ويامحاسن الصدف

التامنه

لايك قبل ما تقرا وكومنت بعد ما تقرا... قراءه ممتعه🍃
#ويامحاسن_الصدف
الحلقه:التامنه
بقلم :فاطمه سالم الورفلي
........
.............
- وبـ انـغـام فـيـروزيـةه... مع كتلة من المشاعر... المتعبه... والانكسار...مدمجه بـ الحقد والحسد والانتقــام.... ستتجـد وتمثـل وتتبرمج من الان .... في حـكـايـة زيـنـب🍃... بعد ان كـانـت تمتلـک كتلـة من الحب والجنون... والتحدي لأجـل من خذلهـا....
...........................
..........
عنـد زينـب🌸
ولقيت الرمز والبريد... طلعت من ايميلي... حطيت بريد والرمز ودرت تسجيل دخول وكاااااانت الصدمه الكبرى... لما وصلتني رساله على ايميله وكان مكتوب فيها .. "لازم تقتل زينب .... بدت حركاتها تخوف لدرجه يومها ضربتني ... الباين عرفاتك انت في اللعبة.. "....شهقت و قـعـدت نقرا في الرساله مره واثنين... وتلاته واربعه... لين استوعبت...حطيت ايدي على فمي... ورفعت عيوني بنشوف باقي الرسايل... ونتفااجـئ بأنه هدي سااالمه!!!... هدي المخلوقه من شن مخلوقه... هدي شن عندها؟... تي هدي ما عندهاش... لا قلب ولا ضمير ولا احساس... ولااا حتى ذرة انسـانيييةه!!!... طووول طلعت من الفيس وخشيت على الاسماء... خشيت على رقم عمتي " فجرية"... و.... يتبع
..............
.......
عند عماتها..
في قلب بـلادي الحبيبـةه "لــيــبــيــا".. وعلى بدايات غـروب الشمـس.... ونهايه اصـوات اذان الـمغـرب🍃... " ملتمـات عماتي ومعاهن اجديـدةه.. "

فجريةه تبكي وتشهق :هز الشوق حنايا الخاطر هدر دمعك يا عين ماطر

خطرت انت مسحت دموعي خطرت انت نورت شموعي

يللي حتى وانت مباعد وين تخطر تهدى الخواطر

اجديدة تكشخ :فجرررية اللطف ياربي اللطف نوضي صكري الخارب وصلي صلاتك... تقول ابصر من متوفي

فجرية :يااام مشغوله على اوخيي قريب يصكر عليه شهر وما نندرو عنه حي ولا ميت

اجديده شهقت :بعيد السو عليه وليدي...ترا نوضي صلي صلاتك وقشي هالحوش ولميه لابدة قريب تروح سلومه تاعبه

فجرية :يام امتى بتقتنعي انه سالمه شيطانه وحده شيطانه رجيم... ما تخاافش ربي والله لولا اسميهان تخاف منها راهو قتلت زينوبه...ومره..

اجديده قطعت عليها وكشخت :تحششمي نووضي فييسع تحرکـي من مكانك ... لي يسمعك ما تقولش كانت صاحبه نزيهة الله يرحمها... كانت هي وياها راسين في شاشيه

فجريه :تي غايره منها... شن تقولي انتي يام بس... وربي اني بووودني بودني اهيا لي بياكلها الدود سامعتها تبي اديرلها حاجه ومش بعيد هي سبب موتها

اجديده استغربت :وشن سمعتي يا متروشقه

فجريه :..... يتبع
......
..............
عند زينب:
خشيت على رقم عمتي " فجرية"... ورن التليفون مره واثنين وتلاته... ماردتش... اني لازم لازم ندير حل لي سالمه... ولا نضربها زي مره لي فاتت... ولا نرجع لي ليبيا!...اي اي نرجـع لي ليبيا...بسسس لااا وقتيبة؟.... تي شن دخل قتيبه!... اني كل همي في كيف ناخد حقي... وشوي سمعت صوت حركه!... زعما منو!!!... نضت وطلعت من الدار... لقيت بهرة ضي في الممر!... ودنيا كلها ظلام!!!.... بسم الله هدا شن !.... بلعت ريقي بخوف... وحسيت بشي وكأنه ايحاء قال لي "ماتمشيش البدي... تبعدي... ماتمشيش ".. لين رعشت.. ونمشي على روس صوابعـي.. واول ما وقفت في عتبة باب الممر... شفت سالمه تقول بتوشويش...