رغد:وين ياخذني
كواكب :شنو نسيتي اليوم ياخذوج فصلية لاهل الولد
رغد:رحت يمها عمة ابوس ايدج لا تخلين عمي ياخذني شنو تردين اسوي الله يخليج بقيني
كواكب:كومي من يمي وجه الفكر شنو ترديني اضحي بابني علمودج امشي ولي حضري نفسج يله
رغد:ضليت ابجي صعدت الغرفتي ولازمة صورة ماما وبابا واحجي وياهم ليش عفتوني جان اخذتوني وياكم تعالو شوفو يردون ينطوني فصلية الله لا ينطيك يا خليل ولا يوفقك الله ياخذك ابجي واحجي ويا نفسي كمت توضيت وصليت وكعدت ادعي ربي يطلعون الناس الي رايحه الهم زينين ولو هما الناس الي هما اهلي ومن دمي مارحمو بيه مو عاد هسه ناس غربة ماعرفهم خلصت صلاتي لميت غراضي وهنا قليلات وطلعت ملابسي الي راح البسهن طلعت تراك اسود ويا الجبة والحجاب اسود وحذاء رياضي اسود شوية وسمعت صوت عمي
ابراهيم :وينج مو كاعد اصيح هاي وينها اريد اوديها وارجع للولد اجيبه كواكب:وجه الفكر ماتسمعين نزلي لا اصعدلج واعلمج التربية
رغد : بكلبي جان ربيتي جهالج اول اي جايه عمة
كواكب :من عمة العماج يله ولي وديري بالج تفتحين حلكج وتكولين انتي بت عمه
رغد :ابجي واني ساكته
ابراهيم :يله فضيني
رغد :رحت ويا عمي ركبت بالسيارة مالته وضلينا بالسيارة تقريبا ساعة واني ابجي وادعي واحس راسي راح ينفجر من البجي صارلي يومين ع فرد بجيه وماماكله شي احس السيارة وكفت
ابراهيم :يله نزلي وديربالج تفتحين حلكج
رغد :نزلت البيت جبير وشكله حلو من بره شفت رجال جبير بالعمر يصيحوله شيخ زامل اني شفته وزدت بالبجي كلت بس لا هذا الي راح ياخذني لان معروفة الفصلية تروح للشيخ ويمه ثنين ولد بس ماباوعت عليهم بس شفت الشيخ ودنكت
فهد:من صار الفصل وقررو فصلية و50يوم وغفران كالبة خلقتها
غفران :شنو تريد تاخذها انته خلي علي ياخذها بس انته متاخذها
فهد:مواني الي تحكمني مرة وتتأمر عليه كومي من يمي
غفران :ماكوم وكتلك متاخذها انته
فهد:يابت الناس لا تخليني امد ايدي عليج كومي كتلج.... بصياح
غفران :طلعت من الغرفه والله يافهد اذا تاخذها اكلب البيت كلاب وسديت الباب ونزلت
فهد: اني الج اذا ماربيج ع السانج هذا واخذها واكسر خشمج ياغفران مااطلع فهد بصياح.... لا تطلع نمر هههههههه خلي اكمل لا تجيني طاوة
الشيخ زامل :فهد صيح اخوك وتعال للمضيف
فهد :حاضر شيخ
الشيخ زامل:شوفو انتو راح تجي البنيه فصلية مو يعني نذلها ومنخاف الله بيها لا مو اني تالي عمري وشيباتي اعصي ربي واظلم شخص بريئ ماله اي ذنب
فهد :شنو شيخ تريدنا نسكت الها
الشيخ زامل :البنية مالها ذنب ب اخوها وحرام تتحاسب ع شي هيه مالها دخل بي اني من وافقت مو ع شي بس ماريد يصير بحر دم واخسركم
فهد:بس شيخ.... قاطعه صوت الشيخ زامل: وهوا يكول منو بيكم راح ياخذ البنيه والي ياخذها تصير حالها حال مرته ويراعي الله بيها ويعقد عليها عقد سيد
علي وفهد :لارد
الشيخ زامل:علي انته اخذها
علي:شيخ انته تدري شكد اني احب مرتي وعندج بنات منها اني ماريد اخذها هذا فهد يمك خلي هوا ياخذها حتى جهال ماعنده
فهد:اني مااخذها تريد انته اخذها احد كلك اني رايد فصلية
الشيخ زامل:بسكم عاد هاي هيه فهد انته اخذها ومن تجي البنيه تعقد عليها عقد سيد وبدون كلام بعد
فهد:بس شيخ.... قاطعة الشيخ زامل فهد انا شكلت
فهد:وهوا اعصاب ويتوعد للفصلية حاضر شيخ تأمر امر
اتمنى تتفاعلون بالقصة
اختكم الكاتبه زهراء احمد
