ويامحاسن الصدف

الخامسه عشر

لايك قبل ما تقرا وكومنت بعد ما تقرا... قراءه ممتعه🍃
#ويامحاسن_الصدف
الحلقه :الخامسه عشر
بقلم :فاطمه سالم الورفلي
....................................
.........
عند زينب:
بس اني ما جبتش حوايج معاي!.... يعني مش عندي الرقم!... يعني قاعد في الشقه!.... وااك ياربي واااك.... قعدت نفتش في جيوبي... لين لقيت كاغط... فتحته.. ولقيته مكتوب عليه " قتيبه ".. حمدالله واخيرررا... حمدالله انه لبست نفس اللبسه لي تلاقيت بيها معاه.... فتحت تليفون... وقعدت نسجل في الرقم واتصلت وعلى طول رد... بس سمعت صوت سالمه... اي اي صوت سالمه.... كيف وصل فيها!.. كيييف!...

-فلاش باك 🍃

قتيبه :من توا بيكون سكنك في العمارة لي قدامنا... اما سالمه ح نلعب عليها لعبه تنشغل بيها لعند يجي الوقت... لي يكون عندنا فيها دليل باش نفضحوها..

اني بدون ما نشوفله:وشن هي اللعبه

قتيبه :عطيني رقمها بس..

اني فتحت تليفوني وحطيت على رقمها وعطيته التليفون...وهو خداه التليفون... وخدي قلم ورقه...وسجل الرقم في الورقه

قتيبه مبتسم :تمام توا... اطلعي طول تلقي مخبز وفي جنبه فندق... خشيله وقوليلهم اني من طرف قتيبه... وخلي الباقي عليا..
...

اني :تمام... اني نبي نروح توا مالا للفندق... لانه راسي مصدع..

قتيبه :تمام... بنسبه للدبش وماكله كله ح يكون متوفر... بسسسس كل المطلوب منك انه ما حدش يعرف عنك انك هنا وبسسس... متفقين!

اني حطيت ايدي على راسي حاسه روحي مصدعه :اوك متفقين...

قتيبه :تمام... توا بسلامه

اني تنهدت :سلام

.....

-انتهى فلاش باك 🍃

...............
...
حطيت ايدي على راسي... قداش اني غبيه... غبيييه... غبيييه... شن لي درته في روحيي...

قتيبه :الوو

اني فطنت لي روحي :احم... نعم

قتيبه :معاش تتصلي بيا يا زينب... وديري لي بديريه... بوك مات وشبع موت " وصكر الخط "

....
.........
-شن لي قاعد يصير؟..... شن في!... خديت التليفون شفت الاسم نزيد نتأكد لقيته.. "قتيبه "...... لالا في شي غلط؟... لالا بالك الرقم غلط!... خديت الورقه... وقعدت نشوف بالرقم... كيف به!... بالك الرقم مش ليه... وشوي قعد الباب يطقطق بلقوه.. لين رعشت.. شديت على التليفون بيدي بقوه... اكيد هدا رحيل!... قدمت خطوه وخطوتين... وتلاته... خديت نفس... وبلعت ريقي... شفت من عين السحريه... شفت شعر منكوش... زي شعر رحيل!... وخرت شوي... وقدمت... بان عليا شخص اسمر بطريقه مغبشه... تنهدت... رمشت عيني.. وقعدت نشوف... شفت رحيل... اي اي رحيل... قعد على الباب بقوه...

رحيل :افتحييي... افتحييي... افتحي ولا نقفع الباب... افتحييي... كنت عارف ان في شي وراك... افتحييي