البارت الثالث من روايه "قدرنا"
مازن بعد عدة اتصالات علي مالك يأتي صوت انثوي : ايوة السلام عليكم
مازن: وعليكم السلام حضرتك مين
الصوت: حضرتك التليفون دة انا لقيته حضرتك صاحب الفون ؟
مازن : ايه!! طيب حضرتك مين واقدر اخد الفون منك امتي
انثوي: ممكن الساعه 4 عند كافتريا*** حضرتك عارفها
مازن: ايوة طبعآ عارفها خلاص ماشي هقابلك هناك
الأنثوي : بإذن اللهّ
يخلص مازن المكالمه ويذهب الي مكان تاني ويرن الجرس
الأم : ايوة مين ياسارة ياسارة شوفي مين
سارة: حاضر جايه اهووو
سارة تلبس الاسدال وتفتح
مازن: ازيك يا أوزعه عامله ايه
سارة : بقي كدة يامازن عشان انت اللي طويل وبزيادة
مازن: بس يابتت اخوكي فين
الأم: مين ياسارة اللي علي الباب
مازن : دة انا ياهُدهُد عامله ايه ياعسل
الأم : بس يالا ياللي مبتسألش اخص عليك
مازن باس جبينها: حقك عليا ياحبيبتي مشاغل وانتِ عارفه ان اخر ترم لينا
الأم : هسامحك عشان اخر ترم بس بعد كدة مش هسامحك
مازن: حاضر ياماما هُدهُد اومال ابنك فين
الأم: جوة ياحبيبي ادخله عما احضر الغدا انا خلصت اهوو
مازن: ماشي ياحبيبتي بس بسرعه هااا جعان
سارة : وانت من امتي مش جعان حضرتك
مازن : شوفي ياهُدهُد بتعد عليا
الأم: بتهزر معاك يابني عيب ياسارة
مازن: اسيبكم انا وادخله وبالفعل استأذن ودخل
مازن: انت فين ياعم
مالك: اسكت عشان مش رايق
مازن : ليه كدة بس مالك
مالك: الفون بتاعي معرفش وقع فين وبكدة لازم اشتغل بزيادة واستحمل لأخر الشهر عما اجيب واحد
مازن: واللي يقولك طريقه تدفعله كاام
مالك: احلف اوعي تكون عامل مقلب فيا
مازن: مش هرد عليك والله انا جااي اعمل فيك معروف تتهمني اخص مكنش العشم يادلعدي
مالك: اخلص يالا واقول
مازن : طب سيبني اكمل الدور طيب
مالك: اخلص يالا انت عارفني
سرد عليه مازن ماحدث وبس ياعم وهتقابلنا الساعه 4
مالك: الساعه كام الوقتي
مازن: 2 ونص ياباشا البس يلا وانا هستناك برا مع هُدهُد حبيبه قلبي حلفت عليا لازم اتغدي
مالك: حلفت عليك بردوا انت والله من غير ماتحلف لازق اصلآ
مازن: يعني اللاقيها منك ولا من البت اختك اللي برا دي
مالك: طيب يلا برا
مازن : انت بتطرديني ياسعديه مكنش العشم ياختي
مالك: يلااا ياض علي ابو شكلك
نسيبهم بقي عما يأكلوا براحتهم ويخلصوا ونرجعلهم تاني
نيجي ف مكان تاني
منه : الدكتور دة انا خايفه منه وحاسه ان احنا مش هنعدي
خديجه: ياشيخه اتقي الله وخلي عندك تفاؤل شويه عارفه يامنه بركعه واحدة من قيام الليل وانك تفرشي سجادتك وتقيمي ليلك والناس نايمه حواليكي وتلحي بدعائك وانتِ عندك يقين تام ان ربنا سامعك هتحلي كويس وبعدين لسه قدامنا شهرين يعني نقدر نلم المنهج كُله اتفائلي ياحبيبتي دة رسولنا الحبيب قال ف حديث نبوي "تفاءلوا خيراً تجدوة" متخافيش ارمي حمولك عليه مهما كان صعوبه الدكتور قدامنا ففي ربنا اقوي منه
منه: عارفه ياخديجه بحمد ربنا علي صحوبتي ليكي وانك بتقويني ف عز ضعفي ودايمآ انتِ الركن الهادي بتاعي اللي دايماً بيذكرني بطاعه الله وكل يوم بعرف منك حاجه ربنا مايحرمني منك وتفضلي معايا العُمر كُله
خديجه: اولآ انا مبعملش حاجه ياست منه انا اختك ودة واجبي نحيتك وذي ماكنا مع بعض ف الدُنيا ف ان شاءالله هنكون مع بعض ف الآخرة ونفضل صُحبه صالحه ومتنسيش ان احنا احفاد عائشه رضي اللَّه عنها
منه: حبيبتي ومش عهدنا ياخديجه
خديجه: طيب قومي بقي عشان نشوف ورانا ايه عشان نخلص
منه: حاضر يلا
نيجي لمكان اول مرة نروحه
فاطمه: الوو السلام عليكم
المتصل: وعليكم السلام فاطمه انتِ فاضيه
فاطمه: ايوة لسه قدامي محاضرات
المتصل: هتخلصي علي امتي
فاطمه: ساعه بالكتير
المتصل: هفوت عليكي اخدك
فاطمه : خلاص ماشي اول ماهخلص هرن عليك
المتصل: حاضر ياحبيبتي ف رعايه الله
فاطمه : «أَسْتَوْدِعُ اللَّهَ دِينَكَ وَأَمَانَتَكَ وَخَوَاتِيمَ عَمَلِكَ لحين اراك.
