رغد :ردت طيبه طلعت شيخه شريفه حجيت وياها وكلتلي ماتهتمين ومعليج ب فهد خليج يم طيبه وخلي تهتم بيج ادري بيها تحب سوالف الصبغ ومكياج راح ادزلج فلوس بيد علي وخليهن الج سديت الخط باوعت ع طيبه تضحك
طيبه :كلتلج احب الصبغ والمكياج
رغد :اي
طيبه:😂😂😂😂شريفه ولا تبطل سوالفها كلما تخابرني تكلي ها يمه شحاطه اليوم مكياج لو شصابغه شعرج اليوم
رغد:😂😂😂😂الشيخه شريفه بعد هيه وحوراء بلعصه مكسرتها ع رجليها وحوراء لو تشوفيها تخاف من العصة اكثر من شريفه
طيبه :😂😂😂😂 اكلج افتحي شعرج خلي اشوفه
رغد :فتحت شعري من شافته كالت حلو شعرج ويا خصل مال شعر لو اصبغه الج يصير يخبل واشوي نفس لون عيونج ع عسلي واسويلج وجهج احفه يعني شغل خفيف وهسه خلي اكوم احضر عشى رحت اني وياها مقبلت احضر وياها ضليت كاعده وكلتلي من تصيرين زينه اسوي شعرج وجهج كتلها ماشي اجه علي انطه لفلوس بيد طيبه انطتني ياهن ردت اتعشى وحدي بس علي مقبل كلي اني اخوج صح اني مكاعد وياج بس ادري بيج ماتطلع منج هيج سوالف الشيخ والشيخه والشيخه شريفه وحوراء كلها تحبج اني مو بت عمي غفران اريد فهد يطلكها لان ماتستاهلها واعرف بيها هيه شنو بس انتي لا اتمنى تبقين مرته بس فهد عصبي وانشالله كم يوم ويطلع الشخص الي سوا هيج
رغد :شكرا لان انته مصدكني
علي :اكو واحد ميصدك اخته وهسه خليني اكل تره جعت
رغد وطيبه :😂😂😂😂
طيبه :اكل ابو بطن مو صارلك ساعه تحجي كلام جميل شبيك غيرت
علي:ها عوده ع الاقل اكل واسمن مو اكل وابقى عوده
رغد :اباوع عليهم واضحك وبناتهم يضحكون خلصنا شلت المواعين وغسلتهن طيبه رحت شربت الدوا ونمت ظليت شهر بيت علي وتخابر عليه الشيخه شريفه لو تجيني حوراء والشيخه ناديه لو الشيخ زامل بس فهد ميجي بكد مااذاني بس احبه بهذا الشهر صرت اكل هواي ونفسي تلعب طيبه من شافتني هيج كلتلي انتي حامل كتلها مادري كلتلي راح اجيب اختبار مال حمل وشوفي جابت الاختبار حللت طلعت حامل باركتلي كلتلي العصر نروح نسوي تحليل دم تغدينا وكالت ل علي باركلي وكال اني اخذكم رحت اخذت تحليل دم طلعت حامل انطتني دوا وكلتلي صحته زينه وراح دخلين بشهر الثاني باركلي علي خابرنا ع الشيخه شريفه وكلنالها باركتلي والشيخ والشيخه وحوراء باركولي سمعت صوت فهد جان الشيخه شريفه كلتلي يمه رغد صايره حلوه ديري بالج ع الشيخ اريده حلو مثلج سديت الخط وطيبه تضحك كتلها شبيج
طيبه 😂😂😂😂شريفه تعرف تلعبها صح شفتيها من اجه فهد شلون صارت تحجي هسه شوفي باجر نروح للسوك واجيبلج صبغ ومكياج وملابس وعطور
رغد :ماشي كعدنا الصبح تريكنا وراها كعدت ويا بنات طيبه والعب وياهن وطيبه تنظف متقبل اني انظف كمت ساعدتها بالغدى اجه علي تغدينا وراها بدلنا ورحنا للسوك لبست من طيبه واخذت عبايه منها هيه هم تلبس عبايه علي يغار عليها كتلها نفس الي عندي رحنا للسوك اخذنا علي اشترينا الغراض احس رجلي ماحس بيها ونفسي صارت تلعب خابرت طيبه ع علي اجه اخذنا رحت بدلت وارتاحيت وراها تعشينا ونمت كعدنا الصبح تريكنا ونظفت طيبه وسوينا غده تغدينا ورا الغدى اجتي طيبه سوت شعري وحفتلي وسوتلي جسمي وراها غسلت شعري طلع لونه كلش حلو
طيبه:رغد شنو رئيج اكصلج كذله
رغد:اني ماكص شعري لان ماما وبابا يحبو بس اذا متكصين هواي عادي
طيبه :اي ماكص هواي تعالي
رغد :كصتلي. كذلتي اباوع حلوة كاعد اشيل شعري جان تعيط طيبه
طيبه :وين تشيلي عوفي بس اني وياج وعلي ماكو تعالي خلي اسويلج مكياج خفيف
رغد :اني شعري طويل جوه الورك سوتلي مكياج واني لابسه دشداشه قصيرة لان علي ماكو والدشداشه ضيكه حتى بطني مبينه منها
طيبه :تعالي خلي اخابر ع شريفه اشوفها شنو سويت بيج هلو شريفه شلونج
الشيخه شريفه:هازا كاروك امج تكوليلي شريفه
طيبه :😂😂😂😂شريفه راح اشوفج شي
رغد:خلت الكامره عليه والشيخه شريفه ظلت تصلي ع النبي يمه تخبلين اني ليش خليتج ترحين يم هاي المفلوكه لان اعرف بيها تحب هيج شغلات وراح ترتاحين
طيبه :شريفه تعالي اسويلج نفسها
الشيخه شريفه:مو اجيج بالعصه سوي لامج نفسها
طيبه ورغد:😂😂😂😂سدت الخط
طيبه :رغد اني اروح اسبح والبنات يمج وعلي تدرين باليل يجي ف لا تشيلين شعرج
رغد :ماشي راحت طيبه تسبح واني العب ويا البنات دك تلفون طيبه كتلها طيبه تلفونج كاعد يدك
طيبه :شوفي منو خاف علي
رغد :ماشي رحت جان اشوف الاسم فهد....
ياترى شنو راح يصير
اتمنى تتفاعلون بالقصة علمود انزلها وتابعوني وتصوتولي
احبكم يااحلى ناس
اختكم الكاتبه زهراء احمد
