فهد :كلت ل امي علمود يكولي الملابس واعرف امي راح تدز رغد لان حوراء تنام من ترجع صعدت اني قبلها فتت للغرفه من سمعت صوت مشيها صرت ورا الباب بحيث من فاتت مشافتني واسمعها تحجي ويا نفسها وكاتم ضحكتي
رغد:درت وجهي واشوفه سد الباب بس هذا وين جان احمم اني امي نادية دزتني اكويلك الملابس ها بس اريد اخذهن وانزل شنو اني احجي واريد بس انزل واهذا واكف كبالي ولابس بس شورت واني احجي وهوا يتقرب اني دنكت راسي
فهد:اباوع عليها من تحجي كلما تحجي اتقرب منها لحد ماوصلت قريب منها لزمت خصرها ورفعت راسها بيدي اباوع عليها ع عيونها الي كلهن برائه هسه شنو رئيح نبدي بالعقاب
رغد :ها ياعقاب
فهد:شنو نسيتي قربت يم ركبتها وخرت الشال شنو نسيتي الوحش وعضيتها
رغد :ااااخ فهد والله مو قصدي اكول بس بعدني مامكمله وحطت شفته ع شفافي وصار يعض قوي احس دم طلع منها اني دمعتي عيوني من الوجع وادفع بي مايوخر لحد مااذاني كلش يله وخر
فهد:بست شفتها وادري اذيتها بس حبيت اوجعها وهيه بيدي تدفع وتتأوه اخير شي وخرت لان حسيت بالدم مال شفتها وخرت واشوف شفتها مورمه ودم ع طرف شفتها وعيونها مدمعه خليت اصبعي ع طرف شفتها وايد تمشي ع وجها انتي شنو سويتي بيه
رغد:كلش اذاني ومن كال هيج مادري ليش هاي الفترة كاعد احس اني احب فهد احبه من يجي للبيت واكره من يطلع حتتى من اجيت مااذاني ولا ضربني بس اخاف شعوري يكون مو صح وهوا متزوج يعني اني ابقى فصلية فهد اريد انزل
فهد:ماشي انزلي راحت نزلت ضليت ماعرف شنو اريد فهد اذا انته تريدها وتحبها احجي وياها وسوي نفس مكالت الشيخه شريفة كاعد واحجي ويا نفسي جان يدك تلفون
رافد:ها شوكت نطلع ع شغلتك
فهد :بعد مو هسه من يخابرني الولد نطلع
رافد :اكلك شنو السالفة شو صارت بيها ولد ماتكلي شكو
فهد:بعدين تعرف
رافد :ماشي
فهد :رحت نمت وراها كعدت ع صوت التلفون يدك باوعت الساعه ب 7 شفت رقم الولد الي خليته يراقب خليل العار علمود من يروح للمكان الي يشرب بي ويطلع ناخذه اني ورافد ونكسره
الولد: شيخ هذا الولد طلع من بيتهم وراح لمكان مادري شلونه وهسه اني واكف كبال هذا المكان
فهد:ماشي دزلي العنوان ولاتروح اني هسه شويه واجي
الولد:ماشي شيخ
فهد :خابرت ع رافد علمود يحضر روحه
رافد :ماشي خلي نصلي ونروح
فهد :من اخلص صلاة اجيك
رافد :ماشي
فهد:رحت طلعتلي بنطرون وتيشيرت اسود غسلت وبدلت وراها توضيت وصليت ونزلت اريد اروح لرافد قبل لا هذاك العار يطلع ويا نزلتي رغد كاعد تصعد باوعت عليها ومشيت والله لا اخلي يتوسل رحت لرافد خابرته واجاني واشوف جايب ويا عوده هاي شكو جايبها
رافد :اكلك انته ماكتلي وين رايحين جبت هاي وياي علمود خاف ننكتل انكتل واني مرتاح ضارب احد مو مشبعيني كتل
فهد :😂😂😂😂انجب غير اني وياك
رافد :مو خاف الكاك انته اول واحد واكع كدامي
فهد:ياعار اني الشيخ فهد
رافد:هسه عوفنا ماكتلي وين رايحين
فهد:نوصل وتعرف
رافد :فهد تاليتنا بسببك سجن مؤبد
فهد :😂😂😂😂لا تخاف هذا عار حتى سجن مابي سكتنا وصلت للمكان مال ولد وانطيته فلوس
الولد: تره بعده مطالع من المكان
فهد :ماشي راح الولد وصعدت بالسيارة
رافد :ها
فهد:هسه من يطلع ننزل ناخذه ونخلي بالسيارة ونكسره ونعوفه
رافد:زين انته ليش ماكتلته من الصبح ليش هسه
فهد :سكتت درت وجه وشفته يمشي وينضرب بالحايط نزلتله ونزل رافد جريته جان يغلط ضربته ع وجها وكع بالكاع
رافد : فهد هسه انته ماضربته الا هنا حتى مابيه حيل اشيله شوف ريحته لو شهر اسبح ماتطلع من عندي هل ريحه
فهد :ومنوكلك شيله لزمت رجله وجريته لحد ماوصلت للسيارة فتحت الباب مال سيارة وشمرته ليورة اني شكو جايبك وياي
رافد: يااخي ريحته تلعب النفس همزين ماجبت سيارتي جان هسه نترست ريحه من هسه سيارتك تعقمها ورا ماتخلص لا تره بعد مااصعد وياك ولا انته صديقي ولا عرفك
فهد:😂😂😂😂ماشي رحنا لمكان مهجور ونزلنا وهوا ماكو لاحس ولا نفس شمرته بالكاع ذبيت عليه مي وضربته برجلي عار كوم اكعد ظل يحجي رافد جيبلي العوده مالتك جابها انطاني ياها وضربته ع رجله جان يصيح بصوت ااااخ
رافد :والله مفعولها قوي هل عوده همزين جبتها وياي
فهد:ويا ماضربته كعد ضليت اضرب بي لك عار ونزلت عليه ضرب وغلط ورافد وياي هوا مايشوفنا لان مكان مهجور وظلمه بس مابقينا مكان بي صاحي اني فقدت عليه لحد ماجرني رافد واني مادري بنفسي بس اصيح لك عار لك هاي بت عمك لك يانذل شلون كدرت تلمسها اني الك عبالك انسى الثار وياك صار ثارين كتلت اخوية وهاي ياعار فقدت عليه لحد ما جرني رافد يله عفته
رافد : اكلك هسه شنو نعوفه لو ناخذه
فهد:امشي نخلي بالسيارة وانشمره ع الشارع مالتهم
رافد :اكلك شيله انته اني هسه افكر اوصل للبيت علمود اسبح لو ادري راح اضرب واحد عار وهيج ريحته خايسه جان جبت وياي سطل مي وديتول
فهد:😂😂😂😂لك انجب وتعال وياي شلنا وهذا رافد شايله ويغلط عليه
رافد: اكلك هذا مو نفسه الي ضرب محمد
فهد :اي
رافد :شنو سالفة بت عمه مو نفسها الي صارت فصلية الك
فهد:اي
رافد : معتدي عليها
فهد :من كال هيج ضليت اضرب الستيرن مال سيارة واصيح عار ونذل لك وحده يتمية بت عمه يحاول يعتدي عليها ولا عمها العار ولامرة عمها يصدكوها اتقرب منها تتوسل وتبجي تكلي خليل الله يخليك اعتبرني اختك نزلت من السيارة وجريت السلاح مالتي ونزل رافد وراي كاعد اضربه وجر رافد المسدس مالتي
رافد :فهد هذا واحد عار حرامات تتوصخ بدمه عوفه ياخويه
فهد :كعدت بالكاع واني اتذكر نظراتها وهيه تبجي وتكلي فهد والله معليه طبعا اني رافد اخويه ولما اعرف هوا شنو مااحجيله ولا اخذه وياي بس هذا اخويه
رافد :عوفه وحاول تخلي البنيه تنسى وانته تكول تحبها اعترف الها وكوم هسه تره الريحه خنكتني اريد اروح اسبح
فهد:كمت وصلنا يم الشارع مالتهم وشمرنا وصلت رافد لبيتهم جانت الساعه ب 12
رافد:خوية اعترف الها وكول الها انته تحبها وخلي البنيه تنسى الصار وياها وخليها تحبك ويمكن هيه تحبك بس ماتكولك
فهد:ماشي رحت للبيت فتحت الباب واشوفها كاعده كبالي بالحديقة....
ياترى شنو راح يصير
اتمنى تتفاعلون بالقصة علمود انزلها وتابعوني وتصوتولي
احبكم يااحلى ناس
اختكم الكاتبه زهراء احمد
