردوا المهم انا كنت جااي عشان اقولكم الفطار جاهز وبابا مستنيكوا برا
خديجه : طيب يلا ياحلويين كدة من غير ماطرود عما ادخل الحمام واتوضي واصلي الصبح واجي وراكم
هما: ماتتأخريش اصل عصافير بطننا معدتش قادرة
خديجه بضحك : وانا ياحبيبتي ومن سمعك بس يلا مش هتأخر
وبالفعل خديجه خلصت وراحتلهم وتتجه الي والدها
خديجه: صباح الخير علي احلي حودة فـ الدُنيا
محمود الأب
محمود: صباح النور يَ بكاشه افندي
خديجه: كدة يابابا وانا اللي بقول ملياش غيرك ف البيت دة
محمود : وانا مالييش غيركم ف الدنيا ربنا يفرحكم وافرح بيكم ياولاد
محمد: العُمر المديد ياحاج وتفرح بعيال عيالنا كمان
محمود : عيال عيلكم طااب اقول افرح بيكم بس الأول
عائشه : يابابتي ياحبيبي خلي عندك امل لبكرة شويه خليك متفائل زيي
فاطمه: زييك ازاي دة انتِ اكتر واحدة بؤس ف الحياه خليك زيي يابابتي
خديجه : بس انتو الأتنين اعقلو شويه انتوا كبرتم علي كدة
الأم : يابنتي الناس بتكبر تعقل وانا ولادي بتكبر وبتتهبل
محمود : امكم اشتغلت اهي
محمد: ماما تحبي اكمل الأسطوانه بتاعت كُل يوم ولا تكمليها انتِ
الأم: شوف ابنك يامحمود بيتريق علي كلامي
محمود : لعاش ولا كان اللي يتريق علي الست ام محمد
عائشه: وايه كمان ياسي بابا
فاطمه : نزل يابني هنا شجرة واتنين لمون وروح يامحمد هاتلهم حد يعزف عشان نهئ لهم الجو
خديجه : ايوة يامحمد معلهش متنساش الشموع عشان يكون جو رومانسي
محمد : حاضر بس كدة من عنيا
محمود: حتي انتِ ياخديجه ياعاقله بتشاركيهم ف الهبل بتاعهم
خديجه: هبل ايه ياحاجه دة احنا بنعيدلكم الشباب
محمود: ماانا لسه شباب يابتت ولا انتِ ليكِ رائي تاني
خديجه : شباب ياحودة دة حته البنات مفكرينك اخويا
محمد بهمس: وسعت منها علي الأخر
فاطمه : اووووي
الأم : يارب عوض عليا عوض الصابرين فيهم
محمد:هيعوض ياحاجه هيعوض
الأم: طيب قوم يااخويا خلص اكل وانزل هاتلي الطلبات دي والفلوس جمب الورقه
محمد: ودة الكلام اللي مبحبوش معتش وراكي غيري
الأب : ولد عيب اسمع كلام امك
خديجه ببراءه : انا عاوزة ثوكولاته ياحمادة
محمد : بنت اختي وصلت
عائشه: وانا ياحمادة عاوزة الدرويتس بتاعي
فاطمه: وانا كمان يامحمد عاوزة زي عائشه وهاتلي شويبس
محمد : وايه كمان اصل انا الشيال بتاعكم
الأب: شوف طلبات اخواتك يالا
محمد: والله الواحد زهق بس هيقول ايه اهله مهما كان لولا صله الرحم كنت اتبريت من بناتك دوول
البنات : كدة دة احنا بنحبك
محمد : وانا بالنسبه لطلباتكم دي مش عاوز اشوفكم
الأب: بتقول ايه سامعك بترغي كتير
محمد: ياحاج سيب ودني بس وبعدين انا عندي قد اخواتي دول حبايبي
عائشه وفاطمه: كداااااااااب
خديجه: خلاص يابابا سيبه دة محمد بيسمع الكلام
محمد : عشان الكلمتين دول هجبلك شوكولاته كتيير يلا انا نازل
ومحمد نزل وجابلهم كل طلباتهم وجاب للبنات اللي هما عاوزينه
وعدي اليوم بسلام لايخلو من مرح وضحك الأخوات مع بعضهم والام والأب ينظروا لهم نظرة سعادة وهم يدعون لهم ف سرهم
نيجي لمازن اللي قاعد يتصل علي مالك ومش عليه واخيرآ رد
مازن : الووو يااستاذ انتَ فين
ييجي صوت انثوي من التليفون
الأنثي: ايوة ياااستاذ....................
مازن: ايه !! طيب حضرتك فين
ف مكان تاني
محمد قاعد ف الشغل
اسلام: قولي يامحمد ايه رائيك ف زميلتنا الآنسه مي
محمد: من نحيه ايه
اسلام : وجهه نظرك من كُله.
محمد : اسلام الله يمسيك بالخير عاوزين نخلص اللي ورانا ونروح مش عاوزين نجيب ف
حد وبالذات بنت انا عندي اخوات
اسلام : بس والله انا بتكلم جد
محمد: الجد انك تدخل الباب من بيته لو انت عاوزها واذا كان علي رائيي هي معانا بقالها فترة مشوفناش منها غير كُل خير ولو انت شايف ان دي اللي هتصون بيتك ف غيابك وهتتقي الله فيك وف اهلك يبقي اتوكل علي الله زي ماربنا قال ف كتابه ف سورة البقرة "ليس البر بأن تأتوا البيوت من ظهورها ولكن البر من اتقي واتوا البيوت من ابوابها " سامعني يَ اسلام ولو متردد توكل علي الله واستخير ربنا
اسلام: الله يفتح عليك يصاحبي والله خلاص هعمل زي ماانت قولت
محمد: ربنا يجعلها من نصيبك
اسلام: يارب
رن هاتف محمد وكان المتصل ابن عمه من البلد
محمد:اهلآ ياابو حميد ليك وحشه
احمد: ازيك يامحمد يعني انت اللي بتسأل اخبارك واخبار عمي واخواتك
محمد : بخير والله وانتو
احمد: الحمدلله والله بس........
محمد: امتي دة حصل وازاي متبلغنيش بحاجه زي كدة
احمد: والله يامحمد اتلبخنا
محمد: انا هبلغ الجماعه وهنجيلكم
احمد: وفاطمه جايه معاكم
محمد : ايوة ان شاءالله سلام
عارفه ان هو بارت صغير بس هحاول اطوله بس ياتري مين الصوت الأنثوي اللي رد علي معاذ؟ وايه اللي حصل لمالك؟ ومين دي مي اللي بيتكلموا عنها؟ وايه حصلها؟ وياتري احمد قال لأسلام ايه؟ وبيسأل علي فاطمه بالذات ليه واخواتها لأ ليه؟ كُل دة هنعرفه ف اللي جااي ان شاءالله ❤️
اتمني يعجبكم
