البارت السابع عشر من روايه قدرنا ❤️
بعد مانزلوا من عند مي
معاذ: اسراء انا عاوز اقولك حاجه
اسراء بأستعراب : خير ياابني فـ ايه
امير: احم اسيبكم انا احصلكم علي العربيه
معاذ: لأ انت مننا ياامير مش غريب
امير: لأ معلهش عشان تكونوا علي راحتكوا اكتر
معاذ: ياابني والله مامستاهله استني
امير: معلهش يامعاذ
اسراء: ايه هتتخانقوا سيبوا علي راحته يامعاذ
وبالفعل امير مشي
معاذ: انا كنت عاوز اقولك ان مي وحيدة ووحيدة اووي يمكن انتي معاكي جوزك عوضك شويه هي مش معاها حد انسي يااسراء اي حاجه دي اختنا اقفي جمبها زي ماانتِ واقفتي جمبها النهاردة عارف ان لولا اني كلمتك وكلمت امير مكنتيش هتيجي ولولا ان امير حلف عليكي انك تتعاملي معاها كويس مكنتيش عملتيها كويس بس والله مي مافي اطيب منها مي اتظلمت زي ماانتِ اتظلمتي يمكن والدتنا قعدت معانا اكتر من والدتها ايوة كانت تعبانه بس حسها وحضنها كان موجود مي مرت بظروف محدش يستحملها وجه الوقت اللي تفرح لازم نكون جمبها انتي بتقفي مع الغريب مش هتقفي مع القريب ومش اي قريب دي اختك يااسراء انسي الماضي ياصفي قلبك واقفي معاها وخليكي معاها لحظه بـ لحظه شوفتي فرحتها ودموعها لما شافتك هي محتاجاكي
اسراء: مش هنكر انها صعبت عليا بس كل ماابصيلها بفتكر كل حاجه بفتكر وقت ماكنت محتاجه حضن الأب وحنيته هي كانت اخداه ايوة انت كنت معوضني بس بردوا يامعاذ وقت لما كانت والدتي تعبانه وجيت اطلب من الراجل اللي اسمه ابونا فلوس قال ان عندة متطلبات بس عارف ربنا مش بيسيب حد بس والله بحاول انسي بحاول انسي موت والدتي بحاول انسي حرماني بحاول انسي جحودي عارف فاكرة مرة واحنا صغيرين جيت اخد منها هي واخوها لعبه جه احمد اخوها وطردني وضربني وقالي اطلعي برا انتِ جايه من الشارع وجربوعه اناااا يامعاذ مش عارفه افتكر حاجه حلوة دايماً لما بتحاول تفتكر حاجه حلوة لأي حد بيشفعله عندك بيخليك تسامحه اومال انا مش لاقيه حاجه مش لاقيه ذكري مش لاقيه كلمه ولا موقف ولا اي حاجه مهما حاولت انسي الذكريات دي محفورة ف قلبي
معاذ: عارف وعارف انك اكتر واحدة تعبانه وبتتألمي عشان كنتي المدلعه عندة وفجاءه لقيتيه بعد بس ربنا عوضك بـ امير وهي كمان محرومه منه انسي يااسراء دة ربنا من صفاته كريم ورحيم وغفور ومسامح وحاجات كتير واحنا اللي منجيش جمبه حاجه منسامحش اعتبريها جبر خاطر ياستي عشان خاطري انا
اسراء: هقف جمبها يامعاذ بس عشان خاطر ربنا وخاطرك لأن انت اخويا وابويا واللي فاضلي ف الدنيا وهفتحها معاها صفحه جديدة كمان
معاذ محتضنها: ايوة دي اسراء اختي حبيبتي العاقله ربنا يباركلي فيكي ويكملك بعقلك
اسراء وهي بتمسح دموعها: حبيبي يارب وافرح بيك
معاذ بمرح: هو ايه حكايه افرح بيك النهاردة ليكون واكل اكلكم وانا مش عارف ولا تقيل عليكم
اسراء بضحك :لأ ياخفيف دة انتَ معزتي القمرايه اللي محدش يزهق منه
معاذ بعصبيه خفيفه: بقي انا معزتك طيب تعالي بقي بس هي سابقت علي العربيه
امير بضحك: ايه الهبله عملتلك ايه
معاذ: خد مراتك ياامير وامشي اللهّ يكرمك
امير: ليه بس كدة عملتي ايه يااسراء
اسراء ممثله البراءه: انا معملتش حاجه
معاذ: بتت انتي قولتيلي انك حامل صح
اسراء: ايوة والله فـ التاني كوومان.
امير: انا مش عارف هي هتربيه ازاي دي طفله
معاذ بغمزة: بس متنكرش انها عاقله ساعات وقمر كمان بس هبله
اسراء بغيظ : انا هبله ياامير
امير: وانا مالي يالمبي هو اللي قال
معاذ: والله انتوا اللي اتنين هبل
ونسيبهم مع بعض بقي
*************************************
عند خديجه بعد ماصلت ونامت شافت ف منامها واحد غير احمد خالص بس ملامحه مكانتش دقيقه خالص واحمد نفس الكلام شاف حد غير خديجه بس ملامحها مش دقيقه خالص قرروا انهم يتكلموا
احمد نزل بس لقي فاطمه اللي قاعدة
احمد: صباح الخير يافاطمه ايه فين اهل البيت
فاطمه: ماما وطنط ف المطبخ ومحمد خرج وهدي كانت هنا بس نست موبايلها طلعت تجيبه بس دول اللي نزلوا
احمد : طيب خديجه نايمه
فاطمه: علي مااعتقد تحب اشوفها
احمد: لأ خليكي هي اكيد هتنزل تفطر
فاطمه: اهي خديجه نزلت اهي تعالي ياستي جبنا ف سيرة القط جه ينط
خديجه: صباح الخير الأول ازيكو
فاطمه واحمد: صباح النور الحمدللهّ
خديجه : خير جايبين سيرتي ليه
فاطمه: ابدآ ياستي دة كان وهنا جاءت الأمهات بالفطار
ام احمد: كويس انك صحيتوا يلا افطروا وبالفعل فطروا واحمد خلص وقال: بعد اذنك ياطنط عاوز خديجه برا ف الجنينه
هويدا: ماشي هتخلص وهتجيلك
فاطمه بهمس: هو فـ ايه
خديجه: مش عارفه وقامت وقفت وقالت: الحمدللهّ هطلع لأحمد ياماما عن اذنكم
هما: اتفضلي
احمد لما شافها قام وقف: اتفضلي اقعدي
وبالفعل قعدت
خديجه: ايوة يااحمد خير
احمد: عملتي ايه ف موضوع صلاه الأستخارة
خديجه : احم بص يااحمد بصراحه انا صليت بس مشوفتكش ف الرؤيه انا شوفت واحد تاني ملامحه مش ظاهرة اووي واعتقد اني مش اخدة بالي منه
احمد: انا كمان زييك شوفت واحدة ملامحها مش ظاهرة اووي بس مش انتي خالص وواضح من الرؤيتين ان احنا مش لبعض ياخديجه حياتنا هتكون مختلفه كل واحد مع حد تاني اتمني دة ميأثرش علي علاقتنا كاولاد عم ونفضل اخوات وقرايب افضل وانا هكلم عمو وهفهمه
خديجه: لأ يااحمد مفيش حاجه من دي هتحصل ولا كأن الموضوع انفتح اصلآ ربنا يرزقك بالأنسانه اللي تستاهلك وتكون زوجه صالحه ليك
احمد: آمين وآياكي يارب
خديجه: تسلم عن اذنك
احمد : اتفضلي
وقام احمد وذهب لأوضه مكتب باباه وعمه قاعدين فيها
محمود: اهلآ ياابو حميد
احمد: ازي حضرتك ياعمو ازي حضرتك يابابا
الأب: بخير ياابني هاا نقول نبارك
احمد: بصراحه ياجماعه وسرد عليهم ماحدث بينه وبين خديجه واحنا نصيبنا مش بعض ياعمو وحضرتك انت وبابا متزعلش واذا كنتوا خايفين ان احنا منفضلش علي العلاقه فـ احنا هنفضل وكمان اختنا هتكون عند عمو يعني الترابط بقي اكتر
محمود: خير ياابني ربنا يسعدك
العم: كنت اتمنالك خديجه بس خير بقي
احمد: كل شئ قسمه ونصيب يابابا
محمود: فعلآ ياابني
احمد: عن اذنكم
ونسيبهم بقي
******************************-**-****
عند مالك خلص مشاويرة وراح لسارة اول وبعدين يرجع علي مازن
مالك: ماما ياسارة
فيروز: انت جيت مش بتقول هتتأخر
مالك: فين سارة نايمه
فيروز: نايمه من ساعتها
مالك: انا هدخلها
فيروز: ماشي ياابني
وبالفعل دخلها لقاها صاحيه بتفكر ف الماضي ودموع علي خدها واول ماشافت مالك مسحت دموعها
مالك بحنان: مش قولنا ننسي ونركز ف اللي جااي
سارة : انا كويسه بس غصب عني بفتكر
مالك: مش بحب اشوفك كدة وبعدين هتنسيني شوفي جيبلك ايه طلع بوكس مليان شوكولاتات وشنطه فيها فستان رقيق بطرحه جميله بالشوز بتاعه هاا ايه رائيك
سارة : ربنا يباركلي فيك وتفضل جمبي يااحلي اخ واب ف الدنيا
مالك: يارب واشوفك سعيدة دايمآ كنتي هتنسيني مستر الفيزيا جايلك بكرة الساعه... جاهزي نفسك بقي ودة ياستي جدول بمواعيد دروسك والمدرسين هيجولك البيت وآه صح انا قايلهم. انك حصلك ظروف وعملتي عمليه الزايدة عشان لو سألوا
سارة: تعبتك معايا متحرمش منك
مالك: ولا يهمك عندنا كاام سارة احنا هقوم انا هعمل مشوار قبل ماانزل الشغل عاوزة حاجه
سارة : تسلم ياحبيبي
وبالفعل نزل
مجهول 2: الحقي فـ راجل من رجالتنا مختفي والظاهر ان حد واصله
مجهول1:انتوا اغبيه اكيد هيقول علي كل حاجه احنا لازم نختفي ونجيب موبايلات تانيه عشان ميوصلناش
مجهول2 بخوف: حاضر حاضر متقلقيش
مجهول1:بقينا بنلعب علي المكشوف وانا بحب اللعب دة يامالك
استوووب كدة نكون خلصنا اللي جااي بس ياتري حكايه والد مي خلصت كدة ولا لسه فيه؟ وياتري سعادة مي هتدووم؟ وياتري خديجه شافت مين فـ رؤيتها؟ واحمد شاف مين؟ وياتري القدر مخبيلهم ايه؟ ومشوار ايه دة اللي مهم؟ وياتري محمد خرج راح فين؟ وياتري مين اللي عند مازن؟ ومين المجهول دة وبينه وبين مالك ايه؟ كل دة هنعرفه فـ اللي جاااي اتمني يكون عجبكم 💙
