البارت الرابع من روايه "قدرنا"
...:الوو يافاطمه انتِ فين
فاطمه: انا خلصت اهوو وخارجه
...: خلاص انا ف طريقي اهوو هستناكي علي باب الكليه
فاطمه: ماشي
**************************************
نيجي ف مكان تاني يرن هاتف محمود( الاب)
محمود: الوو السلام عليكم
احمد : وعليكم السلام ازي حضرتك ياعمو
محمود: اهلآ ابو حميد ازيك عامل ايه وازي والدك وجدك واخواتك
احمد: احنا الحمدللّه بخير بس جدي اللي تعبان شويه
محمود: ماله يااحمد وازاي محدش يقول ان هو تعبان
احمد: اهدي ياعمو هو واللُه كان بخير بس تعب اووي امبارح والدكتور قرر ينقله المستشفي ويكون تحت رقابه وانا النهاردة الصبح كلمت محمد وبلغته وهو كان ف الشغل
محمود: محمد مبلغنيش بحاجه وهو اصلآ لسه مرجعش من الشغل وانا حسابي معاه وعلي العموم احنا هنيجي البلد بس بلغني اسم المستشفي ايه
احمد: تنور ياعمو بس اول ماحضرتك توصل بلغني وانا هاجي اخدكم علي المستشفي
محمود: ماشي يابني ف رعايه الله
احمد: ف رعايه الله وحفظه ياعمو
محمود يقفل الفون باب الشقه يتفتح ويدخل محمد
محمد: السلام عليكم
محمود: وعليكم السلام انت ازاي يااستاذ متعرفنيش ان جدك تعبان
محمد: هو حضرتك عرفت
محمود: ايوة عرفت يااستاذ
محمد: والله يابابا انا اول معرفت عديت علي فاطمه ف الكُليه وجبتها وجيت عشان عارف ان فاطمه ممكن لما جدو يشوفها يتحسن شويه
محمود : اومال فاطمه فين
محمد : قابلتها جارتنا الجديدة ووقفت معاها وانا طلعت اومال فين ماما
محمود: نزلت تجيب شويه حاجات من السوبر ماركت
وهنا تدخل فاطمه ووالدتها
فاطمه: طلعت انت وخلعت وانا اللي اتزنقت وشايلتني يااخويا
محمد: فاطمه مش ناقصك ويلا روحي البسي عشان نازلين البلد
الأم: ليه خير ياابني ايه اللي حصل
محمود: الحاج تعب ونقلوة المستشفي
الأم: ياربي ان شاءالله خير والله طيب انا هاجي معاكم
محمود: لأ خليكي انتِ عشان عائشه وامتحاناتها وخديجه داخله علي امتحانات
الأم: يعني هما صغيرين مينفعش ماجيش
محمود: كفايه انا وفاطمه ومحمد
الأم: انا قولت انا جايه
وهنا تدخل خديجه
خديجه: ف ايه ياجماعه صوتكم عالي ليه كدة.
الأم: تعالي ياخديجه جدك تعبان ف المستشفي وباباكي ومحمد وفاطمه رايحين وانا بقوله اجي معاكم مش راضي عشان امتحانات عائشه ومعدش حاجه علي امتحاناتك
خديجه: ياربي شفاه الله وعفاه يارب وبعدين روحي ياماما معاهم وانا لسه قدامي اسبوع ونص علي امتحاناتي هتكونوا انتوا جيتو وبالنسبه لعائشه هقدر اخد بالي منها متخافوش اتطمنو والله بس اهم حاجه يقوم بالسلامه
محمود:متأكدة ياخديجه انك هتقدري توافقي بينك وبين البيت واختك
خديجه: ان شاءالله يابابا والله متقلقش علينا
محمود: أمري للّه روحوا البسوا يلا عما البس بس متتأخروش
هما: ماشي وبالفعل لبسوا وودعوا خديجه لأن عائشه ف دروسها وبعد توصيات عدة لخديجه تحركوا
**************************************
مالك بعد ماصلي ونام شاف رؤيا جميله شاف خديجه واقفه ف مكان ملئ بالورود والأشجار وهو شافها من بعيد ولما قرب عليها هي ابتسمتله واختفت وبعدها قام من النوم افتكر الحلم ابتسم وقام اتوضي وصلي الصبح وقعد يدعي انها تكون ليه وان ربنا يساعدة لغايه مايوصل ليها وبعدها انهي صلاته ولبس وخرج من اوضته
مالك: صباح النور ياهُدهُد ياقمر
الأم: صباح النور ياحبيبي شكل مزاجك حلو
مالك: اوووي ياماما
الأم: احكيلي ايه اللي مفرحك كدة
مالك: هحكيلك بس ف الوقت المناسب بس ادعيلي ياحبيبتي بالله عليكي
الأم: بدعيلك انتَ واخواتك دايمآ ماانا مطلعتش غير بيكم من الدُنيا عارف يامالك اميرة اختك وحشتني اوووي
مالك: بتعيطي ليه بس هي كويسه والله ومبسوطه مع جوزها واولادها وبعدين مش هي بتكلمك مش هي دي سنه الحياه
الأم: بتكلمني بس مش زي انها تكون قدام عيني عارفه ان جوزها مفيش زيه ومعوضها انت بتكلمها يامالك
مالك: والله ياماما مكلمتهاش من اسبوع كدة
الأم: كدة يامالك دة اختك ملهاش حد ف الغربه ولا معاها اهل
مالك: حاضر ياماما والله هكلمها
الأم: ربنا يباركلكوا ف بعض
مالك وهو يحضنها: ويباركلنا فيكي ياست الكُل
سارة: اي دا هذة خيانه بتخونوني من ورايا وفين ف شقتنا
الام: الهبله جيت اهي
مالك : تعالي ياهبله انتِ مش شاطرة غير ف اللماضه امتحاناتك امتي
سارة: وليه السيرة اللي تعكنن دي
مالك: بقي الدراسه سيرتها بتعكنن
سارة : اوووي يامان مقولكش علي كميه العكننه
مالك وهو بيجري وراها تعالي هنا يابتت مش هسيبك اما اشوف بتعكننك ازاي
سارة: بنهزر ياباشا بنهزر يابيه
مالك: ايوة كدة ناس مش بتيجي غير بالعين الحمرة يلا مش عاوزين حاجه
الأم: لأ ياحبيبي ربنا يراضيك ويوفقك ويحققلك اللي بتتمناه
مالك: يارب ياست الكُل
بعد مانزل مالك
الأم: هتيجي معايا ياسارة عند خالتك
سارة: انتي راحه امتي
الأم: علي العصر كدة
سارة : خلاص اكون رجعت هاجي معاكي
الأم: ماشي ياحبيبتي خلصي اكل ولمي الأطباق داخليها جوة عما اكلم خالتك ابلغها ان احنا رايحين
سارة: ماشي
**************************************
وصلت عائشه البيت لقيت البيت فاضي
عائشه: ياماماااااا يامااامااا
خديجه: تعالي ياعائشه محدش موجود
عائشه بأستغراب : اوماال هما فين
خديجه سردت عليها ماحصل : وبس ياستي دة اللي حصل
عائشه: يعيني عليك ياجدو ربنا يشفيه ويخليه يارب
خديجه: اولآ اسمها شفاه اللهّ وعفاه ثانيآ مينفعش تقولي ربنا يخليه لأن التخليه ف اللغه يعني البعد ف كلمه "ربنا يخليك"
الكلمة اللى فى بقنا كلنا على طول بنقولها لكل اللى بنحبهم ...
طيب واحده واحده كده ممكن نعرف معنى الكلام اللى بنقوله الأول
؟
معنى كلمة "يخليك" فى اللغة تخلية ..
(خلى .. يخلى .. تخلية) يعنى ( ترك ... يترك ... تركا)
فالتخلية بمعنى الترك ...
يعنى معنى كلمة " الله يخليك " اللى بنقولها كتير جداً بغرض الدعاء هي دعاء على الغير لا دعاء لهم ...
يعنى كلمة "الله يخليك" يعنى "الله يتركك" ...
ممكن نبدل الكلمة دى بأى دعاء حلو فعلا زى
الله يكرمك ... الله يرضى عنك .. الله يباركلك ... الله يحفظك ... وهكذا ... فهمتي ياعائشه
عائشه: فهمت ياديچا ربنا يبارك فيه يارب
خديجه: آمين ياحبيبتي يلا قومي غيري هدومك دي عما احضر الأكل ونتغدي سوي
عائشه: حاضر بعد اذنك
خديجه بأبتسامه : اتفضلي
**************************************
اهل خديجه وصلو البلد وبالفعل كلمو احمد وراح ياخدهم
احمد: اهلآ ياجماعه نورتوا البلد
محمود: البلد منورة بأصحابها ياابو حميد
احمد: تسلم ياعمي ازيك يامحمد عامل ايه
محمد محتضن اياه: ازيك ياابو حميد ليك وحشه ياحبيبي والله
احمد: وانت والله ازيك ياطنط فيروز
الام: الحمدلله ياحبيبي ماشاء الله كبرت يااحمد وبقيت شاب زي العسل
احمد: تسلمي ياطنط ربنا يكرمك
احمد: ازيك يافاطمه
فاطمه: بخير الحمدلله ازيك انت يامحمد وازي طنط وهدي
احمد: بخير يلا هما مستنينكم
اخدهم احمد ووصلوا المستشفي
محمود: ازيك ياحاج الف سلامه عليك كدة ياحاج تقلقنا عليك
الحاج: مين محمود ازيك يابني كح كح انا بخير متقلقش كح كح
ابو احمد: معلهش يامحمود الدكتور قايل ميعملش مجهود وميتكلمش كتير
محمود محتضآ آياه: متأخذنيش من خوفي وقلقي عليه مشوفتش حد قدامي
ابو احمد: ولا يهمك ياحبيبي تعالي نسيبه ونطلع برا
وبالفعل طلعوا
فيروز وهي محتضنه ام احمد
فيروز: ازيك ياام احمد عامله ايه
ام احمد: الحمدلله ياحبيبتي ليكي وحشه والله ودايمآ ف بالي علطول بأدبك واحترامك معانا
فيروز : كلك زوق ياحبيبتي والله ربنا يديم المحبه بينا اخبار هدي واخواتها
ام احمد: هدي بخير بس هي ف البيت عشان هنروحلها اهوو عشان موعد الزيارة انتهي
فيروز: ومين اللي بيقعد مع الحاج
ام احمد: احمد اللي بيقعد اخواته انتي عارفه مسافرين
فيروز: ربنا يوفقه ويحفظه احمد راجل
ام احمد: يارب ويبارك ف اولادك هما مجوش
فيروز: لأ جم بس فاطمه ومحمد راحوا علي البيت مع احمد واحنا جينا هنا وخديجه وعائشه وراهم امتحانات
ام احمد: ربنا معاهم يارب
**************************************
احمد وصلهم البيت ودخلوا قابلتهم هدي
هدي : فطووووم وحشاااااني
فاطمه: انتي اكتر والله وحشاني جدآ وانتي اللي مش بتسألي
هدي: انا بردوا اللي مش بسأل بس يلا هعديها
فاطمه: اعذريني بقي انا الكبيرة
محمد: متصدقيهاش دي الهبله
هدي اخدت بالها من محمد: ازيك يامحمد متأخذنيش هدي كانت وحشاني مأخدتش بالي
محمد: ايه يابنتي عادي ولا يهمك انتي عامله ايه
هدي : بخير الحمدلله
احمد: طيب استأذن انا اروح المستشفي عشان الجماعه ييجوا هنا
محمد: يلا انا جااي معاك
احمد: خليك لبكرا من بدري لاني ببات
محمد: ماانا هبات معاك عشان نوني بعض
احمد: مش عاوزين نتعبك
محمد: انت اهبل ياله هو جدي زي ماهو جدك
احمد: طيب يلا بينا مش عاوزين حاجه يابنات
البنات : لأ عاوزين سلامتكم
مشوا الشباب
هدي : تعالي بقي احكيلي ايه الأخبار
فاطمه : اخبار ايه ياهبله
هدي: عليا بردوا دة انا عارفاكي
فاطمه : هدي بس بقي
هدي مقلدآ اياه: هدي بس بقي احكيلي موحشكيش
فاطمه: بتقولي فيها دة....................
*************************************
معاذ ومازن قاعدين مستنين مالك
معاذ: مش عارف اتأخر ليه
مازن : زمانه جاااي كُل تأخيرة وفيها خير
تدخل عليهم بنت زميلتهم
البنت: هااااي ياشباب
مازن : اووف انتِ جيتي هو يوم باين من اوله
معاذ: وعليكم السلام ورحمه الله وبركاته
البنت: ازيك يامازن ازيك يامعاذ
هما: احنا بخير الحمدلله خير يا آنسه في حاجه
البنت: هو فين اسمه ايه بتاعكم دة اللي بيقعد معاكم
معاذ: اولآ اسمه مالك مش اسمه ايه ثانيآ خير ف حاجه
البنت : عاوزاه ف.........
وبكدة نكون خلصنا البارت بس ياتري مين دة اللي فاطمه وهدي بيتكلموا عنه؟
وياتري البنت دي عاوزة ايه من مالك؟ وياتري القدر رائيه ايه ؟ كُل دة هنعرفه ف اللي جاااي اتمني يعجبكم.
