البارت الخامس عشر من روايه "قدرنا"❤️
عند مي واسلام
مي: صباح الخير
اسلام : يااحلي صباح الخير سمعتها ف حياتي
مي بخجل: اسلام لو سمحت اسكت
اسلام بضحك: هو احنا قولنا حاجه بس اتأخرتي النهاردة ليه هااا كنتي بتفكري فـ مين
مي بخجل : اتلم بقي
اسلام بضحك: هكسب فيكي ثواب ومش هتكلم كلمتي معاذ
مي: ايوة كلمته وحكيتله كل حاجه وخد الرقم اهوو........ وهو علفكرة مستني مكلمتك
اسلام: خلاص هكلمه واتفق معاه
مي: ماشي هروح انا اخلص الشغل اللي ف ايدي
اسلام: اوك وانا رايح اكلمه وبالفعل كلمه
اسلام: الوو السلام عليكم معاذ معايا
معاذ: وعليكم السلام ايوة انا معاذ مين معايا
اسلام: انا اسلام مراد
معاذ: اهلآ اهلآ ازيك يااسلام
اسلام: بخير الحمدللهّ انا حبيت اكلمك عشان اخد منك ميعاد واجيب اهلي واجي نطلب ايد الآنسه مي وانا تحت امرك ف اي طلبات
معاذ بمرح: اي ياابني مدلوق ليه كدة
اسلام بضحك: مدلوق علي الآخر وحياتك ولو قولتيلي فرح علطول هحبك اكتر
معاذ بضحك: سيب معاد الفرح لما نتقابل الجمعه الساعه 7 تناسبك
اسلام: لأ جمعه ايه لسه هستني خمس ايام
معاذ بضحك: لأ دة. انت حالتك صعبه عاوز الميعاد امته
اسلام: بكرة مع انه كتير بس هستحمل
معاذ: مش هزعلك بكرة الساعه 7 هستناك انت وعيلتك
اسلام : والله انتَ راجل عسل من قبل مااشوفك خلاص ان شاءالله
معاذ: ان شاءالله
وقفلوا مع بعض
**************************************
عند سارة الدكتور بيدخل
الدكتور: لأ دة احنا بقينا كويسين خالص
مالك: يعني ممكن تخرج يادكتور
الدكتور : نستني لبكرة لو فضلت ف تحسن اكتبلها علي خروج بس اهم حاجه تبعد عن الضغط النفسي
مالك: وهو بينظر لسارة: انا بنتي قويه ومش هتستسلم ابدآ مش صح ياحبيبتي
سارة :طول ماانت جمبي مش هرجع زي ماكنت
هويدا. : ربنا يهديلك حالك ويصلحه ويكتبلكوا الخير ياولادي
الدكتور: اهلك بيحبوكي جدآ فـ مترجعيش تاني للي كنتي فيه دايماً اثبتيلهم ان دة درس ليكي مهما كان صعوبته
هويدا: ربنا موجود وهو المنتقم
الدكتور: ان شاءالله عن اذنكم
مالك: بصي ياسارة طبعاً لسه اقل من شهر علي امتحاناتك فـ انا بقول نأجل السنه دي عشان اللي حصلك ودة ميأثرش علي نفسيتك فيما بعد والسنه جايه تكوني شديتي حيلك اكتر عشان دي 3مش لعب عيال
سارة بتحدي وتصميم : لأ يامالك مش هإجل مهما كان وراضيه بأي نتيجه هجيبها بس مش هضيع نفسي السنه دي ابقي ضيعت من كل الأتجاهات وبعدين انا كدة كدة هيبقي مستقبلي هو الأهم لأن مستقبلي التاني راح فـ مش هفكر غير فـ اللي جاااي
هويدا: مين قالك انك مش هتتجوزي وهفرح بيكي لأ هفرح بيكي وهلبسك الأبيض بأيدي
سارة بحزن : مين اللي هيرضي يتجوز واحدة مش بنت
مالك: وهو بيغمز لمامته: بصي ياسارة نسيبنا من الموضوع ومنفكرش فيه وطلاما انتي مصممه علي انك تكملي دراستك السنه دي فـ انا موافق بس بشرط هجيبلك مدرسين يذاكرولك مش هتروحي سناتر
سارة: بس دة مصاريفه هتكون كتيرة
هويدا: هبيع دهبي
مالك بعصبيه خفيفه: لما اكون مش راجل ياماما عشان تقولي كدة انا اللي مسؤل عنكم
هويدا: مقصدش ياابني كفايه مصاريفك
مالك: خلاص ياماما مفيش حاجه هتتباع
هويدا: ربنا يباركلي فيك ياحبيبي
وهنا معاذ يدخل : يعني انتي ياهُدهُد تقعدي تعيطيلي ومن ورايا تضحكي وتدعي لأبنك اخص مكنش العشم
مالك وهو بيضربه علي قفاه : البلاء جه اهوو
معاذ: انا بلاء حق ياسوسو انا بلاء
سارة بضحك: لأ طبعآ
معاذ: يباركلي فيكي
سارة بضحك: انت اكبر بلاء لينا
معاذ: كدة ياسارة ماشي
مالك: كنت جااي ليه ياض
معاذ: تعالي عاوزك برا
مالك: عن اذنكم يلا قدامي وبالفعل طلعوا
معاذ: مازن كلمني وراح زي ماانت قايله وطلع شكوكك صح
مالك : يبقي كدة هي اللي اجنت علي نفسها اتصل علي مازن كدة
مازن: ايوة يامعاذ قولتيله
مالك: اسمعني يامازن لازم نوصل للآنسه منه وللآنسه خديجه
مازن: احنا مش معانا ارقامهم
مالك: بس معايا رقم اخوها
مازن: خلاص كلمه وقوله
مالك: تمام وبالنسبه لزياد روحله وبلغه........ يمكن يكون ليه رائي تاني
مازن : خلاص متشيلش هم هروح انا
**************************************
عند خديجه
خديجه بصدمه: بس يابابا انا عُمري مااعتبرت احمد غير اخ اكتر من كدة لأ
محمود: يابنتي فكري وحاولي تنظري ليه بغير كدة
خديجه: معتقدش الموضوع مرفوض
محمود بعصبيه: بقولك ايه اقعدي معاه وحاولي واعملي حسابك ساعه وهتنزلي تقعدي معاه ومش عاوز كلام انا مش كل اما يجيلك حد مترضيش واحمد ونعم الشباب مش هلاقي زيه انا اخدتك بالراحه انتي معقداها
خديجه: بابا
محمود: بلا بابا بلا بتاع الكلام خلص وسابها ومشي وهنا دخل محمد خديجه جريت عليه حضنته
محمد: اهدي ياخديجه مستحيل حاجه تتعمل من غير ارادتك بابا اتعصب شويه وبعدين ياخديجه احمد مش وحش احمد حافظ كتاب الله ولو علي اللحيه يعملها
خديجه:انا عارفه ان احمد مش وحش بس انا ليا مواصفات فـ زوجي ايوة احمد بيصلي وحافظ كتاب اللهّ بس يامحمد مش اللحيه سبب رفضي له
محمد: وايه هي مواصفاتك
خديجه: زوجي يعني هيكون مناسب ليا مرتاح وانا بتكلم معاه ف اي حاجه مش لما اجي اتكلم ابقي لازم اقدم مقدمات لأ انا عاوزاه يكون. صاحبي ردود افعاله يكون لايقين بيا يفهمني بالراحه لما اغلط وتفكيرة يكون يشبهني اكون مرتاحه وانا معاه احس بونس عارف يامحمد الزوج الصالح عُمرة ماكان باللحيه ممكن اي حد يربي لحيته مش شرط ومش شرط يكون حافظ القرآن لأن ممكن انا وهو نحفظه سوي ولو كان حفظه يبقي خير ومش شرط يكون امام المسجد ولو كان امام دة فضل ونعمه ومش شرط يكون معاه خمستلاف شهادة اهم حاجه يكون رجل علم عندة ثقافه عشان نعرف نربي اولادناومش شرط يكون مرتاح ماديآ لأن ، الله سبحانه وتعالى بيقول : ( إن يكونوا فقراء يغنهم الله من فضله) ومش شرط يكون الشاب الوسيم الچينتل لأن الراجل مش بالشكل ولا باللبس الراجل بالمواقف وحاجات كتير عارف انا عاوزة الراجل اللي ارتاح لهواه اللي يتقي اللهّ فيا وف قلبي ويصوني ويحبني نتهبل مع بعض بس بردوا بما يرضي اللهّ ويبقي فاهم كويس اني امانه من ربنا اولآ وامانه من اهلي اللي ائتمنوه عليا عاوزاه يحتويني بكل مشاعري المتناقضه واضطراباتي النفسيه ومع ذلك يستحملني ويشاركني ف كل احلامي ويفهمني لو متعارض معايا فـ حاجه يفضل ورايا لغايه مااقتنع عاوزاه يكون بيصلي ويجاهد نفسه عشان يعرف دينه صح ويعرفني كل معلومه هو وصلها ممكن تستغربني بس كل شخصيه بتختلف صفاتها عن التانيه بس بتكون حسب مبادئها وتفكيرها عاوزة وانا معاه اكون علي طبيعتي وعارفه ان هو رغم كل دة هيبقي سندي انما احمد تفكيرة غيري يامحمد احمد عصبي احمد كل مواصفاته غيري تماماً فاهمني يامحمد
محمد: فاهمك ياحبيبتي ربنا يقدملك اللي فيه الخير ويهديلك الحال وييسر امورك
خديجه : آمين يارب يلا هجهز عشان هنزل لبابا تحت مهما كان مقدرش اكسر كلمته ولا اطلعه صغير
محمد: طول عُمرك عاقله وفاهمه ياديچا ربنا يكملك بعقلك
خديجه : آمين يارب
سابها ونزل
المجهول1: هي جيت ولا لسه من البلد
المجهول2: لسه بس اجازة اخوها قربت تخلص واكيد هييجو
المجهول1: واللي اسمها منه اخبارها
المجهول2: مش بتخرج غير قليل
المجهول1: كدة انتَ تعجبني ومالك واخته
المجهول2: مالك احنا مراقبين تحركاته بس فاكر. انه ذكي واخته هتطلع بكرة
المجهول 1 بشر : لسه اما وريتهم ماابقاش انا
عند مي عماله تحاول تكلم والدها عشان تبلغه بـموضوعها بس مش بيرد
مي بدموع: كان نفسي تكوني معايا كان عندي ذرة امل واحدة وقامت نايمه
**************************************
وبكدة نكون خلصنا بس ياتري ايه اللي هيحصل ف اللي جاااي؟ وخديجه هيحصل معاها ايه؟ ومي واسلام هيحصل معاهم ايه؟ وسارة ايه مصيرها؟ومين المجهول دة وعاوز ايه منهم ؟كل دة هنعرفه ف اللي جاي؟
