كواكب:لا اكو رغد هيه تروح بمكان بناتي
ابراهيم :بس شلون لازم وحده من خواته
كواكب : اي وشمدريهم هيه مواخته انته قابل راح اتكول الهم ابراهيم :مادري ياكواكب اذا عرفو بالسالفة مايسكتون تره كواكب :هسه خلي تروح وبعدين شيصير خلي يصير رغد: انا واكفة مصدومة من الحجي مالتهم ولا عبالك اني انسانة عبالك حيوانة عدهم حتى الحيوان مو هيج عمة الله يخليج لا تسوين هيج خليني خدامة عندج بس لا توديني فصلية الله يخليج عمة كواكب :وعمة العماج لعد تردين اودي بناتي وانتي وجه الفكر كاعد مكابلتني لا شو تروحين وغصبا ماعليج ابراهيم :اكول اسكتي ولا تخليني اكوملج اسكتي ورجلج فوك راسج ترحين وخلي اشوفج تفكين حلكج حضري نفسج بين مااشوف شوكت ترحين للعالم
فهد:جنت كاعد يم ابوية وخابر عليه رقم محمد رديت الو
الشخص الغريب:السلام عليكم اخي
فهد :وعليكم السلام بس هذا رقم اخوية منو انته
الشخص الغريب :اخي اني لكيت هذا الولد بالشارع ودمه بطوله اخذت تلفونه ولكيت اخر اتصال وياك جان
فهد:انته شجاي تكول اخويه وين
الشخص الغريب :اخي اني هسه بمستشفى..... (بدون ذكر اسماء حفاظ ع ابطال القصة)
الشيخ زامل :شبيك فهد ليش تعيط بويه محمد مضروب وبالشارع وهسه هوا بالمستشفى الشيخ زامل :انته شجاي تحجي فهد :رحنا للمستشفى وشفت اخويه حالته خطرة تشكرنا من الرجال وراها رحنا للمكان الي نضرب بي اخويه واكو كامرات طلع الي ضاربه واحد سكران مايسوه نعال بس اووووف لو كبالي جان شربت من دمه هل كلب ابن الكلب اني الكم خابرت ع صديق اليه ودزيتله تسجيل مال كامرة وراح شوية خابرني كالي لزمنا كتله جايك شفته يطوطح من الشرب وكوه واكف ع رجله وصيت كتله شنو سوه ب محمد اريد يصير بي وازيد لاتهتم ابو الشباب صار الموضوع يمنا فهد :رحنا رمينا بيت هل عار وطلعتنا مرة يمكن امة تبجي والجيران كالو ماكو احد وراها مات محمد تحلفت ب ابنهم العار الااخذ صار اخوية دم بعدين صار حجي وشويخ وكباريه كالو اخذو فصلية وفصل 50مليون وكوه قبلنا ع هذا الشي بس اني الهم الا اندمهم ع اليوم الي ضربو اخويه بي
رغد :كاعده وابجي ياربي ساعدني وخلصني ماريد اروح فصلية ياربي والله تعبت من حياتي ماما بابا وينكم ليش عفتوني كمت توضيت وصليت خلصت صلاتي واني ابجي وادعي ربي يخلصني من هل سالفة وماروح فصلية يم ناس ماعرف شنو راح يسون بية ياربي ساعدني ماعندي غيرك من البجي احس راسي راح ينفجر ضليت للفجر اني كاعده سمعت صوت الاذان كمت توضيت وصليت ودعيت ربي ونمت كعدت الصبح احس راسي موتني وهل مرة عمتي ماكعدتني ولا صاحت عليه اباوع الساعة ب 12 يا شعجب عمتي كل يوميه تكعدني من 6 شعجب عافتني نايمة لهيج وكت نزلت لكيتها كاعده ع التلفزيون وبناتها دوام وعمي ماكو
كواكب :ها يالمسعده شرفتي ماكعدتج اليوم كلت خطية اعوفها نايمة تشبع نوم قبل لاتروح واخيرا راح اخلص من وجهج الفكر اكول قبل شوية خابر عمج يكول خلي تحضر نفسها العصر اجي اخذها.........
ياترى شنو مصير رغد الي جاي
اتمنى تتفاعلون بالقصة يااحلى ناس
