البارت العاشر من روايه "قدرنا "💙
اسلام كُل مدي بيزيد اعجابه بـ مي ونفسه تكون من نصيبه ولكن قرر يتعرفوا علي بعض اكتر ف فترة الصداقه ومنتظر فرج ربنا عليه وف يوم داخل الشغل لقاها ف وشه
اسلام بمرح: وانا بقول النهاردة حلو ليه عشان شوفتك
مي بضحك: بقيت بكاش اووي علفكرة
اسلام: ياستي ولا بكاش ولا حاجه انا بقول الحقيقه بس شكلك راحه حته
مي: امممم بصراحه مصدقت فترة البريك خلصت عشان خارجه
اسلام: علي فين كدة
مي: بما انك صديقي راحه اعمل شوبنج انا وشروق صاحبتي وبالمرة نغير جو
اسلام : اشطا وانا احتمال اخرج
مي: ماشي سلام
اسلام: سلاموز
وبالفعل نزلت قابلت صاحبتها وخلصوا الشوبنج وراحو النادي
شروق: ها ياستي بقي احكيلي
مي: مفيش حاجه اصلآ عشان احكيها احنا اتفاقنا ان احنا نكون اصدقاء
شروق: طيب ليه ماتدي لنفسك فرصه
مي: بصي ياشروق اللي مريت بيه صعب ومش اي حد يستحمله مش عاوزة قلبي يتوجع ولا اعيش اللي عيشته هتصدقيني لو قولتيلك اني لا كدة مرتاحه ولا كدة مرتاحه بس اعمل ايه قولت اكسبه صديق احسن مااخسرة
شروق: طيب اسألك سؤال انتِ مش معجبه بيه
مي: بصراحه معجبه بيه وبشخصيته ولما قربت
عرفت ان هو طيب جدآ وفيه الصفات اللي اي واحدة تتمناها وكفايه جدعنته مع اي حد
شروق: طيب مش بتحسي معاه بحاجه
مي بأرتباك : حاجه... لأ لأ لأ طبعآ انتِ بتقولي ايه
شروق: انتِ بتكابري وبتعاندي نفسك ادي لنفسك ولقلبك فرصه جايز دة عوض ربنا ليكِ
مي: اسكتي بقي
وهنا جاء شاب عليهم
الشاب: اخباركم يابنات
مي وشروق: بخير الحمدللهّ فرصه سعيدة ان احنا شوفناك يلا يامي
مي: حاضر
الشاب: هي مالها
مي: هي كويسه بس تعبانه شويه عن اذنك بس قبل ماتمشي اتلعبكت ووقعت بس فجاءه ف ايد لحقتها.......
*****************************-********
مامت مالك وقعت معاذ قعد يفوق فيها
معاذ: ياطنط اصحي فووقي ياطنط
هويدا : آآه ولادي... آآه بنتي
معاذ: فوقي ياطنط هما بخير
هويدا: وديني لبنتي يامعاذ وديني يابني برد قلبي
معاذ: حاضر ياطنط قوومي
وبالفعل قامت لبست وأخدها للمستشفي
معاذ: لو سمحتي ف حاله هنا جتلكو امبارح بأسم سارة......
الممرضه: ايوة غرفه 22 اخر غرفه علي الشمال
معاذ: شكرآ يلا ياطنط
الشاب: انتوا اهلها
معاذ: ايوة انا اخوها ودي والدتها
هويدا: بنتي حصلها ايه قولي يابني
الشاب : حضرتك انا كنت ماشي علي الطريق سمعت صوت بيصرخ بس بضعف نزلت لقيت هدومها يعتبر مفيش جبتها علي المستشفي الدكتور كشف عليها قال ان دي حاله اغتصاب وهي حاليآ عندها صدمه عصبيه حادة
هويدا: بنتي راحت مني بنتي فقدت اغلي شئ ف حياتها عُمرنا ماشيين جمب الحيط ولا اذينا حد وبنتقي اللهّ ف كُل حاجه اقول لأبوها ايه لما اقابله ف الجنه اقوله ايه علي وصيته ليا اقوله ايه علي امانته اللي سبهالي اقابله بأي وش ليه يارب اللهم لا اسألك رب القضاء ولكن اسألك اللطف فيه الطف بينا وببنتي يارب عدي المحنه دي علي خير راضيين بقضائك يارب
معاذ بدموع علي حالها: اهدي ياأمي لازم تكوني قويه عشانها
هويدا: اجيب القوة منين ياابني عُمري مااتوقع اني اتحط ف موقف زي دة دي بنتي ولسه صغيرة علي الكلام دة بنتي مشافتش ابوها كانت بتذاكر وتسعي عشان ابوها يكون فخور بيها الوقتي حياتها اتبدلت وامتحاناتها اللي بعد كام شهر مستقبل بنتي ضاع بنتي ضاعت واحنا ضعنا معاها
هويدا للشاب: كتر خيرك ياابني تشكر ربنا يوقفلك ولاد الحلال زي ماوقفت مع بنتي
الشاب: انا معملتش حاجه اي حد مكاني هيعمل كدة واكتر واهم حاجه ياطنط انها تقوم بالسلامه ربنا معاكم ويصبركم ودة رقمي اهوو لو احتاجتو اي حاجه عن اذنكم
معاذ: اتفضل ومتشكرين مرة تانيه
الشاب: العفو
هويدا دخلت لسارة
هويدا بدمووع: قومي يانور عيني قوليلي مين اللي عمل فيكي كدة قوليلي مين اللي أذي حته من قلبي قومي متوجعيش قلبي اكتر من كدة عارفه يَ سارة كنت بتمني اليوم اللي اشوفك فيه عروسه بس الحمدللهّ راضيه يارب واللهّ
وهنا الباب خبط
معاذ: طنط الشرطه برا عاوزة اقوال سارة وتسئل بعض الأسئله
هويدا: انا جايه وبالفعل طلعت
الشرطه: انا المقدم ذياد الحسيني كنت جاي اسئل لو ف عداء بينكم وبين حد وكنت حابب اخد اقوال الآنسه بس الدكتور قال ان هي لسه مفاقتش
هويدا: اهلآ يابني احنا ملناش اعداء مع حد وسيبين حقنا لربنا هو الجبار المنتقم العدل وهيجبلنا حقنا ومش عاوزين فضايح مش هيبقي مووت وخراب ديار
الشرطه: بس مينفعش كدة ياامي انتو ليكو حق ولازم ييجي كدة بتضيعوا حقكم وانا واجبي اني اجبلكم حقكم
هويدا بدموع غزيرة: عشان خاطري ياابني احنا طول عمرنا جمب الحيط ومش عاوزة حد يكلم بنتي كلمه عاوزة الناس تبصلنا بنفس نظرة الأحترام ايوة بنتي اللي حصلها هي مش ذنبها حاجه بس محدش هيفهم كدة وكلام الناس هيكتر فـ ارجوك اعتبرني والدتك واسمع كلامي
الشرطه بقله حيله : خلاص ياامي دة رقمي لو حبيتوا تغيرو رائيكم بس عاوزك تعرفي حاجه ان لو غيرتي رائيكم هجبلها حقها وهيكون المجرم دة عبرة لإمثاله عن اذنكم
هويدا بدموع : اتفضل
معاذ: عشان خاطري اهدي وبلاش دموع دموعك بتقطعني ياامي
هويدا: غصب عني يامعاذ غصب عني كلمت مالك
معاذ: نسيت اكلمه تاني هكلمه متقلقيش
هويدا : هدخل جوة لسارة
معاذ: ماشي
ونسيبهم وهنرجعلهم تاني
*************************************
عند مالك ومازن
مالك ومازن وهما ماشيين لقوا ممرضه داخله بس مش علي بعضها وزي ماتكون مستنيه حاجه المهم لقوا الممرضه بصت ف الأوضه ودخلت بصوا من بعيد لقوها بتحط لخديجه ف اخر محلول بتاخدة وهي نايمه حقنه ومش علي بعضها ومنه كانت ف الحمام ولكن خرجت لقتها بتشيل الحقنه
منه: انتِ بتعملي ايه
الممرضه : أأ.. أأ... أأ
هما سمعوا الصوت وخديجه صحت دخلوا
مالك: ف اي يَ انسه منه
منه: ف ان الأنسه خرجت من الحمام علي صوت حركه ف الاوضه فكرت خديجه محتاجه حاجه طلعت لقيت الأنسه بتحط حاجه ف الحقنه وبعدين حطيتها ف المحلول
مازن : انا رايح اجيب مدير المستشفي حالآ اشوف المهزله دي
مالك: انتي كنتي بتعملي ايه
الممرضه: انا... انا... كنت بشوفها محتاجه حاجه
منه: كدابه انا هشوف كنتي بتعملي ايه وراحت خلعت المحلول من ايد خديجه وهنا جاء المدير
المدير : ممكن افهم ايه اللي حصل
منه: انا هقولك ايه اللي حصل وسردت عليه ماحصل
الممرضه بأرتباك: محصلش دول كذابين يادكتور
مالك : احنا طالبين ان المحلول دة يتحلل ونشوف احنا كدابين ولا لأ
المدير : حضرتك عارفه معني كلامك احنا مستشفي محترمه ولينا اسمنا ومستحيل دة يحصل عندنا
مازن: مش انت بتكذبنا احنا هناخد المحلول وهنحلله ف مستشفي تانيه
مالك: بس لو فعلآ طلع ان فيه حاجه احنا مش هنسكت وهو بيوجه كلامه لمنه : آنسه منه اجهزوا عشان هنروحكوا واحنا ماشين
منه: ماشي 10 دقايق وهنكون جاهزين
واخدوا منه وخديجه ف سكتهم
مالك: آنسه خديجه ممكن بعد اذنك رقم تليفونك عشان اعرفك النتيجه وايه اللي حصل
خديجه بخجل : لأ مش هينفع رقم تليفوني دة رقم تليفون اخويا ممكن تبلغه باللي حصل وهو هيبلغني
مالك: ماشي تمام يلا يامازن
وبالفعل اخدوا المحلول للمعمل والنتيجه هتظهر تاني يوم
مازن روح بيتهم بينما مالك وهو متجهه بيته جاله مسدچ وكان محتواها " دي اقل حاجه ممكن اقدمهالك يامالك باشا ولسه الحساب مخلصش "
مالك شاف الرساله وقلق ومافهمش قصد الرساله
وهنا رن معاذ
معاذ: انت فين يابني قافل تليفونك ليه
مالك : اهدي ياابني ف ايه ماصدقت اتفتحت
معاذ بعصبيه: سيادتك نايم ف العسل
مالك: ف ايه ياعم بتكلمني كدة ليه
معاذ بنفس العصبيه: مالك مفيش وقت للكلام تعالالي علي المستشفي......
مالك بخضه: ف ايه ايه اللي حصل
معاذ: مالك انتَ مؤمن بقضاء اللهّ ومؤمن بأختباراته وانت لازم تكون قوي عشان والدتك واختك محتاجينك وسرد ماعليه لسارة
مالك بدموع: انا جاااي يامعاذ انا جاااي
وصل مالك المستشفي
معاذ قابله: لازم تبقي قوي ماتبقاش ضعيف
مالك بدموع: هما فين يامعاذ
معاذ: جوة ياصاحبي ادخلهم
وبالفعل دخل لقي والدته زي ماصدقت شافته اترمت ف حضنه وفضلوا الأتنين يعيطوا
هويدا: شوفت اللي حصل لأختك يامالك اختك ضاعت مننا يامالك اختك معدتش بنت يامالك اختك الصغيرة يامالك شافت كتير مالهاش حظ ف الدنيا... آآه.... الصبر يارب الصبر
مالك: مش هسيب حقها والله ماسايب حقها ياماما ورحمه بابا ماسايب حقها وسابها ومشي بسرعه
هويدا : الحقه يامعاذ وهديه وفهمه ميعملش حاجه ميضيعش نفسه مايبقوش هما الأتنين
معاذ: اهدي متقلقيش مالك عاقل مش هيعمل حاجه
هويدا : طيب الحقه
معاذ: حاضر ومشي معاذ بس لقي .........
**************************************
خديجه ومنه وصلوا البيت لقوا عائشه جريت عليهم
عائشه: خديجه انتي كويسه ايه حصلك بيكي ايه
خديجه بضحك: يابنتي انا كويسه وزي الحصان قدامك اهوو حابه دوخه والحمدللهّ بقيت احسن
عائشه: بجد احسن
منه: يابت بطلي هيل ماهي قدامك زي الفل اهوو
عائشه: انا كنت قلقانه اووي وكلمت محمد
خديجه بخضه: ليه ياعائشه كدة تقلقيهم هما اللي فيهم مكفيهم ياحبيبتي وهنا الباب اتفتح
محمد : السلام عليكم
هما: وعليكم السلام
خديجه: كدة يامحمد تسمع كلام الهبله دي وتيجي انا بخير اهوو
محمد: ايه اللي حصل ياخديجه ممكن افهم ومتقوليش محصلش حاجه
خديجه : اتطمن انا بخير حابه دوخه بس
محمد: وانتي يامنه هتقولي زي صاحبتك
منه: لأ وسردت عليه بعض الأحداث ومنهم المحلول
محمد محتضآ اياها: الف لا بأس عليكِ ياحبيبه قلبي
خديجه: حبيبي تسلملي
محمد: طيب وزميلكم دة معاكم رقمه
منه: لإ هو طلب رقم خديجه بس خديجه اعطيته رقمك عشان يبلغك
محمد: ماشي
منه: انا هنزل انا بقي اصل الحاج والحاجه هيولعوا فيا كل شويه كلموني
خديجه بضحك : طالما معايا مش هيقولو حاجه
منه: حصل ياباشا سلام انا بقي
عائشه: طيب انا هنزل انا عشان عندي درس
محمد: خدي بالك من نفسك وخودي دول معاكي وطلع لها فلوس
عائشه: معايا والله
خديجه: خوديهم ياحبيبتي يبقوا معاكي
عائشه: ماشي سلام عليكم
محمد: ادخلي ياخديجه ارتاحي شويه زمانك تعبانه
خديجه: ماشي ياحبيبي بس لازم نقعد مع بعض ونتكلم عينك فيها كلام كتير
محمد: لسه بتفهميني من عيني ربنا يباركلي فيكي نامي ونتكلم لما تصحي
وبكدة اكون خلـصـت البارت بس ياتري ايد مين اللي شالت مي ؟وياتري نتيجه التحاليل هتكون معا ام ضد المستشفي وايه اللي هيحصل؟ وياتري مالك هيعمل ايه والماسدچ تقصد سارة ولا خديجه ؟ وسارة هتعيش حياتها ازاي وهتقوم من الغيبوبه ولا لأ؟ وياتري مامت سارة عندها حق انها تسيب حق بنتها عشان كلام الناس ولا تجيبه؟ وياتري محمد فيه ايه؟ ومتنسوش الجد هيعيش ولا هيموت؟ كُل دة هنعرفه ف اللي جااي اتمني يكون عجبكم انتظروني 💜💙
