البارت الخامس من روايه" قدرنا"
"بسم اللهّ الرحمن الرحيم"
ف صباح يوم جديد يدخل اسلام الشغل
اسلام: السلام عليكم اومال محمد اتأخر ليه
زميله: مش عارف رن عليه كدة
اسلام يرن ولكن لايوجد شبكه فطلع برا عشان. الشبكه تجمع يجد صوت
..:الوو السلام عليكم
اسلام: وعليكم السلام مش دة رقم محمد محمود
احمد: ايوة بس انا احمد ابن عمه
اسلام : اهلآ ياابو حميد اومال فين محمد
احمد: محمد نزل يجيب حاجه من تحت خير ف حاجه
اسلام : لا مفيش هبقي اكلمه انا لما ييجي
احمد شاف محمد جاي من بعيد : محمد جه اهوو ثواني وهيكلمك
اسلام : ماشي انا معاك
محمد: مين يااحمد
احمد: واحد صاحبك اسمه اسلام
محمد: الوو السلام عليكم ازيك يااسلام كنت لسه هكلمك
اسلام:انت فين ياابني اتأخرت ليه كدة
محمد : انا ف البلد وجدي تعب شويه
اسلام : ربنا يشفيه يامحمد ويقوم بالسلامه
محمد: يارب اللهم آمين معلهش يااسلام هتعبك معايا خدلي اجازة لاخر الإسبوع
اسلام: لأ ياعم ولا تعب ولا حاجه بس انت هتقعد اسبوع كُله
محمد: مش عارف هقعد قد ايه بس اعملها اسبوع ولما اجي ابقي اقطعها
اسلام: خلاص ماشي محمد أأأ... أأا
محمد: مالك يابني قول عاوز تقول ايه
اسلام: مفيش كنت بفكر اقعد مع الآنسه مي يعني قبل مااتقدم افهم منها كذا نقطه
محمد: يابني احنا عندنا بنات ترضي حد يقعد مع اختك
اسلام: واللهّ ماهتعدي حدودي
محمد: قولها وشوف هي هتقولك ايه بس خد اذن حد من اهلها
اسلام : حاضر وهبلغك بالجديد
محمد: ماشي يصاحبي هستناك
خلص اسلام المكالمه وهو بيتلفت اتصدم من اللي شافه..........
**************************************
خديجه: الوو ياماما اخباركم ياحبيبتي واخبار جدو والجماعه عندك
الأم: احنا بخير ياحبيبتي والله وجدك الدكاترة بيقولوا بيتحسن الحمدللهّ
خديجه: طيب الحمدللهّ
الأم: اخبارك انتِ وعائشه ايه وعائشه بتذاكر وبتروح الدروس والأمتحانات حلوة
خديجه: احنا الحمدللّه ياماما بخير والله وعائشه بتذاكر والأمتحانات كويسه ومعدش ليها غير مادتين
الأم: ربنا معاها وييسر امورها يارب احنا لسه مش عارفين هنيجي امتي وعارفه انك هتتعبي بس مينفعش جدك يكون تعبان ومش ازورة
خديجه : ياماما والله مافي تعب ولا حاجه واهم حاجه جدو يبقي بخير متشيليش هم ياحبيبتي
الأم: ربنا يحفظك يابنتي
خديجه: هدي عامله ايه ياماما وطنط وعمو وحشوني جدآ سلميلي عليهم
الأم: بيسألوا عليكي والله طنط جمبي اهي خدي سلمي عليها
ام احمد: اهلآ اهلآ بالوحشه اللي مش بتسأل
خديجه : هههه حبيبتي ياطنط احنا نقدر منسألش دة انتِ حبيبتي والله وانتِ عارفه كدة
ام احمد: وانتِ عارفه انتي عندي ايه ياديچا
خديجه: حبيبتي سلميلي علي البت هدي عما ربنا يجمعنا ببعض
ام احمد : حاضر ياحبيبتي يوصل وسلميلي علي عائشه
خديجه: الله يسلم قلبك ياطنط يوصل ان شاءالله
ام احمد: مش ناويين تجولنا بقي نشوفكم
خديجه: هنيجي بعد امتحاناتي عشان نشوفكم. ونشوف جدو
ام احمد: تنوروا ياحبيبتي
خديجه: مش عاوزة حاجه ياطنط
ام احمد: تسلمي ياحبيبتي ف رعايه اللهّ
خديجه: ف رعايه اللهّ وحفظه ياطنط
***********-*****************-********
ف مكان اول مرة نزورة عند خاله مالك
هناء: اهلآ اهلآ يااختي نورتوا والله
هويدا: دة نورك ياهناء عامله ايه والعيال
هناء: بخير الحمدلله واللهّ ميار بتسألني دايمآ وعلي مالك وسارة
هويدا: الله يسلمها اومال هي فين
هناء: نزلت وهتيجي دلوقتي ازي سارة مجيتش ليه
هويدا : سارة عندها درس وهتخلص وهتيجي
هناء: عُمر ابني بيسألني عليها دايمآ
هويدا: سألت عليه العافيه مش ناويه تخطبيله بقي
هناء: هو نفسه بس هي اللي تقلانه علينا
هويدا: مش هتخلصي من الموضوع دة انتي
هناء: مسم اما اقوم اجيب الشاي
هويدا: ماشي
*************************************
هدي: تعالي احكيلي ايه الأخبار
فاطمه: اخبار ايه ياهبله
هدي: عليا انا بردوا دة انا عارفاكي
فاطمه: اسكتي بقي عاوزة نروح لجدو
هدي: جدو بردوا بتت انجزي موحشكيش
فاطمه: حتي لو هو وحشني مقدرش اقول كدة لأن هو اجنبي عني وحتي لو هو ابن عمي ميعطنيش الحق اني احبه لأنه مش حلالي ومقدرش اعيش نفسي علي اوهام فهماني ياهدي عارفه ياهدي الشرع مقالناش مش نحب لأ قال نحب بس بيقولنا " اذا احببت فلا تنجرف الي الحرام" وطلاما انا حبيته ومش عاوزة اغضب ربنا فـ لابد من الكتمان والصبر وادعو الله ان ينبت حُبي ف قلبه دة اللي اقدر اعمله بدل مااخذ اي خطوة تبقي حرام وربنا يكون غضبان عني وبعدين من ترك شيئاً للهّ عوضه اللهّ خيرآ منه" وانا تركت الأختيار علي ربنا ومتأكدة ان هو هيخترلي الصواب
هدي: ربنا يعوضك خير ويجعلكم من نصيب بعض يلا نروح لجدو المستشفي لسه نص ساعه علي ميعاد الزيارة
فاطمه: يارب ياهدي يارب هطلع اجيب شنطتي واجي
هدي : هستناكي هقول لعمو عبدو يجهز العربيه
فاطمه: ماشي
**************************************
مالك وصل لأصحابه وبلغوة ان زميلتهم سألت عليه وهما لسه بيبلغوة كانت هي لمحت مالك وجيت عليه
مالك: خير ياآنسه وصلني انك بتسألي عني
رضوي : هاااي ياموكا اخبارك مش عارفني
مالك بتأفف: لأ واللهّ مش اخد بالي
رضوي : طيب اقعد يامان مالك بتبص ف الأرض ليه ضايع منك حاجه ههههههههه
مالك: اولآ مش فاضي اني اقعد ثانيآ ببص ف الأرض كما النبي وصانا ف كتابه"قُلْ لِّلْمُؤْمِنِينَ يَغُضُّواْ مِنْ أَبْصَارِهِمْ وَيَحْفَظُواْ فُرُوجَهُمْ ذلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ " وثالثآ لو سمحتي قولي عاوزاني ليه عشان مينفعش قعدتنا مع بعض
رضوي: تصدق مكنتش اعرف انك حلوو كدة وكمان شيخ وبتاع قال اللهّ وقال الرسول
مالك: هو اللي يعرف ربنا ف الزمن دة يبقي شيخ ليا الشرف اني اكون شيخ
رضوي : ماتفكها شويه
مالك: آنسه الزمي حدودك وابعدي بعيد ومتنسيش ان احنا ف مكان عام
رضوي: طيب معنديش مانع ان احنا نكون ف مكان خاص
مالك: استغفر اللهّ اللهم عافنا نسأل اللهّ لكِ الهدايه سلام عليكم
رضوي بشر: انت دخلت دماغي ومش هسيبك وهوريك مين هيا رضوي جلال اللي تسيبها وتمشي
**************************************
وبكدة نكون خلصنا البارت بتاعنا بس ياتري اسلام اتصدم ليه وشاف مين؟ وليه عُمر بيسأل علي سارة ليه وهناء قصدها ايه بالكلام؟ وهل القدر ليه رائي مع فاطمه؟ ورضوي هتعمل ايه ف مالك؟ والقدر رائيه ايه ف كُل دة ؟ هنشوف ف اللي جااي واتمني اكون عجبكم؟
