البارت الثالث عشر من روايه"قدرنا"
عند مالك والمقدم زياد
المقدم زياد وهو بيكلم مالك شاف حد بيصوب سلاح علي مالك ف لمح البصر كان المقدم زياد فادي مالك وطلع سلاحه وقعد يضرب رصاص ولكن المجرم هرب
مالك وهو بيحاول يستوعب اللي بيحصل: هو ايه اللي بيحصل
زياد: ف حد مراقبك وعاوز يخلص منك ويدمرك بأي طريقه للأسف دي مش قضيه اغتصاب بس دي محاوله قتل انت لازم تيجي معايا القسم عشان تقدم بلاغ بمحاوله قتل وهنجيب شهود علي كدة ودة هيساعد ف قضيه اختك
مالك: طيب انا عاوز افهم هيستفيد ايه من تدميري
زياد: هيستفيد ايه دة واجبنا احنا اللي نعرفه يلا
مالك : بس اكيد عاوز يدمرني ممكن يوصل لأهل بيتي زي ماوصل قبل كدة وهنا جاءت ماسدچ علي فون مالك" ولسه يامالك مشوفتش حاجه اينعم مكنتش عاوزة يبقي فيه دم بس ميضرش ومتحاولش تعرف انا مين انت والمقدم بتاعك"
مالك وراها لزياد
زياد : انا هعين مراقبه ليك ولأهل بيتك
وبالفعل مالك راح هو وزياد قدم بلاغ وهو وعدة ان هو هيوصل للمجرم وعاد مالك المستشفي
نسيبه ونرجعلهم تاني
**************************************
عند مي اتصلت بالشركه بس السكرتيرة قالتلها ان اسلام قدم طلب بنقله للفرع اللي ف دبي وهو بيلم حاجته مي قعدت انهارت
مي : مش هسيبك يااسلام انا مصدقت لقيتك وقامت وتوجهت للشركه خبطت علي الباب
اسلام: ادخل
مي دخلت واقفه مش بتتكلم
اسلام وهو بينظرلها: خير ياانسه مي ف حاجه
مي بدموع: اسلام انا محتجالك اووي متسبنيش
اسلام بصوت عالِ : مااسيبكيش انا متمسك بيكِ لأخر لحظه بس انتِ ايه مش بتحسي بحد ماسكه الماضي ف ايدك
مي بدموع : اسلام انت مش حاسس بيا انا مريت بظروف الصخرة متستحملهاش
اسلام: نتكلم نصارح بعض
مي : وانا موافقه نتكلم بس متسبنيش
اسلام: لأ واللهّ ودة من امتي
مي : ماتبقاش رخم واسمعني
اسلام :.تحبي نتكلم هنا ولا ف الكافتريا
مي: لأ ف الكافتريا اللي علي البحر عشان البحر يكون شاهد علي كلامنا
اسلام: اتفضلي
وبالفعل توجهوا لمطعم علي البحر
اسلام : ها ياستي سامعك
مي: قبل مااتكلم تسمعني للأخر ومتقاطعنيش ف حاجه
اسلام : موافق انا سامعك
مي :انا اسمي مي عبد الرحمن بنت زي اي بنت عاديه عندها اب وام واخوات وكنا عايشين مبسوطين جدآ بابا كان متجوز قبل ماما بس اتفصلو ومخلف منها بنت وولد البنت اتجوزت ومفيش تواصل بيني وبينها غير ف المناسبات اما الولد ودة يعتبر اللي فاضلي ودايمآ بقول عليه ربنا بيعوضني بيه كبرت ودخلت الجامعه كنت ف اولي قابلت واحد كان اكبر مني بـ5سنين حبيته او زي ماكنت متخيله كنت بحبه قضينا اجمل سنتين ف حياتي جه خطبني من بابا بابا قاله لازم اهلك يكونو معاك اول ماقال لمامته مامته موافقتش لان كانت عاوزة تخطبه لبنت عمه عشان الورثه بعدها جيت اكلمه مكنش بيرد بيتهرب مني وبعدها انا قابلته هو واحدة مي بدموع وهي بتبص لأسلام عارف طلعت مين طلعت خطيبته يومها قال لخطيبته تسبقه علي العربيه
فلاش
:بصي يامي انا وانتِ مينفعش نكون لبعض ايوة بلاقي راحتي معاكي فـ كُل حاجه بس الأيام دي الزمن كُله ماشي بالفلوس وانا كان لازم اخطبها عشان عمي ملهوش ولاد وكل الفلوس تبقي ليا
مي: انت احقر انسان شوفته ف حياتي وندمانه اني اتعرفت عليك ف يوم من الأيام اتفوو عليك وعلي الرجاله اللي زييك وصنفك
: احترمي نفسك بدل ماوريكي الرجال اللي زيي
مي: سيبي ايدي ياحيوان اوعي متلمسنيش انا قرفانه من نفسي عشان عرفتك وضربته بالقلم
: والله لأدفعك القلم دة غالي ف اعز ماليكي
باك
بعدها حبست نفسي ف الأوضه كنت مجروحه اووي بابا سألني عليه انا حكيتله اللي حصل بابا قالي ان هو كان عارف ان هو مش كويس بس سابني اكتشف انا عشان اتعلم واعرف اختار فيما بعد بعدها كنت انا وفادي اخويا كنا خارجين طلع علينا عصابه ضربوا فادي كتير لحد مااغمي عليه حاولت ادافع عنه اصرخ انقذة معرفتش ومرة واحدة هو ظهرلي قدام وكل عيونه نظرة شماته وقالي دي حاجه صغيرة ممكن اقدمهالك عشان تبقي تمدي ايدك عليا ياحلوة وقعد يضحك وانا قعدت احتايل عليه ينقذ اخويا سابني ومشي فجاءه واحد ابن حلال كان معدي اخدنا علي اقرب مستشفي بس كان فادي ماات ايوة مات قدام عيني مات وانا مقدرتش انقذة مات وانا مقدرتش اعمله حاجه مات وانا كنت السبب ف موته جم بابا وماما والعيله علي المستشفي ماما تعبت جامد وانا تعبت ودخلت ف غيبوبه وف يوم وانا ف الغيبوبه حسيت حد جمبي بيقولي متسبنيش فوقت لقيت بابا وهو بيبكي بيقولي متسبنيش فوقت سألت علي ماما محدش رد عليا صرخت وقولتلهم ردوا عليا فين ماما هاتوهالي رد عليا معاذ اخويا وهو بيأخدني ف حضنه وقالي انتِ مؤمنه باللهّ وقالي بدموع ان ماما ماتت لما فادي مات مقدرتش تستحمل راحت معاه دخلت ف حاله اكتئاب ايامها فقدت النطق خالص قعدت سنه فقدة النطق وبعد جلسات ووقت طويل الحمدللهّ رجعلي صوتي تاني وكان اكتر واحد واقف جمبي معاذ مع ان اخويا من بابا بس هو واقف معايا اكتر من اخويا اللي فاضلي من مامتي وبابايا احمد اخويا فجاءه تعب من بعد موت ماما وفادي وهو اتبدل خالص اتصاحب علي شله وحشه حاولنا معاه كتير كنت انا ومعاذ بنحبسه فجاءه جالنا خبر حسيت ان خلاص الدنيا. فضت من عليا احمد مات كان اخد جرعه هروين وسايق دخل ف عربيه فـ اتوفي اصبح بيتنا كئيب ملهوش لازمه وعدت سنه علي موت احمد وسنتين علي موت ماما وفادي لقينا بابا داخل عليا انا ومعاذ وبيعرفنا علي واحدة بيقول مراتي احنا رفضنا واعترضنا وفضلت معايا ف البيت معاذ من يومها معدش بيجيلنا البيت جيت اختي اللي هي اخت معاذ تتجوز معاذ مرضاش يطلب فلوس من بابا مهما حصل بس انا قولت لبابا لان شايفه معاذ متدين وعليه فلوس واختي كانت محتاجه فلوس جيت طلبت فلوس من بابا مع انها عمرها ماطلبت من بابا حاجه بابا قالها " انا مش معايا فلوس كل اللي معايا هسافرله برا انا ومراتي " يومها هي قالتله انا عُمري مااعتبرتك اب ليا معاذ هو ابويا واخويا ومعوضني طول عُمرك بتفضلهم علينا وهي بتشاور عليا عُمرك سألت نفسك ياتري هما عاملين محتاجين ايه لا بالعكس انت رميت ماما ورمتنا وزي ماانت رمتنا احنا كمان مش هنعتبرك اب وسابته ومشيت يومها انا قولتيله ليه بتعمل كدة مش دي بنتك حرام عليك " قالي اعملي حسابك انا مسافر وهبقي ابعتلك فلوس وفعلآ سافر بقاله 4سنين كل سنه كدة ممكن يفتكرني ويكلمني وانا عايشه زي ماانت شايف ومن يومها وانا حلفت ماافتح قلبي لحد لأن اتخذلت من اقرب الناس ليا ومن يومها واختي مش بتكلمني ولو كلمتني بيبقي تحت ضغط معاذ ومعاذ الوحيد اللي بيسأل عليا ودة كل الماضي بتاعي وقعدت تعيط
اسلام: اوعدك اكون ليكي الأب والأخ والصديق والحبيب وعمري ماازعلك
مي: ارجوك. اوعي تخذلني قلبي معتش قادر من كميه الصدمات
اسلام : اوعدك هاا بقي ياستي اظن انتي اتعرفتي عليا بما فيه الكفايه وهو بيقلد صوتها" اسلام احنا اخوات واصحاب " آل اخوات آل هاتي رقم اخوكي عشان احنا هنتجوز علطول
مي: لأ جواز ايه انا عاوزة اعيش فترة خطوبه
اسلام: فترة الخطوبه للتعرف علي بعض واحنا حفظنا بعض مش اتعرفنا
مي: بليز يااسلام
اسلام: شهرين خطوبه بس اكتر من كدة لأ
مي بمرح: شهرين شهرين احسن من مفيش وظلوا يضحكوا ويتكلموا ونسيبهم بقي
**************************************
سارة ف المستشفي فاقت
سارة: آه آه انا فين
هويدا بفرحه: سارة حمدللهّ بالسلامه ياقلبي
سارة بتبص للأوضه بأستغراب: انا فين يماما
الدكتور دخل : وهنا سارة افتكرت كُل حاجه وقعدت تعيط وتصرخ
هويدا وهي بتحضنها: اهدي يابنتي اهدي
سارة بدموع : ماما.... ط.. ل... ع...
الدكتور: اهدي يابنتي مش عاوزين تتكلمي الوقتي لما تهدي
سارة بتعيط وتصرخ لغايه مانامت
هويدا بحزن: هتفضل ف الحال دة كتير
الدكتور: دة شئ متوقع يامدام وانا معرفكم كدة هي محتاجه تشعر بالأمان بس
هويدا: دي حالتها صعبه اووي
الدكتور: ان شاءالله هتبقي كويسه وهنا دخل......
**************************************
ف البلد
كانوا قاعدين مع بعض وفجاءه
العم : انا عارف ان الظروف ولا المكان تسمح يامحمود بس الحاج كان ليه غرض بحاجه ومعرفش انت هتوافق ولا لأ
محمود: اتفضل ياابو احمد
العم: اطلع يااحمد اندة للجماعه فوق ينزلوا
وبالفعل ندهلهم
العم: بص يامحمود من غير مقدمات انا طالب ايد بنتك لأحمد ابني
محمود: بناتي ميغلوش علي ولادك ويوم المني بس بنتي مين
العم: بنتك.............
*************************************
عند معاذ كان واقف بيرجع الماضي بس جه مالك حط ايدة عليه
معاذ : انت ايه اللي جابك هنا
مالك: جيت اشكي للبحر همومي لقيتك يصاحبي مالك
معاذ: انا بخير المهم انت عملت ايه
مالك حكي له ماحدث
معاذ: خد بالك من نفسك يامالك وخد بالك من اي خطوة بتعملها عارف ان الخطوة الجايه صعبه عليك بس انت قدها
مالك: خايف يامعاذ علي سارة وامي
معاذ: هيبقوا بخير صدقني فترة وهتعدي
وحضن مالك حضن اخوي كل واحد كان محتاج الحضن دة وهنا جاء اتصال لمعاذ
.:الوو السلام عليكم فينكم
معاذ بهمس دة مازن
مالك: افتح الأسبيكر
مازن: سامع صوت مالك هو جمبك
مالك: خير ياض
مازن : اي دا متجمعين من غيري اخص عليكم
مالك: متجمعين ف المستشفيات يااخويا
مازن بخضه: ليه خير واد يامعاذ انت كويس
معاذ: متقلقش احنا كويسين سارة اللي تعبت شويه
مازن: حصلها ايه خير
مالك هحكيلك لما اشوفك مينفعش ف التليفون المهم عملت ايه ف النتيجه بتاعت آنسه خديجه
مازن: انا متصل عشان كدة النتيجه طلعت............
ياتري مين اللي ورا الماسدچ دي؟ وياتري معاذ هو معاذ بتاعنا ولا واحد تاني؟ وياتري سعادة مي واسلام هتدوم ولا؟ وياتري حياه سارة الجايه هتكون ازاي؟ وياتري حقها جاي ولا؟ وياتري مين اللي هتكون من نصيب احمد؟ وياتري النتيجه هتطلع ايه؟ كل دة هنعرفه ف اللي جاااي اتمني يكون عجبكم وآسفه علي التأخير 💜❤️😘
