البارت الثاني عشر من روايه قدرنا💙
ف المستشفي سارة نايمه كأن الذاكرة بتعيد اللي حصل تاني وهي بتصرخ وبتقاوم وهي نايمه مامتها اخدت بالها
هويدا : فوقي يابنتي فوقي انا جمبك
سارة بتحاول تفوق من عالمها بس مش عارفه لأنه كان اقوي منها
هويدا بدموع وخرجت: دكتور بسرعه وبالفعل جاء الدكتور بس طلب منها تخرج برا
معاذ: فـ ايه ياطنط واقفه برا ليه
هويدا بدموع: مالك فين يامعاذ
معاذ: متقلقيش عليه ياطنط هو محتاج يبقي لوحدة عشان يقدر يعرف هو هيعمل ايه بس ايه اللي حصل لسارة
هويدا سردت عليه ماحصل
معاذ: خير ياطنط وهنا جاء الدكتور
هما: خير يادكتور
الدكتور: اللي حصلها دة امر طبيعي ومتوقع حدوثه مع حالتها لأن عقلها بيعيد اللي حصل تاني بس متقلقوش دي نتيجه كويسه واحتمال كبير تفووق بس كُل اللي عليكوا حد قريب منها يكلمها يحسسها ان هو جمبها ويطمنها هي سمعاكو وحاسه بيكم بس هي عاوزة تهرب من الواقع
معاذ: شكرآ يادكتور تعبناك
الدكتور: ولا يهمكم بس اهم حاجه نطمن علي المريضه عن اذنكم
معاذ: اتفضل
هويدا رجليها مش شيلاها قعدت علي الكرسي
معاذ : طنط انتي كويسه حاسه بحاجه
هويدا بدموع: حاسه بنار ف قلبي وبنتي بتروح مني يابني مش قادرة اشوفها كدة وهي مطفيه
معاذ: طنط خليكي قويه انتِ مؤمنه ودة ابتلاء من ربنا عاوز يختبر صبركم
هويدا: كان ابتلاء صعب اووي بس الحمدللهّ قوم ياابني روح ارتاح شويه تعبناك معانا
معاذ بمرح لكي يخفف عنها : عيب ياهُدهُد لما تقولي كدة ولا انا مش زي مالك
هويدا بأبتسامه مابين دموعها : انتَ ابني التاني اللي مجبتوش وربنا يعلم انتَ زيك زي مالك والدتك كانت ونعم الأخت ليا ربنا يرحمها ويبارك فيك ويباركلك ف والدك
معاذ بحزن: وهي كمان كانت بتحبك جدآ ربنا يرحمها بس متقوليش والدي لأن انا يعتبر دفنته يوم امي
هويدا: لسه بردو مش عاوز تسامحه ياابني دة ربك غفور رحيم احنا مش هنسامح
معاذ بحزن ودموع: انا اسامح اي حد ماعدا هو وارجوكي ياطنط لو انا ابنك فعلآ متفتحيش معايا الحوار دة عن اذنك هنزل اجيب حاجه واجي وانتي ادخلي اتطمني علي سارة
هويدا بحزن عليه : ربنا يهديك ويصلح حالك ياابني
اما معاذ اول ماخرج من المستشفي اطلق لعيونه الحريه لكي تنزل الدموع بغزارة لكن فـ ايد وضعت عليه
معاذ: انت!!!!!
**************************************
عند مالك قابل المقدم زياد
مالك: المقدم زياد
زياد: ايوة انت مالك صح
مالك: ايوة
زياد: اخبار اختك ايه لسه بردوا مصممين متأخدوش حقها عارف يامالك اللي زي اختك حقها بسبب حجه بايخه اسمها كلام الناس لو كل واحد فينا قعد ينتظر كلام الناس يبقي حقوقنا هتروح لأن كلام الناس لا بيقدم ولا بيأخر عارف يامالك الاغتصاب دة من ابشع الجرائم اللي ف الدنيا لان بسببه بيضيع بيوت كتير وف بنات كتير ملهمش ذنب بس حياتهم راحت بسبب مش هقول بني آدم لانهم مش يتسموا بني آدمين لأ دول يطلق عليهم ذئاب بشريه وللأسف ف كتير بيعرضوا نفسهم للأنتحار عشان نظرة المجتمع ليهم ولأهاليهم او ممكن تعيش بس بدون روح بتبقي زي اللعبه كدة جسد بس بتحركها زي ماانت عاوز لإن اغلي حاجه راحت نصيحه مني ليك يامالك متسيبش حق اختك ولأني حسيت من كلامي مع والدتك انكم ناس محترمين وارتاحت ليكم فـ انا هساعدك لو انت حابب
مالك : انا فاهم كُل دة وللأسف حياه اختي وحياتنا ضاعت فـ مش هتفرق معايا حاجه بعد كدة انا جيتلك النهاردة عشان تساعدني اخد حق اختي بس بعيد عن الصحافه والأعلان لأني فاهم ان " الأغـتصـاب" الصحافه مابتصدق وتفضل تكتب من غير مايراعوا احاسيس حد
زياد: وانا معاك يامالك واوعدك هجيبلك حق اختك بس لازم هي توصفلنا شكله اي حاجه
مالك: سيب اختي عليا هكلمها لما تفوق بالراحه لأن زي ماانت عارف والدتي رافضه ان الشرطه تتدخل وتجيب حقها
زياد: تمام بس اي حاجه تحصل تبلغنا
مالك: تمام آه نسيت يوم اللي حصل لسارة جالي مسدچ وطلع الفون واعطاه لزياد
زياد: بس كدة يبقي اللي حصل لأختك بفعل فاعل والحد دة عاوز ينتقم منك انت مش من سارة انت ليك اعداء
مالك : لأ خالص
زياد: متأكد
مالك: ايوة متأكد انا مليش علاقه بحد غير مازن صاحبي ومعاذ ودول مستحيل يعملوا كدة لأنهم اخواتي
زياد: هنشوف بس احنا مش هنتقابل ف القسم لأن ممكن يكون حد مراقبك ولا حاجه هنتقابل ف اي حته
مالك: مراقبني انا معتقدش
زياد بغموض : هنشوف ولسه مخلصش كلامه حصل............
*****--*******************************
عند اسلام ومي بعد ماقالها تتجوزيني
مي بدموع : اسلام مش هينفع مش هينفع
اسلام: ليه يامي ليه بتعذبينا هتقوليلي الماضي هقولك مش مهم انا راضي بالماضي مهما كان ايه انا راضي اكون معاكي انتي حرام عليكي انتي بتعملي فيا ليه كدة انتي بتحبيني يامي وعاوزاني
مي بدموع وتضربه علي صدرة: لأ مش عاوزاك
اسلام: كدابه بتكدبي كل لحظه بتجمعنا مع بعض بحسك بتقوليلي محتاجالك عينيكي فضحاكي لهفتك لما كوبايه القهوة نزلت عليا وشوفت ف عينك قد ايه انتي خايفه عليا انتِ ايه ياشيخه حرام عليكي ليه العذاب دة بس خلاص هقولك علي حاجه انا هبعد ايوة هبعد يامي ومش هتشوفيني. خالص ومن بكرة هنقل فرع جديد عشان مش هستحمل وجودك جمبي وانتِ بعيدة عني بس ملعوون ابو القلب اللي يرخص الواحد كدة اللي يخلي كرامته ف الأرض عملت المستحيل عشانك قولتيلي اصحاب قولت ماشي جايز الصحوبيه تقلب تبقي ارتباط بس خلاص هحط علي قلبي ميت جزمه وسابها ومشي
مي بدموع وانهيار : ااااااه جيت عليها صاحبتها واخدتها ف حضنها: اسلام سابني ومشي هو ليه مش قادر يفهم اللي مريت بيه ليه مش حاسس بيا اللي مريت بيه كان صعب
صاحبتها: انتِ غلطانه يامي هو عمل عشانك كتير بس مكنش فيه مقابل منك تعرفي كلمني ورتب معايا اني اخدك ونعمل شوبنج ونيجي علي هنا
مي بصتلها جامد
صاحبتها: ايوة اسلام هو اللي كلمني متستغربيش كان عاوزك معاه ف حلاله مكنش بيلعب بيكي فوقي يامي قبل فوات الآوان لو بتحبيه روحيله واعترفوا بكل حاجه لبعض ابدائوا حياتكم علي الصراحه
مي بدموع: خايفه يتكرر اللي حصل
صاحبتها: اسلام غير يامي اسلام راجل بجد عاوزك ضحي عشانك كتير وهيضحي اكتر انما التاني قوليلي عملك ايه هاا قدملك ايه هااا بالعكس انتي اللي كنتي بتقدميله افتحي قلبك واعطي لنفسك فرصه قبل فوات الآوان
وسابتها ومشيت
مي قاعدة بتفكر ف اسلام واللي صاحبتها قالته وفجاءه طلعت فونها وكلمت بس بلغوها........... ومي عيطت جامد
**********************************-*-*-
محمد دخل لأخواته البنات لقي فاطمه قاعدة ودموعها هي اللي نازله وعائشه نايمه راح حضن فاطمه جامد
فاطمه كانت قاعدة مافيهاش حيل من اللي عملته ف نفسها ف استسلمت ف النوم ف حضن محمد وبعدين خرح محمد قابل خديجه
خديجه : نامت
محمد هز راسه
خديجه: تعالي نقعد ف اوضتك
محمد هز راسه
خديجه: محمد مالك اتكلم
محمد كان ماسك نفسه واول ماخديجه قالت كدة زي مايكون ماصدق فضل يعيط وخديجه سايباه يطلع اللي جواه وسابته لما. خلص خالص
خديجه بهدوء حزين : خلصت طلعت اللي فيك عارفه ان فراقه صعب بس انت مؤمن
محمد: الأنسان ضعيف اووي ياخديجه علي لاحظه يعني جدو اللي كان قوي اللي صوته يهز البلد اللي محدش يقدر يعارضه ف حاجه الطول بعرض الموت يكون اقوي منه ونايم مش بيتحرك ولا اما روحنا كلنا ندفنه وف الأخر سبناه لوحدة الواحد واللهّ اعلم بحاله
خديجه بدموع : كُلنا ليها يامحمد كلنا هنتحط ف اللحظه دي فـ آيه بتقول
♦ ﴿ كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ "
يعني يامحمد محدش هيعيش فيها واكتر الناس ناسيه اليوم دة ناسيه لما تقابل وجه كريم ناسيه اول ليله ليها ف القبر ناسيه يعني ايه حساب مش فاكرة غير الدنيا ولهو الدُنيا الموت دة بيذكرنا وبيفوقنا وبيعرفنا ان الدُنيا فانيه ومادايم الا وجه اللهّ سبحانه وتعالي وسيرتك بين الناس عشان لما ربنا يفتكرك بعد عُمر طويل يذكروك بالدعاء لان دة اللي هيتفضلك ف الدُنيا وعملك الصالح ربنا يجعلنا من اهل الجنه ويغفرلنا ويجعل تيتا وجدو ف عليين
محمد : يارب
خديجه: هقوم انام تصبح علي خير
محمد: وانتِ من اهله حبيبتي
*************************************
مجهول1:حصل ياباشا
مجهول2: هههههههههههههه عشان يتربي كويس بس اوعي حد يعرف حاجه
مجهول 1:عيب دة انا الريس
مجهول2: هههه عجبتني خود دول عشانك وعشان رجالتك
مجهول1: متحرمش من يد مانعدمها بالأذن
مجهول2 بنظرة شر: ولسه يامالك لازم ادمرك
*************************************
وبكدة نكون خلصنا بس ليه معاذ مش عاوز يسامح والدة وياتري والدة عمل فيه ايه للدرجادي؟ وياتري معاذ شاف مين؟ وياتري حصل ايه لمالك والمقدم زياد؟ ياتري اسلام ومي هيبقوا من نصيب بعض ولا لأ؟ وياتري حصل ايه ف المكالمه ومي انهارت كدة؟ وياتري المجهول دة مين؟ وعاوز ينتقم من مالك ليه؟ كُل دة هنعرفه ف اللي جاااي انتظروني ويارب يكون عجبكم 💜😘
