البارت الـتاسع عشر من روايه " قدرنا"❤️
النهاردة خطوبه وعقد قرآن محمد وهدي وكانت خديجه مشرفه علي الحفله كما وعدت هدي وجه وقت المغرب طلعت لبست فستان رقيق من اللون الموڤ وعليه خمار افتح درجه من نفس لون الفستان وشوز رقيق وكانت جميله ورقيقه وخلصت وذهبت لأوضه اخوها استأذنت ودخلت اول ماشافته بالبدله دمعت : مُبارك ياغالي ربنا يتمملك علي خير ويجعله عقد تنعقد به سعادتك ويرزقكم سعادة الدارين ويجعل بينكم مودة ومحبه
محمد احتضنها: اللهّ يبارك فيكِ يَ اغلي ديچا آمين يارب واشوفك مع الأنسان اللي يستاهلك حبيبتي.
خديجه بمرح: آمين ياحبيبي اوعي ست هدي تأخدك مني اصل اقتلها
محمد بقهقها: لأ متخافيش ولا هدي ولا اي مخلوق يقدر ياخدني منك دة انتِ اختي وصاحبتي وبنتي
خديجه بحب: وانت سندي وسري وكل حاجه حلوة ياحبيبي ربنا يباركلي فيك
محمد: يارب ياحبيبتي
خديجه بمرح: يلا ياعريس ننزل لماما عشان تشوفك ونروح للعروسه
محمد : يلا بينا وبالفعل نزلوا تحت
الأم بدموع الفرحه: عارف يانور عيني شريط طفولتك من يوم جيت علي الدنيا بيتكرر قدام عيني كنت وانت صغير اقعد اقول ياتري هييجي عليا اليوم اللي اشوفه عريس واشوف ولاده واهو جه اليوم وربنا استجاب لدعوتي مُبارك ياقلب ماما ربنا يتمملك علي خير ويكتبلك السعادة
محمد محتضنها: الله يبارك فيكي ياست الكُل ويعطيكي الصحه والعافيه وطوله العُمر وتشيلي احفادك وتفرحي بيهم
فيروز بدموع : لأ الحمدللهّ امنيتي اني اشوفك انتَ واخواتك مش عاوزة حاجه من الدنيا اكتر من كدة
خديجه بمرح: ايه ياجماعه قلبتوها نكد ليه انتوت تزعلوا تعيطوا تفرحوا تعيطوا مفيش عندكم وسط شويه
محمود: قوليلها يابنتي امك كدة علطول واتجه لأبنه: مُبارك ياحبيبي ربنا يتمملك علي خير
محمد احتضن اباه: اللهّ يبارك فيك يابابا ويعطيك العُمر وتفضل معانا دايماً
محمود: يارب ياحبيبي ويباركلي فيك
خديجه: يلا يامحمد اتأخرنا عليهم فاطمه وعائشه بيرنوا
فيروز: مروحتيش معاهم ليه
محمود: خديجه عمرها ماتسيب محمد
خديجه: شوفتي الحاج فاهمني اهوو
محمد: يلا يااختي
وبالفعل انطلقوا للبيوتي لقي واحدة واقفه وعطياله ضهرها حاول معاه كتير وبعدين بصتله
محمد: هو انتِ وتعملي فيا كدة
فاطمه: كدة ف اول اختبار معرفتش اللي هتبقي مراتك
محمد بغيظ : اجري يابتت من قدامي
فاطمه: طيب متزوقش يااخويا
جيت عائشه: مُبارك يامحمد
محمد: اللهّ يبارك فيكي ياعائش هاا هدي خلصت
عائشه : ايوة ادخلها
دخلها وبالفعل لقي حوريه ميكب هادئ وخفيف خالص وجميله بفستانها
محمد: مُبارك ياهدي
هدي بخجل : اللهّ يبارك فيك
احمد محتضن اخته : مُبارك ياقلب اخوكي
هدي : الله يبارك فيك ياحبيبي
واحمد اخذ هدي للعربيه ومحمد وراهم (هتستغربوا وهتقولوا ليه محمد مأاخدهاش هو ليه لإن العلاقه اللي بينه وبينها خطيب وخطيبته يعني اجنبي عنها ميحللوش ان هو يمسكها حتي لو هيكتبوا العقد بعد ساعه هو صابر اما تكون حلاله الحلال معني اخر جمال أخر) وصلوا البيت حيث الجنينه ووالدها استلمها من احمد ودخل بيها الجنينه مكان النساء وذهب عند الرجال فـ كانت الجنينه منقسم لنصفين جهه رجال وجهه للنساء وجه موعد العقد فـ شالوا الستار اللي بين الرجال والنساء لكي يشاهدوا العقد وتم عقد القرآن علي الجمله المشهورة"بارك اللهّ لكما وبارك عليكما وجمع بينكما فـ خير" وهنا انطلق محمد لهدي واخذ يلف بيها واخذ الميكرفون وقال: بحبككك يااغلي واجمل وارق زوجه فـ الكون "
هدي خجلت جدآ وبدأ رقصه السلو علي اغنيه وطبعآ بدون موسيقي
