رغد:كاعده افكر بحياتي وشنو راح يصير كمت عزلت غراضي وهنا مو هواي ومددت شوية وراها صعدتلي حوراء :يله حبيبتي انزلي اجه السيد يعقد الكم
رغد:من كال هيج تذكرت شكل الشيخ رجال جبير ياربي ماريده ظليت ابجي حوراء :لاتبجين اني اعتبريني مثل اختج كافي يله امسحي دموعج وخلي ننزل يله
رغد :اوك يله ننزل نزلنا لبست عباية مال الشيخه شريفة والسيد يحجي واني اردد ورا لحد ماكلت نعم وانت وكيلي وطكيتها بجي بس اكو شي ظل بالي شنو كال اسم فهد هوا مو الشيخ زامل صاحتني الشيخه شريفة: تعالي يمه شوفي حيبتي انتي صحيح الشيخ عصبي بش يمه كلبة طيب ومايحب يظلم احد وانتي من تشوفي عصبي لاتقربين يما عوفي يمه الرجال مثل الطفل يحب المرة الداري وتهتم بي وانتي حلوة وبعدج صغيرة واريدج تكسبي ب طيبة كلبج واهتمامج بي واني حبيتج يايمة من شفتج حسبتج وحده من بناتي لاتخافين اني وياج يمه تعالي افتحي الكنتور مالتي تلكين بي صندوك انطيني يا
رغد : انشالله يمة كمت فتحت الكنتور وطلعت الصندوك الي كالت عليه هذا يمه طلعت من عنده كلاده كلش حلوة هاج يمه هاي الج اريدج تلبسيها هاي هديه مني الج رغد :شكرا يمة
طلعت من غرفة الشيخه رحت ع حوراء وكعدنا نحجي وظلت تحجيلي ع مرة اخوها اسمها غفران رغد ياهيه
شبيج هاي الي ظلت تحجي من شافتج ها اي تذكرت حوراء اي هاي فد وحده تحب المشاكل وكم مرة سوت مشكله تريد تطلع بيت وحده حتى بسببها اخوية علي عايش وحده بغير بيت لان تكول مااخذ راحتي لو تتعارك ويا مرتة ومرت علي فد فقيرة وحتى تنظيف ماتنظف لو مو فهد تحجيله الشيخه لا يبقى كلشي براس امي
رغد : بس اني مشفت امج لحد هسه
حوراء :امي راحت لبيت علي لان من مات محمد تخربطت ومرت علي كاعد تداريها واحنا بيتنا جان هوسه من النسوان والزلم علمود الفاتحه بس باجر انشاءالله تجي وهسه انزلي خلي نسوي عشى
رغد :يله نزلنا طلعنا بورك وكبة واني سويت زلاطه وسوينه وياها بتيته وطماطة خلصنا كلشي وحضرنا الاكل بالمواعين اني بقيت اكل يم الشيخه لان خطيه متكدر تكعد يمهم من رجلها مرة جبيرة وكعدنا ناكل اني وياها وحوراء
الشيخه شريفة :هاي مانزلت
حوراء :لا بيبي هيه من تعاركت هيه وفهد وشافت رغد هم ظلت تحجي وصعدت بعد مانزلت
الشيخه شريفة : خليها يمه
رغد :غسلنا المواعين واني رحت صعدت فوك لان الشيخه نامت وحوراء كالت نعست صعدت فوك اني كاعد افاح باب الغرفة جان اشوف واحد طلع من الحمام هوا شافني وضل يغزر بيه كبل فتحت الباب وفتت للغرفة نظراته تخوف رحت نمت ومادري شنو راح يصير.......
اتفاعلو بالقصه يااحلى ناس
الكاتبه زهراء احمد
