رغد:مانسمع بس عياط بالحديقة الي يم الباب ونسمع الشيخ زامل: عيب عليج مرة شكبرج صوتج واصل ليوين ماتستحين ام فهد:صلي ع النبي ام عصام ميصير هيج
رغد :اني وحوراء رحنا نشوف شكو هذا الصياح جان حوراء تكول دزت امها هاي الي متستحي فوك الغلط مالتها واي تربيه مالها ع بناتها وابنها ابو سوالف مكسرة جايه تحجي ع الشيخ صدك الي استحو ماتو رغد:المرة تنطي شبه بغفران مرة وحش الغابه فهد....لج رغد العالم وين صايره بالنعولة وانتي رايحه ع وحش الغابه كملي لا يجيج رغد اي خلي اكمل شلون شكلها رغد:اباوع ضخمه وطويلة عبالك رجال وجها مادري شلونه اي انوثه مابي وغفران هم هيج بس مو ضخمه لا وسط بس محلوه مابيها شي حلو ع امها حتى اللسان عبالك من الشارع اكلج حوراء هيه هاي منيه شو تنطي شبه ب غفران حوراء :اي شبيج هاي امها الساقط.... لو تشوفين بس مشاكل من وراها حتى عمي الله يرحمه خلته يعزل بسبب مشاكلها وهسه بتها هم نفس الشي رغد:اكلج شوفي شلون تعيط ولا تستحي
فاطمة :انتي ام فهد لا دخلين نفسج اني جاي احجي ويا الشيخ الي ع اساس هوا معروف بالعدل مالته اشو يم بنتي ينكلب لو بس كدام العالم شوفوني بس اني وبس ويم اهل بيته كلشي ماكو
الشيخ زامل :بسج والله ان سمعتلج صوت هسه الا اخليج تمشين وتحاجين نفسج تحجين بالعدل والحق وانتي بتج ماعارفه تربيها وين اكو بنيه ترفع صوتها ع عمها بمقام ابوها مو عيب
فاطمة :بنتي مامسزية شي غلط بعدين مو عيب عليك تنطي بنتي علمود وحده فصلية ساقط.... بت شوارع منعرف اصلها من فصلها
الشيخ زامل :ام عصام طلعي بره والبيت يتعذرلج وماتدخليله مره ثانيه وبنتج يجي رجلها واني اعرف شلون اخلي يتصرف وياها وهسه بره بصياح
فاطمة:والله مااخليكم تتهنون عبالكم مالها ظهر بنتي اني الكم
رغد:تمشي وتعيط وتصيح وعمي خطيه اباوعله كاعد ويفرك براسه وهاي طلعت مبين عليها ماتستحي اي احترام ماعدها بدال ما تحجي ع بتها جايه تتعارك رحنا اني وحوراء للصالة ودينا مي للشيخ والشيخه شريفة :تصيح ولجن يامكموعات وينجن شهل صياح شبيها هاي المفلوكه فاطمة تجوعر عبالك مطي رابطي حوراء ورغد:😂😂😂😂والله بيبي عندج سوالف احنا وين وانتي وين الشيخه شريفة :ولجن جيبلي عصتي خلي اروح يم الشيخ رغد:كامت حوراء جابت عصة بيبي وراحت يم الشيخ يمه شبيها هاي المكموعه جايه وتصيح
الشيخ زامل :شيخه شجابج اني اجيج انتي وين تكدرين من رجلج تعالي كعدي رغد:كعدت الشيخه وكعد الشيخ زامل يحجيلها ع هاي فاطمة وشنو الحل وياها هيه وبناتها من غير ابنها ابو سوالف مكسرة ويوميه مسويله سالفه اسمع الشيخ يكلها حتى من العشيرة راح اتبره من عنده الشيخه شريفة: الله لا ينطيج يافاطمة من جان ولدي عايش ماخلصانين منج وهسه من مات هم ماخلصنة لا منج ولا من بناتج وابنج حتى محد طالع ع حامد ولا ع الشيخ عباس الله يرحمهم يمه اني اكول خلي هذا فهيدان ياخذ هاي الفاهيه رغد :تأشر عليه وتصير مرته وخلي هذنيج يدكن وحدهن ع الاقل هاي البنيه فقيرة لا حس الها ولا صوت هاي مصارلها كم يوم عدنا وصارت بتنا ومن عدنا وبينا وريح بالك واحجي ويا فهيدان واني احجي ويا اشو كلشي مشايفين من بت فاطمة بس مشاكل حتى تنظيف ماتنظف الا تشوف فهد وعايفه كلشي ع مرتك حتى الولد مافاهم دربه وياها جنها عريف شلتاغ رغد حوراء :😂😂😂😂هيه كالت هيج لو احنا متنا ضحك والشيخ زامل وام فهد يضحكون والله تغير جو الواحد الشيخ زامل والله يايمه يجي فهد واني احجي ويا الشيخه شريفة:كومن يامفلوكات عبالجن نسيت الجاي والكعك لو بس للضحك كومن لا بالعصة حوراء رغد:😂😂😂😂حوراء شيخه مو قبل شويه جانت صايره ملحمه ومانسيتي الكعك والجاي رغد جان تشمر عليها العصة اجتي برجلها حوراء :اووووي شيخه مو مال شقى
الشيخه شريفة :ولج هازه كاروك امج وتشاقين وياي كومن يله بلا حجي
ام فهد :ياشيخه اني شعليه
الشيخه شريفه :انتي العركه كلها خلصتيها صلو ع النبي من حجت شريفة طلع السانج
ام فهد :😂😂😂😂ياشيخه قابل شحجيت
رغدوحوراء:😂😂😂😂طلعنا للمطبخ نسوي الجاي والكعك مال اميره ديانه اقصد للشيخه شريفه حوراء:والله عصتها توجع شوفي رجلي زوركت
رغد:😂😂😂😂 كاعدين نضحك ونسولف ودينا الجاي والكعك وكاعد نحجي جان يفوت فهد:السلام عليكم
ياترى شنو راح يصير ويا فهد ورغد
اتمنى تتفاعلون بالقصة وتابعوني علمود انزلهاوتصوتون
احبكم يااحلى ناس
اختكم الكاتبه زهراء احمد
