رغد :كعدت الصبح ع ضربة كعدت شفت هاي الي البارحه ظلت تحجي عليه وحوراء ردتها مرت فهد الغابه هههههههه.... رغد توبي لا يجيج هل فهد
غفران :كومي لج لاتصدكين نفسج صرتي مرت الشيخ تره انتي كلج خلك فصلية يعني خدامة جوه رجلي وديري بالج اشوف عيونج ع الشيخ فاهمه لو لا وهسه يله نزلي حضري ريوك
رغد:هاي شبيها اني شعليه بالشيخ مالتها وحش الغابة انشالله هسه انزل احضر الريوك
غفران :اي استعجلي
رغد:طلعت وسدت الباب هاي شبيها مريضه اني شعليه بيها اشو هوا الرجال الجبير الي اني فصلية اله ماحجه هيه ليش تحجي وتكلي عوفي الشيخ ع اساس هوا شلون شيخ هوا وعيونه الي تخوف بس هوا احلى منها هيه طولها وسط وجسمها يعني عادي حتى شكلها عادي يعني مابيها شي يجذب وحتى احلى من عنده مادري شلون ماخذه اوووي اني شعليه خلي اروح اصلي وانزل اسوي ريوك لاتروح تصعد رحت للحمام اريد اغسل واتوضى واشوف واحد طالع من الغرفة كبل فتت للحمام غسلت وتوضيت وطلعت ع كيف واسمع صوت مي بالحمام الثاني عرفت هذا حيوان الغابة اقصد فهد الغابة رحت صليت ونزلت للمطبخ لكيت مره لابسة اسود وبيهل شبه لحوراء كلت صباح الخير
نادية:صباح الخير
رغد :خاله انتي منو
نادية :اني ام فهد انتي البنيه الي اجتي البارحه فصلية للشيخ فهد
رغد :شنو فهد ليش اني مو فصلية للشيخ الجبير الشيخ زامل احجي بيني وبين نفسي ها اي اني
ام فهد:يمه بعدج صغيره بس هذا قضاء الله وقدرة لاتخافين يمة اني يمج واعتبرني مثل امج واني كلتلي حوراء ع غفران شنو حاجيه وياج يمه معليج بيها شنو تحجي عوفيها مالج دخل بيها
رغد :هيه تحجي واني ابجي
نادية :يمه ليش تبجين
رغد :خاله والله اني مالي دخل كله بسبب عمتي لو ماتضضم ل ابنها جان هسه اني مو هنا
ناديه :ليش يمه هوا مو اخوج خليل
رغد :ها اي اخويه
نادية :يمه اذا اكو شي احجي لا تخافين
رغد:واني ابجي خاله اني ماعندي اهل اني اهلي ميتين من اني وصغيره بحادث سير واني رابيه يم عمتي وعمي وعمتي من صار هيج ب ابنها ماانطت بناتها وانطتني اني وهددوني اذا حجيت او كلت الكم اني مو بتهم ومو اخت خليل
فهد:انتي شجاي تحجين بصياح
اتمنى تتفاعلون بالقصة يااحلى ناس وتابعوني
اختكم الكاتبه زهراء احمد
