رغد:رحت الطيبه كتلها هذا فهد كالت ردي عليه شوفي شنو يريد فتحت الجهاز جان اسمع صوته
فهد :طيبه افتحي الباب صار ساعه ادك ماكو
رغد :ماشي وسديته طيبه هاي فهد بالباب يكول افتحي الباب صار ساعه يدك وماكو
طيبه :روحي افتحي هسه راح اطلع فوتي للصاله
رغد :طيبه اطلعي انتي افتحي شوفي اني شلابسه وماريد اشوفه
طيبه :رغد اطلع مصلخه شوفي كاعد يدك اطلعي اني هسه راح اطلع
رغد:ماشي خلي اروح البس غير شي
طيبه :امشي افتحي الباب ماتشوفي كاعد يدك ولبسج عادي مابي شي
رغد:ماشي رحت فتحت الباب وصرت ورا الباب فات جان يكول
فهد:طيبه وينج صار ساعه ادك بالباب
رغد :دار وجها جان يشوفني كدامه ظل يباوع عليه
فهد:اباوع ع جسمها الي الدشداشه مبينته وشعرها الي مغيره اللون مالته وكاصته والمكياج
رغد :ظل يباوع كتله فوت بالصاله هسه تجي طيبه جان يلزم ايدي انتي شلون تلبسين هيج وعلي هنا رغد وخرت ايده كتله اني اعرف شنو البس وشنو مالبس ومالك حق تحاسبني
فهد :شنو مالي حق اني رجلج
رغد :اني مو مرتك اني الفصليه والخدامه مالتك وبس يطلع الي ورا السالفه راح تعرف نفسك شنو سويت عفته وفتت جوه ظليت ابجي اجتني طيبه تسئل ع فهد كتلها مادري وكتلها ع الي صار كالت احسن هيج كلتيله كلتلي تره الشيخه شريفه مكايلتله انتي حامل وكايله للشيخ زامل والشيخه ناديه وحوراء وعلي واليه مانكول ل فهد لحد مايعرفون منو ورا السالفه
رغد :اني بس اجيب ويطلع منو ورا السالفه فهد مااسامحه واذا ارجع ويا علمود الي بطني
طيبه :ارتاحي هسه
رغد :دخلت بالشهر الرابع وعرفت بيه ولد وكلت للشيخه شريفه وباركتلي وراها بكم يوم كاعدين ع العشى جان يدك تلفون علي
علي:ها شيخ شنو هسه راح اجي رحت لبيت الشيخ واشوف فهد يجر ب غفران ويكتل بيها وخرتها منها شبيك صلي ع النبي
فهد :عار اليوم بيدي اموتج
علي :شبيها شسوت
فهد :طلعت هيه والعار اخوها مسوين سالفه الصور واني صارلي 4اشهر اريد اعرف منو وطلعت هاي العار ماتبقين اليوم بالبيت انتي طالك اني ماريدج وهذاك اخوج العار موته ع ايدي
علي : كومي اوديج لبيت اهلج شنو سوتلج رغد حتى هيج تأذيها وعبالج محد يعرف هاي سوالفج لا نعرف من اول يوم وشلون مشربتها عصير ومو بس اني اعرف هاي الشيخه شريفه كدامج تعرف ومنو الي كشفتج هيه وحوراء وطيبه وكلنا نعرف بس الصوج مو بيج الصوج بهذا الواكف كدامج الي ظلم بنيه يتيمه وصدك بالصور
فهد:عفت البيت وطلعت مارجعت الا باليل رحت لغرفه الشيخه شريفه شافتني
الشيخه شريفه :تعالي يافهيدان كتلك العصبيه راح تضيعك تدري من اول يوم راحت لبيت علي اني شاكه ب
غفران وحوراء تعرف بيها غفران هيه السوت السالفة لان من كلتلي حوراء شيخه رغد تكول مساعده غفران تغير مكان الجربايه ومطيتها عصير من شاربته نايمه وكاعده بغرفتها ومن حجت رغد غفران جذبت هذا الشي وخابرت طيبه كالت شيخه اني شاكه ب غفران بس ماحجينا كلنا الله يطلع حق اليتيمة وهاي طلع واكلك شي مرتك حامل بولد
فهد :من كالت هيج شيخه ليش ماكلتولي
الشيخه شريفه : علمود تعرف انته شنو سويت
رغد :رجع علي للبيت وسولف شنو صار وطلعت الشيخه شريفه وطيبه وحوراء يعرفن رحت شبكت طيبه وبجيت
طيبه :الحمدلله هسه كومي ارتاحي
رغد :ماشي رحت نمت حسيت اكو ايد كاعد تمشي ع وجهي فتحت عيني شفت فهد....
ياترى شنو راح يصير
اتمنى تتفاعلون بالقصة علمود انزلها وتابعوني وتصوتولي
احبكم يااحلى ناس
اختكم الكاتبه زهراء احمد
