لايك قبل ما تقرا وكومنت قبل ما تقرا ولازم توصلوها ل500كووومنت انطلقووو
#ويامحاسن_الصدف
اعــلان🍃
بقلم :فاطمه سالم الورفلي
.......
.............
نستنـى في خوي بيجيب بنزينه من فوق السطاح... قعمزت على المرشبيدي وطلعت تليفوني من جيبي.. لقيت رساله من "رحيل "... وكانت الرساله "ياريت الامهات عقرن لا جيت نا لا جا جارحي "... قريتها وتنهدت.. وبعتله
اني :شن قصدك!
رحيل :شي يازينب... غر اركبي على الدروج وقابليني بحدا شجره الزيتون اني
اني تنهدت... و واسيت وشاحـي..ركبت درجتين وقابلني...رحيل عيونه دابلات ومن تحتهـن سواد... وشعره منكـوش... وجعني حاله.. فتحت تليفوني وكتبت ...
اني :رحيل... لازم ترجع لقرايتك باش تكون روحك لان بوي هكي مش ح يوافق عليك! " وبعتت الرساله "... وقعدت نشوفله... شوي طبس راسه وفتح تليفونه وبدت ملامح وجهه تتغير وطارتله... شبحلي شبحه اخييي... وصكر تليفونه وخش لحوشه.. وشوي سمعت خطوات على الدروج...التفتت لقيت خوي " الصديق"
الصديق داهش:هيا زينب هاك قصيها الشيشه هدي باش لما نصبوا البنزينه منها للماطور ما تتبزعش البنزينه فهمتي!
انـي هزيت راسي بمعنى اي :فهمت فهمت "وخديت الشيشه... وقعدت نقص فيها وشاغل عقلي رحيل .. مافطنتش بي شي... لين حسيت بوجع في ايدي... شفت لايدي لقيتها دم وصبعي مجروح... اخخ مشش وقته افف... لفيتها بكتانه ومشيت لي الصديق عطيته الشيشه وخشيت داويت صبعي في داري..
مرت بوي " سالمه " :اسمعي باش توتي روحك ره غدوا بنسقدو لتونس
اني نشوف لصبعي ونتوجع :اخخ اوك به باه
سالمه :مش ترهنيني... ره الصبح بنسقدو ما تغششينيش يا اما اقعدي مع عماتك
اني :لالا بنمشي
سالمه :خلاص مالا وتي روحك من توا
.....
وبالفعل وتيت روحي.. ورقدت والصبح حسيت بي شي ح يصير..قعدت نكدب في روحي لعند اسقدنا لتونس واول ما وصلنا صار شي لا على الخاطر ولا في الحسبان..... يتبع
الروايه احداثها قوووييه تفاااعلو وكومنت ولايك وشير لانه الروايه تستحق ❤
#فاطمه_سالم_الورفلي
