رغد:عمي ضل يحجي ويا الرجال الي اسمه الشيخ زامل واني ابجي
ابراهيم :شيخ زامل هاي الامانة وجبناها اودعناكم
رغد :اسمع عمي يريد يروح واني زدت بالبجي اجه يمي الشيخ زامل :لاتخافين بنتي احنا هم اهلج فهد:تعال دخل البنية جوه وصيح ع اختك خلي تجي للبنية خلي ترتاح
فهد:حاضر شيخ
رغد : واكفة ومااسمع بس واحد صاح عليه يله فوتي كافي تبجين صوتج مااسمعه بسم الله بعدنا بالبدايه كلت بكلبي لان لو حاجيه كدامه جان هسه اني تلكوني شابعه مي ورد مشيت ورا وصاح ع بنية اسمها حوراء اجتي لابسه اسود مبين يعني اكبر من عندي
حوراء:هلا فهد صحتني
فهد :اي تعالي هاي اجتي الفصلية اخذيها
حوراء :فهد لاتكول فصلية خطيه
فهد :لاتدخلين وفوتي جوه انتي وياها
حوراء:انشالله تعالي حبيبتي وياي اني حوراء انتي شنو اسمج
رغد :اسمي رغد
حوراء :حبيبتي انتي شكد عمرج
رغد :عمري 15مبقى شي واصير 16
حوراء :ياعمري بعدج صغيرة
رغد :انتي شكد عمرج
حوراء : اني عمري 20 ادرس كلية ادارة واقتصاد مرحلة ثانية وانتي شنو درسين
رغد :اني بطلت صرت صف سادس وبطلت بس اعرف اقره واكتب كاعد نحجي ومااسمع بس صوت وحده صاحت ها اجتي الخدامة يله خلي تجي تنظف مو نشتغل عدها
حوراء:غفران عيب هيج تحجين تره والله اكول للشيخ عليج
غفران :انتي لا دخلين نفسج لو بيج خير موتسكتين ع كتالت اخوج ومصارله كم يوم من ميت
حوراء:حرام هيج تحجين هيه مالها ذنب بااخوها وهذا قضاء الله وقدره امشي رغد خلي اوديج يم الشيخه شريفة
رغد :مشينا اني وحوراء وعفنا هاي تحجي وحدها حسيت حوراء بنية حبابة احسن من هاي دخلنا يم مرة جبيرة بالعمرة اسمها الشيخه شريفة وجها نوراني وكاعده ولابسة دشداشة سوده وربطه سوده وداكه ع حنجها ويم حواجبها وحلوة وجهه بي امان وحنون تحسين
حوراء:شيخه هاي رغد البنيه الي اجتي فصلية
شيخه شريفة :هلا يمة تعالي بنيتي لاتخافين ادري انتي مالج غرض بالي صار وهذا قضاء الله وقدره وانتي صرتي بنيتنا لاتخافين حبيبتي انتي فدوة لهل وجه
رغد:شكرا خاله الشيخه شريفة:ولج ياخالة ماتشوفيني امشي مثل البطه صيحيلي يمه
رغد :من كالت صيحيلي يمه ظليت ابجي وهيه صافنه عليه شيخه شريفة :ليش يمة تبجين لاتخافين امسحي ادموعج وروحي انتي وحوراء لغرفتج كومي يمة
رغد :حاضر رحنا اني وحوراء طابق فوك بي 3غرف لان كلتلي حوراء كاعد تشرحلي ع البيت وحمامين واحد مال اخوها اسمه فهد من كالت اسمه حسيت نفسي بحديقة مال حيوانات الا شوية ردت اضحك.... ههههههه هسه فهد خوش يخليج تضحكين بعدج مشايفة شي خلي اكمل قبل لا يجي الحيوان اقصد فهد
واحد ثاني بس مال فهد محد يفوت بي ميقبل وغرفة جانت مال محمد الله يرحمه واكو غرفة صغيرة بيها كنتور وجرباية وكومدي بي مرايا يعني مال جرباية فتت الها غرفة نظيفة حوراء :هاي حبيبتي غرفتج واي شي تحتاجي كوليلي لاتستحين وهسه راح انزل ومن يجي السيد علمود نعقدلج انشاءالله
رغد :انشالله
اتمنى تتفاعلون بالقصة حتى انزلها
الكاتبة زهراء احمد
