رغد :فهد مو كلت البسي عباية هاي لبست حتى المكياج مسحته بعد شنو
فهد :مو جنتي لابسه فستان ليش نزعتي جان لبستي فوكا العبايه
رغد :فهد ماكدر امشي ماعرف للعباية
فهد:والكعب ليش مانزعتي
رغد :العباية طويله حوراء اطول من عندي وعبايتها طويله عليه يعني مادري شلون راح امشي بيها
فهد :ماشي
رغد :طلعنا جان حوراء تكعد ليوره كعدت اني يما والطريق كله نضحك اني وحوراء ماكو لا اغنيه ولا شي
وصلنا للمول نزلنا اني ورغد وهوا نزل
فهد :امشن كدامي ومترفعن راسجن وضحك ماريد
رغد :ادري وين رايحين فاتحه
حوراء :😂😂😂😂اسكتي انتي لا هسه ننكتل
رغد :فتنا للمول رحنا ع محلات مال ملابس كاعد افوت جان يلزمني فهد من هسه مو تجيبين ملابس مخصره لو كصيره
رغد :ماشي فتنا اني وحوراء وهوا واكف بالباب اشتريت تراكات واشتريت دشاديش جان حوراء جابت دشاديش كصار اكلج هذني حلوات اي
حوراء :هاج لعد هاي الج
رغد:فهد ميقبل كلي لا تشترين لا كصير ولا مخصر
حوراء :معليج بفهد البسين بالغرفه بعدين احنا منو عدنا اشو بس اني وياج وامي والشيخه شريفه وابويه مايجي الا باليل وكت الغدى لو موجود لو طالع عنده كعده لو يغار عليج من شريفه 😂😂😂😂
رغد :😂😂😂😂امشي خلي انكمل شوفي كاعد يباوع رحنا كملنا الملابس وراها رحنا ع محل يبيع فساتين عجبني فستان ابيض اخذته واخذت بناطير ادري فهد ميقبل بس اخذت واخذت بديات اني وحوراء شنو نشوف ناخذ 😂😂😂😂 وراها رحنا ع محل مال ملابس داخليه وهاي فهد عافنه وراح يم مطعم قريب من شافنا فتنا لهذا المحل 😂😂😂😂واني وحوراء نضحك اشترينا ملابس داخليه جان حوراء تجيبلي سيت مال نوم حلو حوراء ماعرف البس هيج
حوراء :😂😂😂😂اكلج اسكتي لااكول لشريفه عليج تره شريفه لزمتني وجيبيلها هاي وجيبيلها مكياج اذا رجعت وماجيبتلج شي بالعصه مالتها تكرمعني امشي اخذي واسكتي عسى ما تلبسيهن لشريفه المهم تاخذين
رغد :😂😂😂😂واني اكول عليمن فهد منحرف طلع ع شريفه
حوراء :😂😂😂😂
رغد :كاعد نضحك جان يخابر فهد ع حوراء
فهد :كافي تتمضحكن ويله تعالن خلي نروح
حوراء :ماشي
رغد :سمعت شنو كال الها طلعنا جان يجي فهد يله خلصتن
حوراء :لا بعد ناخذ عطور ومكياج
فهد :ماشي
رغد :رحنا لمحل مال مكياج وكعدت حوراء تشتري اليه والها بعدين طلعنا ع محل مال عطور اكو عطور حبيتها اشتريت منها اني وحوراء وراها طلعنا وصلنا يم المحل الي شترينا من عنده فساتين جان تكول
حوراء:فهد اكو فستان هنا اريد اشتري
فهد:من جانن كاعد يتشرن عطور ورغد ملتهيه اجتني حوراء ها شبيج فهد اليوم عيد ميلاد رغد واريد اشتريلها هديه عجبني فستان هناك يم ابو المحل الي جنا يما خلي من نطلع اشتري
فهد :ماشي ظليت افكر شنو اجيب الها بعدين عرفت طلعنا جبت عشى من المطعم وكفت السيارة جبت الهن موطه وراها كتلهن راح اروح لمحل تعالن وياي نزلن رحت لمحل مال ولد صديقي سلمت عليه وهنا يمي كتله اريد حلقة طلعلي الحلقات اخذت ايد رغد وكعدت اقيس ع ايدها وهيه تباوع عليه وحوراء بس تضحك
رغد :من خلصنا وجبنا اكل من المطعم وفهد نزل جاب النا موطه جان يكول نروح لمحل وننزل ويا نزلنا باوعت هذا محل مال ذهب سلم ع الولد جان يكله اريد حلقات اني كلت شنو راح يتزوج فهد جان ياخذ ايدي وكعد يقيس بيها ظليت اباوع عليه جان يكلي يله اختاري ياهيه عجبتج باوعت ع وحده عجبتني اخذتها جان يلبسني ياها واني اباوع عليه وعيوني مدمعه جان يكلي يله اختاري طقم الي يعجبج عجبني طقم اسوار ومحبس وكلاده وتراجي اخذتهن طلعنا من المحل رحنا للسيارة شكرا فهد
فهد :ياروح فهد
حوراء :احمم
رغد :😂😂😂😂ضلينا نضحك عليها اني وفهد وراها وصلنا للبيت نزلنا ونزلنا الغراض وفهد نزل ورانا فتنا للبيت جان اشوف كدامي....
منو تتوقعون شافت رغد
اتمنى تتفاعلون بالقصه علمود انزلها وتابعوني وتصوتولي
احبكم يااحلى ناس
اختكم الكاتبه زهراء احمد
