لايك قبل ما تقرا وكومنت بعد ما تقرا.... قراءه ممتعه🍃
#ويامحاسن_الصدف
الحلقه :التاسعه عشر
بقلم :فاطمه سالم الورفلي
.....................................
...............
عند قتيبه :
قتيبه توتر :ماهو صيدلتي هنا
سالمه :اهااا اييي كويس... باهي مالا مرات نستحقوك
قتيبه :ما يهمك شي
-وشوي... وانفتح باب الخلفي... قتيبه اول ما شاف خالد نصدم... تخدرر تماما...
قتيبه طبس راسه وغير صوته :اني بحدا السياره تلقوني "وسرع سرعته ... ومشي ادرق وراء السياره "
خالد داهش ويكركر في الجثه ولابس كمامه من الريحه :تعال يا رحيل ساعدني زود
رحيل :زعما خيره
سالمه مصكره خشمها بالكمامه:تي غر عدي مش وقته الكلام هدا.... عدي فيسع
رحيل شاف خالد... وقربله معاش قدر من الريحه... قعد يستفرغ..
سالمه تقرفت وتبعدت :يا عليك قرف.... تي هيا خف روحك عن حد يفطنله
رحيل يلقط في انفاسه...وكتم نفسه وقعد يجر في الجثه بقوه... لعند طلعوها... تبعد عنها وقعد يتنفس... و داهش
سالمه :عدي نادي قتيبه يساعدنا
رحيل داهش :مش قادر مش قادر... تعالي انتي خلاص
سالمه تأففت... وربطت الوشاح على وجهها... وقعدت تكركر في الجثه هي وخالد...وبعدين جاهم رحيل ساعدهم...لعند وصلو لسياره
سالمه :افتح الكوفني يا قتيبه افتح
-شوي لحظات.... وانفتح الكوفني .. وحطو الجثه بعد معاناة...
سالمه :اخخخ شن هدا... ما عمريش شميت ريحه زي هدي.... وووه وخلاص
خالد صكر الكوفني:ماهو ما غسلناشي
سالمه :يا عليك جو وخلاص... وليش به
خالد :تي شن ليش... وكيف بنغسلوه؟... صكرنا عليه القسم ونسيناه... لين الريحه قعدت قويه وخفنا حد يشمها
سالمه نفضت ايديها :خلاص توا الامور تمام
خالد :تمام تمام... بس توا بنوقفو اللعب شوي خايف حد يشك... لان تعبت طول الليل على اعصابي
سالمه :تمام تمام خلاص اصلا توا صعب... خلي نرتب اموري وساهل بعدين
خالد :امتى بتروحي لي ليبيا؟... حسيتك قعدتك هنا طولت!
سالمه :معاش مزال هلبا... شويه ايام ومروحه
خالد :توصلي بسلامه.. هي مالا اسقدي
سالمه :ان شاء الله... تمام هي مالا بنتوكل
خالد :في امان الله
.....
ركبت سالمه هي ورحيل... وولع السياره قتيبه بدون ولا حرف...
سالمه :وصلني اني لي شقتي
