اولآ اسفه علي تأخيري 😘
البارت السادس من روايه "قدرنا"
"بسم اللهّ الرحمن الرحيم"
مالك بعد مامشي قابل معاذ
معاذ: مش خير البت دي عاوزاك ليه
مالك: والله يابني انا ذات نفسي معرفش قعدت تتمايص وف الأخر سيبتها ومشيت ربنا يهديها
معاذ: البت دي مش مظبوطه البت دي شمال اصلآ
مالك: مينفعش يامعاذ تقول علي بنت شمال لأن زي ماهي بتغلط الشاب اللي معاها بيغلط اكتر منها الكلمه دي بتتقال علي البنت اللي ممكن تكون واقفه مع شاب بأحترامها مثلآ وراهم شغل وفي ورق مع الشاب وجيت وقفت تطلبه واي حد شافهم هتتطلق عليها كلمه"شمال"الغريب ان الشاب من دول معتبر ان البنت شمال وهو لأ بس للأسف هو مش قديس ونايم قاعد بيصلي بيها وممكن تكون البنت دي ف يوم ما كانت محترمه بس هو اللي لعب بعقلها لان شيطانها بقي اقوي منها وبقت زي ماانت شايف بالعكس الشاب او اي راجل عاوز لما يتجوز يتجوز واحدة محترمه طيب ياابن الحلال البنت الغلبانه اللي انت ضيعتها بأيدك لأ معلش اصل طلعت شمال عارف يامعاذ أحنا فى مجتمع بيسمح للراجل بكل حاجة وبيحرم على الواحدة كل حاجة ونسي أن الدين بيعاقب الراجل والست بنفس المكيال ومش بيكيل بمكيالين عند ربنا أنت شمال زي ماهي شمال وأنت هتاخد نفس العقاب إللى هي هتأخده بس أحنا مجتمع بيقدس تقاليده وأعرافه أكتر ما بيقدس الدين وبيهمه المجتمع هيقول إيه أو هيعمل إيه أكتر ما بيهمه ربنا هيحاسبه إزاى
معاذ: احنا ف مجتمع مش بيهمه غير الكلام الناس هيبقي ايه عارف لو خافوا من ربنا عُمرهم مايعملوا حاجه حرام
مالك: فعلآ اللي زي دول منقدرش نقول عليهم غير ربنا يهديهم ويصلح حالهم ويصحوا قبل فوات الآوان
معاذ: يارب يصاحبي ويرزقنا حسن الختام
مالك: يارب اللهم آمين
*************************************
ف بيت خديجه تخرج من اوضتها علي صوت عياط جاي من اوضه عائشه
خديجه : خير ياعائشه مالك ياحبيبتي بيكِ ايه
عائشه: اهئ اهئ م.... ش... ع... ا... رفه...
خديجه: اهدي يابنتي كدة وصلِ علي النبي واحكيلي ايه اللي حصل خودي اشربي مايه
عائشه: اصل انا حلمت اني معرفتش احل ف امتحان الفيزيا
خديجه: وامتحان الفيزيا امتي
عائشه: اخر مادة يعني اللي بعد الجايه
خديجه: وبتعيطي ياهبله اولآ ياعائشه حطي ف دماغك الآيه دي"قُلْ لَنْ يُصِيبَنَا إِلا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ" يعني مفيش حاجه هتحصلك غير اللي ربنا كاتبهولك وبالنسبه للحلم دة عقلك الباطن اللي تخيلك كدة عشان ممكن تكوني خايفه من المادة ف احنا علينا ان احنا نذاكر ونعمل اللي علينا والباقي علي ربنا وان شاءالله ربنا هيكرمك والله وهيبقي احسن امتحان وبعدين انتِ ناسيه ان عسي ان تكرهوا شيئا وهو خير لكم "
عائشه: انا فعلآ خايفه منه جدآ بس الحلم دة قلقني جدآ
خديجه: متقلقيش قومي يلا اتوضي وصلي ركعتين عما احضرلك الفطار نفطر وهنزل اجيب حاجات محتجاها وهاجي علطول
عائشه: انا ورايا درس ف السنتر
خديجه: طيب يلا كويس هاخدك ف طريقي
عائشه: ماشي ياديچا
خديجه: ماشي وهمت ان تخرج ولكن
عائشه : خديجه
خديجه: ايوة ياحبيبتي
عائشه: انا بحبك جدآ وبتطمن لما بتكلم معاكي وكل يوم بتعلم منك
خديجه: ياروحي أحَبَّك الذي أحبَبْتَني له متحرمش منك دومتي معي حتي الجنان ❤️
نسيبهم ونرجعلهم تاني
**************************************
فاطمه وهدي ذاهبين للمستشفي قابلهم محمود وابو احمد
فاطمه: ازيك ياعمو اخبار صحتك
ابو احمد: الحمدللهّ ياحبيبه عمو كبرتي يابطوط وبقيتي عروسه العيال كبرتنا يامحمود
محمود: هههههه لأ انت اللي كبرت انا لسه شباب ياعم ولا ايه ياهدي
هدي: شباب ياعمو وحد يقدر يقول غير كدة
محمود: حبيبه عمك والله تعالي ف حضني
ابو احمد: ايه رائيك يابطه
فاطمه: ايه ياعمو عاوز الحكومه تغضب علينا
ابو احمد: ههههه اللهّ يعزك يابنتي طلاما الحكومه منقدرش نتكلم
فاطمه: بابا جدو نقدر ندخله
محمود: ايوة ادخلي محمد واحمد جوة
هدي لاحظت التوتر علي فاطمه فردت : ماشي ياعمو هندخل احنا
محمود: ماشي واحنا نازلين لمامتك ولطنط فيروز عشان نوصلهم ونغير وهنيجي
هدي : ماشي
وبالفعل دخلوا واستأذنوا وفتح ليهم احمد
احمد : صباح الخير يابنات
محمد: عاملين
هدي وفاطمه : صباح النور الحمدللهّ بخير
فاطمه: جدو نايم ولا ايه
محمد: ادخليله يافاطمه انتِ وهدي وانت يامحمد تعالي عاوزك برا
احمد : هجيب تليفوني وجااي وراك
محمد: ماشي انا ف الكافتريا اللي تحت
احمد: ماشي
تدخل فاطمه جري علي جدها
فاطمه: قوم ياجدو اصحي انت اكيد عاوز تعرف غلاوتك عندنا
الجد: مين بطه حبيبه جدك من ريحه الغاليه
فاطمه: طب قوم كدة عشان الغاليه متزعلش منك ولا انا ازعل
الجد: لسه زي. ماانتي شقيه
فاطمه: قوم بس كدة واحنا هنتشاقي
الجد: شكلها كدة يابنتي معتش فيه قومان ورايح للغاليه
هدي: ليه بتقول كدة ياجدو دة انت بركتنا
فاطمه: كدة ياعُبد اخص عليك عاوز تسبني لوحدي ف الدُنيا اومال مين هيدعيلي ومين هيكلمني كل يوم ومين اللي هيسلمني لعريسي
الجد: مش هموت قبل مااسلمك يابطه لعريسك بس يابنتي الموت دة سنه الحياه وكُلنا للهّ راجعون
فاطمه بدموع : عشان خاطري متقولش كدة مش هقدر اعيش فيها لوحدي من غيرك انتَ
الجد: متعيطيش يابنتي هزعل منك وبعدين ربنا يباركلك ف والدك ووالدتك واخواتك وعمك واولاده كل دة هتبقي لوحدك
فاطمه: ايوة هكون لوحدي ياجدو محدش بيسمعني غيرك محدش بيطمن عليا غيرك محدش حاسس بيا ولا اللي ف قلبي غيرك دة انت سندنا كلنا وانت اللي بتلمنا واحنا من غيرك مانسواش
الجد : ادعيلي يابنتي ومتقطعيش قلبي قوليلها حاجه ياهدي
هدي بدموع : اقول ايه ياجدو بعد كلامك دة انت مش عارف انت ايه بالنسبالنا انت الوحيد اللي عارفنا كلنا وحاسس بينا ومهتم بسعادتنا وبلمتنا مش كفايه جدتي سبتنا ومشيت هتبقي انت كمان الدنيا هتبقي فاضيه علينا اوووي
الجد: كح كح كح
فاطمه بتجري الحقي ياهدي
هدي راحت تندة للدكتور قابلها احمد ومحمد
احمد: خير ياهدي ف ايه
هدي : جدو تعبان يااحمد الحقه
محمد: هجيب الدكتور وهاجي روح يااحمد مع البنات عما اجي وبالفعل جاب الدكتور
الدكتور : ممكن برا ياحضرات
خرجوا وسابوا الدكتور يكشف
احمد: مش هو كان كويس ياهدي ايه اللي حصل
هدي سردت عليهم ماحصل وهي بتسرد سمع دب علي الأرض التفتوا لقوا.............
************************-**-**********
اسلام وهو كان بيكلم محمد وخلص بيلتفت لقي مي واقفه ومعالم الصدمه علي وشها
اسلام: آنسه مي من فضلك متفهميش غلط
مي: لو سمحت يااستاذ اسلام سيبني لوحدي
اسلام : طيب ممكن نتكلم
مي: قولت لو سمحت سيبني لوحدي
اسلام. : طيب اوعديني ان احنا هنتكلم
مي: اوعدك
سابها اسلام وخرج
************************-************
خديجه رنت علي منه عشان يجيبوا مذكرات نقصاهم واتفقوا يتقابلو
منه: تصدقي انك وحشه كل دة ومسألتيش
خديجه: عارفه اني مقصرة بس واللهّ غصب عني وسردت عليها ماحصل
منه: ياربي شفاه اللهّ وعفاه اسفه مكنتش عارفه
خديجه: انتِ هبله ماانا عارفه انك مكنتيش تعرفي
راحوا يجيبوا المذكرات وهما ماشيين جه لخديجه دوران واغمي عليها شافها شابين ماشيين منه ساندتها لغايه ماتوصل لأقرب رصيف هي والبنات جه الشاب خير يابنات ف حاجه
البنت: ممكن بعد اذنك تشوفلنا عربيه ف زميله تعبت
الشاب: حاضر وبالفعل راح جاب عربيه وجه الشاب يشتال خديجه لقي ايد بتشيله......................
وبكدة نكون خلصنا البارت بس ياتري الجد قصدة ايه ان هيسلم فاطمه للعريس؟ وياتري مين العريس دة؟ وياتري ايه اللي اتصدموا بيه ف المستشفي؟ وياتري مين الأيد اللي شالت ايد الشاب ومين الشاب دة ؟ كل دة هنعرفه ف اللي جاااي استنوني واتمني يكون عجبكم❤️
