كعدنا ع صوت عمتي ونزلت جوى اركض واشوف عمتي تبجي وتصيح والبنات يبجن من شافتني نزلت جان كواكب: كله بسببج منورا وجهج الفكر من فتي لهذا البيت بس فكر متشوفين اهلج ماتو من ورا وجهج الفكر رغد :عمة شبيج اني شنو سويتلج مردت عليه وظلت تبجي بعدين اجه عمي وظلت عمتي كواكب تسئله ع السالفة
ابراهيم :والله مادري هذا الطايح الحظ شارب وضارب واحد اسمه محمد ويكولك الولد حالته خطرة واهل الولد شيوخ وناس معروفة كواكب :يعني شلون ابني يروح سويلك حل ابراهيم لا تعوف ابنك يضيع ابراهيم :ابنج طايح حظ ضيع نفسنا بسوالفه التعبانة خلي تفيده هسه حتى اذا رادو من عدنا فصل منين اجيب اني ظلت عمتي كواكب تبجي وعمي كال يصير الصبح واروح للمستشفى اشوف الولد واهله واتفاهم وياهم رحنا كل واحد ع غرفته واني مقهورة ع هذا الولد المضروب مانقهرت ع خليل لا حيل ويا وانشالله يضل بالسجن بس هذا الولد خطيه ربي يحل هاي المشكله صار الصبح كعدت نفس كل يوم نزلت انظف واسوي ريوك بس اباوع عمتي كواكب كاعده ومتاكل وبناتها كل وحده كاعده ع التلفون هاي الي تحجي ويا خطيبها وهاي ويا حبيبها
نهله :بت عمي ابراهيم مخطوبه لواحد وياها بالكلية وهم مادري شلونه لا خلقة ولا اخلاق بس راهمين ثنينهم نفس الطينة وكوثر تحب واحد وياها بالكلية وع اساس يريد يخطبها وكاعدات ولا عبالك اخوهن بالسجن عادي عدهن
رغد :كاعدين مانسمع بس صوت الرمي عبالك مطر اني من خوفي رحت ختلت بالحمام وعمتي والبنات يعيطن ورا شوية هدء صوت الرمي نسمع بس صوت حجي طلعت عمتي تعرف شنو الرمي وراها فاتت وتبجي وتعيط
كواكب:يمه خليل راح ابني نهلة يمه شبيج ولج اخوج راح يامعزاية هذولا اهل الولد يكولون الولد مات واذا مانسويها دم بدم وناخذ حقنا مربع وينا رجلج لو خاتل خايف يطلع لو بس عايف ابنه النكس بالشوارع ماعرف يربي والجوارين حجت وياهم كالو بس نسوان بالبيت ميصير هيج وانتو تعرفون الاصول من يجي ابو خليل يصير خير صلو ع النبي ولما الجيران وراحو شلون اخوجن يروح نهله :يمه ابنج سوالفه مكسرة من زمان وانتي تضمضميله شنو استفاديتي هسه هل طاح حظه وطيحنا ويا حيل ويا كواكب:بت الكلب انعل ابوج لابو الجابج لج هذا اخوج حيوانه نهله عافتها وفاتت جوه
رغد :كمت اني نظفت الكزاز واجه عمي وحجتله عمتي الي صار وكال راح احجي وياهم واخذ وياي شيوخ واتفاهم وياهم بلكت تنحل السالفة راح عمي طول لليل هوا ماكو وين يله اجه وعمتي كاعده وكلساع كايله وجه الفكر كله بسببج رغد:حيل انشالله يبقى بالسجن ومايطلع احجي ب كلبي لان اذا احجي كدامها تلكوني ب اقرب مكبره سمعنا صوت الباب انفتح وعمتي تصيح ها براهيم بشر ابراهيم :كواكب رادو من عدنا دم بدم وضلينا نحجي ونهدي بيهم كالو دم اخونا مايضع ومانرضعه عليه بفصل وحجه واحد من الكبارية اني انشالله اكون طرف خير وطرف صلح خلونا نكطع الدم واخذو فصل 100مليون وفصلية وماقبلو الشيخ زامل :ابو عل(الشيخ الي دخل طرف خير) انته تعرفنا احنا ماناخذ فصلية وحرام علينا مانريد نظلم البنية وانا دم ابني مو بفلوس وضلو يحجون لحد ماقنعناهم ب فصلية 50مليون كواكب:بس اني ماخلي بناتي يرحن فصليات نهله :بابا اني مخطوبة شيلني من راسك كوثر :واني همات اكو ناس متقدميلي وكلت لماما عليهم ابراهيم :بنات الكلب هذا اخوجن المن انطي فصلية اشو ماكو بس انتن كواكب :لا اكو......
شنو تتوقعون راح يصير
واتفاعلو حتى اكمل القصة
الكاتبة زهراء احمد
