لايك قبل ما تقرا وكومنت بعد ما تقرا .... قراءه ممتعه🍃
#ويامحاسن_الصدف
الحلقه :العشرون مقابل الاخيرة
بقلم :فاطمه سالم الورفلي
.......................
عند سالمه :
سالمه شهقت :هو انتت؟
:هههه كنتم ساااهلين هلبا وساهل لعب عليكم
سالمه :اسمع يا قتيبه تعرف لوو بس لوو حاولت تكشفت الاوراق... ما تنساش انك انت لي دفنت الجثه يعني احني وياك في الهواء سوى
قتيبه ضحك وقعمز على الكرسي قدامها :نفهمه هدا تهديد منك يعني؟
سالمه عقدت حواجبها :وشن رايك
قتيبه :اممم رايي انه خلاااص لازم الكل ياخد حقه... و المظلوم يرتاح والظالم يتعاقب
سالمه ابتسمت: صعب مدام اني هنا
قتيبه :ما تحاولييشش اديري شي.... تليفونك عند النيابه واوراقك وجواز السفر حتى يعني ما تقدريش تتحركي من هنا مدام اني موجود... ونحب نعرفك على نفسي اني الشرطي قتيبه يا سمحه
سالمه نصدمت :هدا شي ماليكمش الحق فيه
قتيبه :لا لينا الحق فيه... واهلا وسهلا بيك يا ضيفتنا توا قعدتي من عيلتنايا سمحه
سالمه خافت :شن قصدك!
قتيبه :قصدي.... يتبع
تعااالووو نعرفو شن لي صار بغيابنا 🍃..
.............
.....
عند قتيبه :
قتيبه صكر عليه الروشن...وقعد رحيل يخبط على السياره....وطلع بيها رابعه وحرق العجل...وسطرب عليه ... وطبعاا قتيبه على طول مشي دفن الجثه.... و مشي لي مكان لا على خاطر ولا على البال واللي هو شارع نوفمبر واتصل بي سندس
قتيبه :خير قتلك توا طول على طريقك امشي للمركز... وقولي على مكان لي كنا فيه لي هو بحدا فندق هيفين في الجربه
سندس :اوك يا سي قتيبه.... دقايق وبيكون البوليس في جربه
قتيبه :مليح وزي ما قتلك اني ما تجيبيش اسمي متفقين؟
سندس :اوك اوك متفقين
قتيبه ضحك :سندس.... راهو عارفك انتي وين.. في شارع نوفمبر وتوا تبي تركبي تاكسي.... كل شي يوصل فيا بتفصيل شن اديري ووين انتي.... يعني لو لعبتي معاي.... معناها لعبتي بي عداد عمرك يا سندس
سندس خافت وقعدت تتلفت يمين ويسار :انتي وين .. انتي مش بشر انتي شيطان
قتيبه ابتسم وقعد يشوف لتليفونه التاني... يشوف فيها كيف خايفه :ليش خايفه بس؟ ..... ههههه هيا بس هيا امشي للمركز خييييرلك
سندس :حاضر حاضر "قعدت تجري وخايفه "
قتيبه :ايوه اي اي زيدي اجري زيدي ههههه
سندس :حسبي الله ونعم الوكيل فيك .. انا لي غلطت وقت وثقت فيك
قتيبه :هياااا امشييي وخلي الخط مفتوح تصكري تنقتلي
