البارت السادس عشر من روايه قدرنا ❤️
خديجه لبست ونزلت تحت لقيتهم كلهم قاعدين
خديجه بصوت يسمعه الكُل: السلام عليكم ازيكم ياجماعه
كلهم: وعليكم السلام اهلآ بعروستنا
العم: متكسفوهاش ياجماعه
محمود: اسمع يااحمد خديجه دي غاليه وهتاخد عقل وجمال ودين مش عشان بنتي بقولك كدة بس صدقني هي كدة فـ متزعلهاش فـ يوم من الايام
العم: زعل ايه يامحمود دة يفكر يزعلها بس وشوف انا هعمل ايه
احمد: ربنا مايجيب زعل بينا سواء حصل نصيب ولا لأ
محمود : يارب طيب نقوم ونسيبهم مع بعض محمد مسك ايد خديجه: متخافيش انا قصادك بالظبط
خديجه ابتسمت بهدوء وبعد ماخرجوا قعدوا بصمت شويه وبعدين قطع الصمت
احمد: احم احم ازيك ياخديجه
خديجه: الحمدللهّ بخير
احمد :.مش حابه تسأليني علي حاجه
خديجه: كل حاجه انا عارفاها
احمد بضحك : عاوزة توصليلي ان القعدة ملهاش لازمه
خديجه: لإ والله انت فهمت غلط
احمد : طيب بصي ياخديجه انا مش هغصبك عليا وانا عارف ان عمو ضغط عليكي انك تقعدي معايا بس عاوز اقولك متخافيش و هجيب الموضوع من نحيتي انا بس بعد مانقول هنصلي استخارة بس انا هطلب منك طلب احنا نصلي استخارة ومهما يحصل كل واحد يقول للتاني ولو فـ ارتياح لينا من الطرفين منزعلش اهالينا
خديجه بأرتياح نوعاً ما: ريحتني يااحمد ربنا يكرمك اوعدك اني هقولك
احمد: طيب يلا نطلع
وبالفعل طلعوا وقالولهم كدة
محمد: طيب بعد اذنكم ياجماعه وبعد اذن بابا وعمو انا طالب ايد هدي ياعمو ولو حصل نصيب لاحمد وخديجه نعمل الخطوبه مع بعض
العم: الحقيقه انك فاجئتني يابني بس
محمد: بس ايه ياعمو اوعدك هحطها ف عنيا والله
العم: وانا موافق ياابني مش هلاقي احسن منك اعطيله بنتي وعارف انك هتحطها ف عينك لأن عينيك فضحاك
محمد بخجل: لدرجادي
محمود بضحك: كبرت يامحمد وبقيت عريس مُبارك ياحبيبي
محمد: اللهّ يبارك فيك يابابا
الأم: مُبارك يانور عيني
محمد : الله يبارك فيكي ياحبيبتي
خديجه: اغلي مُبارك لأغلي محمد وهدي مُبارك ياولاد
عائشه بمرح: بتباركيلهم ليه دة انتي هتبقي عمتو الحربايه
فاطمه بمرح: لأ طلعوني من حوار عمتو دة انا خالتو بس وراحت لهدي وحضنتها مُبارك يادودو
هدي بخجل: اللهّ يبارك فيكي ياطمطم عقبالك
عائشه بمرح : لأ ياجماعه معلهش احضنوني معاكم
خديجه بمرح: كدة ياكلاب تسبوني ابقي عمتو لوحدي محمااا الحق حق انا ابقي حربايه
محمد بمرح: احلي عمتو وحياتك
خديجه: يارافع من معنوياتي
العم: نبطل بقي شغل العيال وكل واحد فيكم يصلي استخارة وانت يامحمد صلي استخارة ومتتسرعش
محمد: حاضر ياعمو
خديجه: عن اذنكم انا هطلع
عائشه: متقعدي ياديچا
خديجه: مش قادرة محتاجه انام شويه
محمود قد فهم بنته: سيبيها ياعائشه
وبالفعل طلعت خديجه وهي مشتته تمامآ وصلت استخارة ودعت كتيييير ونامت
**************************************
اما عند سارة خرجت من المستشفي
مالك: نورتي البيت ياحبيبتي
هويدا: كان وحش بغيابك واللهّ بس ازمه وعدت
سارة بأبتسامه باهته: دة نورك ياماما مالك انت كلمت المدرسين
هويدا: مستعجله ليه يابنتي ارتاحي شويه
سارة: معتش وقت ياماما خليني اعوض حاجه من اللي راحت
مالك: هنزل اتفق معاهم النهاردة بس قبل اي حاجه اي مجموع تجبيه دة خير لينا وهيكون لسه مشوارنا طويل وتقدري تثبتي نفسك ف مجالك مش نهايه العالم ولا المطاف لأ دي بدايه لحياه جديدة
سارة: ان شاءالله واوعدك هعمل كل اللي اقدر عليه عشان راسك تترفع تاني
مالك: ومين قالك ان راسي نزلت لأ دايمآ راسي مرفوعه وفخورة انك اختي واوعي تنزلي راسك وتقللي من نفسك انتي غاليه وهتفضلي غاليه مهما حصل واحتضنها
سارة: ربنا يباركلي فيك وافرح بيك
هويدا: افرح بيكوا انتوا الأتنين واختك ترجعلنا بالسلامه
مالك: يارب ويباركلنا ف عمرك ياست الكل
هويدا: ادخلي يابنتي غيري وخدي حمام وارتاحيلك شويه
سارة: حاضر وبالفعل دخلت
مالك: ماما هي خالتو متعرفش حاجه عن موضوع سارة
هويدا: لأ مقولتلهاش حاجه وكانت لما بتكلمني كنت بتحجج بإي حاجه عشان تقفل وكنت بحسسها اني بخير واختك كمان متعرفش حاجه
مالك: كويس ياريت متجبيش سيرة لحد واظن محدش يعرف غير انا ومالك ومازن ودول اخواتي وسارة اختهم عشان نفسيه سارة
هويدا: وانا بقول كدة ونقول انها عامله الزايدة وتعبانه بسببها وخلاص
مالك : تمام هنزل انا اشوف مدرسين سارة واقابل الشباب
هويدا: ماشي ياحبيبي ربنا معاك وبالفعل نزل
مالك: الوو جبتوها
مازن : جبناها وعندي ف البيت
مالك: معاذ معاك
مازن: تحب اكلمه
مالك: لأ سيبه خليها معاك وانا جااي مشوار صغير بس
مازن: تمام متتأخرش سلام
مالك: سلام
وهنا ماالك طلع فونه وكلم ...........
**************************************
اسلام وصل هو والدته ووالدة واخته
معاذ: يااهلآ وسهلآ شرفتونا ونورتنا
الوالد: منور بيك ياابني
الوالدة : اومال فين العروسه
معاذ: هقوم اندهلها البيت بيتكم
معاذ دخل لمي: هاا ياعروسه خلصتي
مي بتفرك فـ ايديها: مش طالعه قولهم يمشوا
معاذ: انا قولت انك متنفعيش عروسه محدش صدقني يلا يامي بلاش هبل وتكسفيني
اسراء اختهم( اخت معاذ) وهي بتخبط علي الباب: ينفع يبقي اختي عروسه ومتقوليش
مي بفرحه: اسراااء اسفه جدآ بس كنت عارفه انك. مش هتيجي
اسراء: مهما كان اللي بينا من زعل مينفعش اسيبك ف يوم زي دة وهي بتحضنها :مُبارك ياعروستنا ربنا يتمملك علي خير
مي بدموع: اللهّ يبارك فيكي يارب مش عارفه اقولكم ايه
معاذ: ياستي متقوليش حاجه بس انجزي واطلعي للناس اللي برا
اسراء: اطلع بس مع امير جوزي برا قاعد معاهم وانا هجيبها واجي
معاذ: طيب والله فيكي الخير كنت قاعد بطولي مكسوف يلا اسيبكم
اسراء : يلا نظبط الميكب وبالفعل ظبططها وطلعوا
اسلام لما شافها قام وقف سلم عليها وقال: دي ماما
ام اسلام محتضنه مي: اهلآ بيكي ياعروسه ابني عرفتي تنقي يااسلام ماشاء اللهّ عسوله
منه( اخته) : اسلام طول عمرة زوقه حلو ياماما
اسلام بضحك: ودي منه اختي ام لسانين
منه: اخص كسفتني
مي : تسلميلي ياطنط احنا نيجي جمبك ايه وتسلميلي يامنون انتي اللي قمرايه
مي بخجل : ازي حضرتك ياعمو
الوالد: بخير ياعروستنا
معاذ: دي اسراء اختنا ودة امير جوزها
الوالد: ايوة مااحنا اتعرفنا بس تشرفنا والله
امير: الشرف لينا ياحاج
الوالد: ندخل ف المهم احنا جاين النهاردة وطالبين ايدين الآنسه مي لأبننا اسلام وكل اللي حضراتكم عاوزينه احنا موافقين
معاذ: احنا مش طالبين اكتر من الناس والشبكه دي هديه العريس للعروسه مش هندخل فيها اما بالنسبه للعفش والحاجات دي فـ دة شقتهم وهما حرين يختاروا اللي هما عاوزينه والمهر والمؤخر احنا طالبين.... واظن مش كتير لان احنا فـ الأول والأخر بنشتري راجل لأختنا اللي تكمل حياتها وهي معاه سعيدة ومرتاحه وبينهم مودة ومحبه
الوالد: علي خيرة اللهّ واحنا موافقين
اسلام: انا عاوز خطوبه وكتب كتاب مع بعض
معاذ: اللي مي شيفاه دي حياتها ها يامي ايه رائ
مي: اللي تشوفه يامعاذ
معاذ: يبقي علي خيرة الله يبقي زي النهاردة الخطوبه وكتب الكتاب وبعد 3شهور زي هما متفقين الفرح
اسلام: واللهّ انتَ عسل
امير: معاذ مفيش احسن منه مبروك ياابو النسب
اسلام: الله يبارك فيك ياامير
منه: مبروك عليا اخت ليا دة بعد اذنك يامي
مي : الله يبارك فيكي يامنون عقبال فرحتي بيكي وبعدين انا ليا الشرف اني يكون ليا اخت تانيه كدة
ام اسلام: طول عمرك نفسك ف اخت اهي جتلك مي ياستي
الوالد: احنا جالنا احسن ناس والله مش مي بس وربنا يعلم حسيتهم عيلتي
معاذ: تسلم ياحاج ربنا يعلم الأرتياح اللي بينا
الوالد: نستأذن احنا بقي يلا ياجماعه
معاذ: لازم نتعشي سوي
الوالد: والله منقدر
امير : يبقي توعدنا ياحاج ان احنا نتعشي سوي
ام اسلام : الجايات كتير واحنا خلاص بقينا اهل
اسلام: خلاص سيبهم علي راحتهم
اسراء : نورتونا ياجماعه نورتينا يامنه
منه: حبيبتي ياسوسو والله
وبالفعل الجماعه مشيوا
معاذ: ناس طيبين اووي
امير: فعلآ ناس ولاد اصول
اسراء: ربنا يتمم علي خير يلا ياامير
مي: لا لازم نتعشي سوي والله مايحصل وانا آسفه لو صدر مني حاجه زعلتك مني يااسراء
اسراء: اللي. حصل مكنش زمبي ولا زمبك يامي تعالي ننسي
معاذ: تراني تأثرت
اسراء:.بس يارخم
وبالفعل اتعشو وودعوا مي ونزلوا
معاذ: اسراء عاوز اقولك حاجه..............
*************************************
وبكدة نكون خلصنا بس ياتري ايه اللي هيحصل مع خديجه واحمد؟ وياتري سعادة مي اسلام ومحمد وهدي هتدوم؟ وياتري مازن بيتكلم عن مين وجاب ايه؟ ومالك هيروح فين؟ وحاجه ايه اللي معاذ هيقولها لأسراء كل دة هنعرفه فـ اللي جاااي اتمني يكون عجبكم ❤️
