غفران :من اجتي هاي الفصلية واني مرايدتها وحتى من تعاركت ورحت لبيت اهلي كعدت افكر شنو اسوي علمود اطلعها من البيت وكعدت انب وامي نفكر شنو نسوي بعدين اجتي بالي فكرة راح ارجع لبيت الشيخ واعرف الاربعين مال محمد مبقى شي الها كلت من يرحون اني ماروح ورغد ادري بيها متروح علمود الشيخه شريفة فكرت اخلي رغد اكلها اريد انظف الغرفة واريد اغير المكان مال جرباية واجيب عصير واخلي بي حبوب منومه واخلي عصام اخويه يجي للبيت ونوديها للغرفة مالتها وناخذ الها صور عود هيه وعصام عدها علاقة بس مااخلي عصام يبين شكله وادزهن الفهد وادري فهد عصبي واكيد راح يطلعها من البيت اتفقت ويا امي وعصام علمود الفلوس بس مها اختي متدري لان هيه مو علينه يعني صح لسان وتحجي بس متقبل بهيج شغلات ماخذه طبع ابوية حتى عمي يرغب الها والشيخه شريفة والشيخه ناديه وفهد وحوراء يعني تحجي وياها اكثر مني رحت ع غرفه رغد دكيت الباب وكتلها اني اسفه ع السويته وياج بس اني مو قصدي انتي تعرفين كل مرة تحب رجلها ومتقبل يزوج غيرها واعتبريني مثل اختج واذا تعتبريني اختج تكدرين تساعديني كاعد انظف الغرفه واريد اغير مكان الجربايه
رغد :عادي مصار شي اي عادي رحنا للغرفة مالتها وغيرنا مكان الجربايه جان تكلي اني راح انزل اجيب عصير اني ماريد
غفران:لا غير اني وياج يعني اذا متردين بعدج مامعتبرتني اختج
رغد:لا راح اشرب وياج نزلت بس اني صافنه ع حجيها شلون هيج تغيرت صعدت انطتني العصير شربته بس طعمه مادري شلون شربته وكتلها راح اروح لغرفتي كمت وياماكمت وكعت ع الجربايه وبعد مادري شنو صار وراها كعدت لكبت نفسي بالغرفه مالتي
غفران :من وكعت ع الجربايه خابرت عصام اجاني فوته للبيت وصعدته للغرفه جان يكلي
عصام :هيه هاي الفصليه مال الشيخ
غفران :اي
عصام :اكلج خلي انام وياها وماريد الفلوس
غفران :اسكت وخلي ناخذ الصور واطلع
عصام :ماشي
غفران : خليت عصام ينزع فانيلته وينيمها ع صدره فتحت شعرها وخليتها تبين كاعد تبوسه واخذت كم صورة وكلت لعصام خلي نسوي الجربايه علمود من تكول جنت يم غفران اعدل غرفتها اكلهم جذب وخلي نوديها للغرفه مالتها عدلنا الجربايه ودينها للغرفه وطلع عصام واني نزلت يم الشيخه سئلتني عليها كتلها يمكن نايمه وراها نزلت رغد
رغد :كعدت دايخه نزلت جوى يم الشيخه شفت غفران يمها سئلتني
الشيخه شريفه :ها يمه شبيج شنو جنتي نايمه
رغد :مادري شيخه جنت يم غفران اسوي وياها الغرفة وراها دخت ونمت لكيت نفسي بالغرفه مالتي
غفران :شوكت اجيتيني اني جنت نايمه ومن كعدت غسلت ونزلت للشيخه
رغد :مو انتي اجيتي كلتيلي تعالي نسوي الجربايه
غفران :شنو شبيج شوكت اجيتج
الشيخه شريفه :يمه خاف انتي مريضه من يجي فهد كوليله ع هل سالفة
رغد :ماشي رحت للمطبخ بس اكول غفران ليش كالت هيج كلت من تجي حوراء اكول الها رحت صبيت غده واكلنا اني والشيخه وغسلت المواعين وراها اجوي فهد والشيخه ناديه والشيخ زامل وحوراء بس تعبانين مبين عليهم رحت سئلتهم اذا جوعانين كالو مانريد تعبانين رحت غسلت ملابسهم وحضرت الحمام الفهد وملابسه ونزلت اجاني فهد رغد حضريلي الحمام اريد اسبح وانام كتله محضرتهن راح صعد يسبح وراها الشيخ والشيخه نامو وحوراء ماشفتها بس من راحت تسبح وراها رجعت للغرفه يمكن نامت والشيخه شريفه نامت صعدت فوك لكيت الغرفه ضلمه وبارده وفهد نايم رحت نمت يما وراها كعدت نزلت يم الشيخه شريفه ويمها الشيخ والشيخه ناديه سويت جاي وكعك وراها اجتي حوراء وكعدنا نحجي كتلها حوراء اريد اكلج شغله
حوراء :كولي
رغد :سولفت الها ع غفران ومن حجيت كدام الشيخه تكلي شمو شوكت اجيتي والشيخه كلتلي انتي مريضه كولي لفهد
حوراء :مادري شنو اكلج بس اني غفران مااطيقها واحسن شي تكولين الفهد
رغد :ماشي رحت سويت عشى اكلنا وغسلت المواعين وراحو الشيخ والشيخه نامو والشيخه شريفه نامت واني كعدت يم حوراء نحجي وراها حوراء نامت صعدت فوك للغرفه فهد نايم رحت نمت يما كعدت الصبح فهد ماكو سمعت صوت المي بالحمام عرفت كاعد يسبح وراها غسلت ونزلت حضرت الريوك وصبحت ع الشيخه شريفه والشيخ والشيخه ناديه واجتي حوراء ونزل فهد اكلنا وغسلت المواعين وراح الشيخ عنده كعده والشيخه ناديه يم الشيخه شريفه وحوراء راحت للكليه وفهد طلع ويا رافد رحت نظفت وسويت الغدى ورحت يم الشيخه شريفه كاعد نحجي وماحس الا ايد جرتني....
ياترى شنو راح يصير
اتمنى تتفاعلون بالقصه علمود انزلها وتابعوني وتصوتولي
احبكم يااحلى ناس
اختكم الكاتبه زهراء احمد
