هلو شلونكم انشالله تكونون بخير
اليوم راح نكتب قصة مختلفة وراح نشوف بيها انواع الظلم والاتهامات لفتاة ليس لها سند في الحياة فهل القدر سوف يغير مجرا حياتها
كعدت الصبح ع ضربة اجتني عرفت هاي مرة عمي كواكب تريدني اكعد علمود انظف الهم كمت صبحت عليها
رغد. صباح الخير عمه
كواكب. لا هلا بهل صباح كومي نظفي لو بس فالحه تنامين للضهاري
رغد. انشالله كمت سويت ريوك لعمي ومرته وجهاله عمي عنده ثنين بنات نهله وكوثر وثنين ولد خليل ومجيد
نهله كليه وكوثر اول سنة كليه وخليل تارك الدراسة لان ميحبها ومجيد ابتدائيه كمت نظفت وسويت غده وجان خليل نايم ومرة عمي رايحه للسوك وعمي بالشغل والكل بالدوام وبس اني بالبيت ابن عمي خليل من النوع الي عنده سوالف مكسرة وحتى مرات يجي للبيت يشرب بس عمتي تضمم اله علمود عمي لايضربه واني كاعد اطبخ حسيت ب ايد انمدت ع خصري فزيت درت وجهي شفت خليل ونظرات عيونه وصخه يباوع ع جسمي واني ابعد بي خليل الله يخليك وخر الله يخلي اني مثل اختك فدوة وخر وضليت ابعد بي ضل يبوس ب ركبتي ويمد ايده ع جسمي واني اتوسل بي وابجي وادفع بي اخير شي دفعته وانهزمت للغرفه وضليت ابجي ياربي خلصني من عنده ماما بابا تعالو شوفو بتكم وين عفتوها ظليت ابجي لحد ماسمعت صوت عمتي جايه من السوك نزلت عزلت المسواك واجوي عمي والبنات من الدوام صبيت الغدى وغسلت المواعين ونظفت المطبخ وجنت تعبانه لان يوميه من الصبح اكعد من وره عمتي جان تصيح عليه تعالي غسلي الملابس رغد. اوووف ياربي اي عمة جايه رحت غسلت الملابس وخلصت وراها رحت لغرفتي الي هيه عباره عن مخزن وبي فراش بالكاع وكومدي بي ملابس من بنات عمي من يردن يذبنهن ينطني ياهن اليه وصافنه بحياتي الي متى اضل هيج ودعيت ربي اخلص من هل ظلم مال عمي ومرته صار المغرب صليت ودعيت لماما ولبابا وراها نزلت اسوي عشه بنات عمي كلشي ميشيلن اني كلشي عليه حتى ملابسهن اني اغسلهن وكل هذا وعمتي مراضيه عليه ومن يجي عمي تكله كلشي ماتشتغل وتخلي يضربني رحت نمت وباليل جان اسمع صوت عيطة مال عمتي.......
ياترى شنو تتوقعون صاير
