ويامحاسن الصدف

السادسه عشر

لايك قبل ما تقرا وكومنت بعد ما تقرا... قراءه ممتعه🍃
#ويامحاسن_الصدف
الحلقه :السادسه عشر
بقلم :فاطمه سالم الورفلي
.........................
......
عند زينب :
الربسبشن :عفوا يا الاخت... وين خارجه.. سي قتيبه قالك ما تخرجيش... يا اختي 

اني طنشتها... وطلعت... و ياريتني ما طلعت....لانه لما طلعت لقيت رحيل...

رحيل ضحك :محلاها الصدفه محلاها.... اخخ وتوا تبي تركبي زي اللا... ولا زي النعجه نكركر فيك

اني نصدمت.... وخرت خطوتين لاوراء...شفت الريسبشن خايفه وتتصل..

رحيل فنص فيا :اركبيي

اني قعدت جامده في مكاني... ومش عارفه كيف نتصرف... والشارع فاضي لانه ليل...ورحيل قعد يقدم واني نوخر... وهو يقدم... واني نوخر... لين سمعت صوت سياره درست... والضي جي على عيوني... طول التفتت... وحطيت ايدي على عيوني من قوه الضي ... يادوب نشوف... باب السياره انفتح... وتقدم شخص.. واني في داخلي ندعي انه يكون قتيبه... وهو كل خطوه يقدمها ندعي... و خطوه على خطوه... شفت قتيبه  ... اي اي قتيبه... قتيبببه مش مصدقه... لالا مش مصدقه... كنت عارفه مش ح يخدلني... ولا اراديا ابتسمت... وحتى من عيوني ضحكو... بس زالت ابتسامتي... لما شفت "ســالــمـــةه".... بهتت ابتسامتي... وروحي... و مشاعري....

رحيل بهزوه:اركبي بهداوه خيررلك يا حلوه

اني بثقه:مانيش

رحيل طلع سلاحه... و وجهه عليا... وسحبه.. وقال :اركبيي

اني خفت... قعدت ساكته شوي... وقلت بصوت مهزوز :م... مششش... ح ن.. نر... نركب

-...رحـيل ضغط على الزناد... واول ما سمعت صوت السلاح طبست وطحت على الوطا... طول جت الطلقه على طاولة الريسبشن....

قتيبه : طلقه فيها خساره

رحيل بضحكه :اي والله...رصاصتي غاليه والهدف رخيص

قتيبه :تي طبها وريح راسك

-اني قعدت نرعش مع بعضي... ونترجى في قتيبه بعيوني... مش مصدقه  .. لي قاعده نسمع فيه... ونشوف فيه .. ما حسيتش على شي... لين رحيل مكتفني ويكركر فيا للسياره... واني من حراره الروح نقاوم فيه ونعيط... وهو يغم فيا ... لين نهد حيلي... واستلمت... وهو فتح الباب ولوحني في السياره... وركب وصكر قفل البيبان... وطلع بيها رابعه.. قعدت نشوف... على  روشن... ولي اخر لحظه نستنى في قتيبه يساعدني... ينقذني... يوقف جنبي.. يسندني... وطول الطريق رحيل ساكت... ونظراته كلها ليا... شماته... خبث... حقد... اول مره نشوفههن... بجد كنت منعميه... كيف ما كنتش فاطنه لشي هدا... مش معقوله هدا رحيل... مش معقوله هدا نفس الشخص... لي ليا تلاته سنين.... تلاته السنين متواصله... كلها حب... وغرام... واتصالات... وحكايات... ولقاءات.... تمنيت الهواء الخفيفه... لي تداعب في وجهي... تمنيتها... ترفع معاها الوجع هدا... ترفع معاها الحرقه والغصه والقهرة... لي في قلبي... وترفع شوقي لي " ابي "... ترفع كميه معاناتي بعد فراقه لي " بابا "... وترفع.. وترفع.. وترفع يااااما حكاوي... و وعود... كانت وصارت " وهـــمـــيـــةه تـــمـــامــا" .... فاجئه درست السياره... و فتح بابه نزل رحيل... وفتح الباب عليا...قعد يشوفلي ونشوفله... نبي نحكي ياما كلام... بس مش ح عارفه من وين نبدا... او شن نحكي.. او شن بنحكي... او كم بنحكي حاجه وحاجه... بس طبعا وللاسف مش ح يحس  .. ولا ح يفهم... ولا شي.... تنهدت بقلة حيلة وحـيل... غمضت عيوني وشفتله.. ضحك وقال

رحيل :شوره عجبك التكركير!... تي نوضي خيرلك... ره نكسر راسك

اني طبست راسي... ونزلت... قدمت كم خطوه.. تبعدت بيها عنه... وبدون ما نحس  .. هربت... هربت قعدت نجري... بخوف... نجري بوجع... بضعف... بتعب... ونسمع في صوته وراي ويعيط... واني نجري... وخايفه نطيح... نجري بقوه... بقوة مش موزونه... خايفه نطيح ويشدني  .. نطيح ويقتلني.. قعدت نجري.. ونبكي... وحاسه بيه يجري وراي... خايفه يلحق عليا.... و ..... يتبع

.................
بقلم فاطمه سالم الورفلي
.........
عند قتيبه :
قتيبه نصدم... وفهم انه سبب اتصالي بهدا السبب... تنهد... وكتب :اها اوك... ان شاء الله مش ح تتكرر المشاكل...

الفندق :بس الطفله في الوقت حالي خرجت..

قتيبه اول ما شاف الرساله ... تغيرو ملامحه.. وطول صكر تليفونه... و ولع السياره...

سالمه :وين ماشي بيا؟

قتيبه بتكشيخ:ما نبيش نسمع حرف... " حرق العجل... وطلع بيها رابعه... وقعد يجتاز في السيارات لعند....وصل... وشـافني... درس السياره... ونزل... قعد يشوف فيا قداش مهزوزه... وخايفه... واول ما شفته... شافني فرحت... ضحك وقعد ساكت...ويتمتع بالمشهد... فتح تليفونه... وبعت رساله كتب "تعال في شارع نوفمبر.... "... فاتت دقايق... والتفت لقي سياره الشخص جت... وشبحلي... وقال

قتيبه : طلقه فيها خساره

رحيل بضحكه :اي والله...رصاصتي غاليه والهدف رخيص

قتيبه :تي طبها وريح راسك

.....
قعد يشوف لي رحيل... وهز راسه لي شخص... واول ما فاتت سياره رحيل لحقتها سياره تبع قتيبه.... و قتيبه ركب سيارته...

قتيبه :احسن ما دار رحيل... خلاها لي يجيها شويه...

سندس :حرام عليك... ما ينفعش الكلام لي تقول فيه

سالمه سكرت الباب :تبي تفضحنا.. قداش ليها تربش... خليها باش مره تانيه تهني روحها

-سندس قرنت حواجبها وشبحت لي قتيبه

قتيبه ابتسم وهز راسه :ترا اتصلي بي رحيل ... شوفيه وين بيرفعها

سالمة :ما عنده وين رافعها.. لابدة لي فندق هيفين

قتيبه :هممم... ايي كوييس... وين دفنتوه الراجل

سالمه :مش عارفه... بس غير رايك انت

قتيبه رفع حواجبه:ماغيرتش رايي... غر عندي معاه حساب الشيباني ونبي نصفيه...

سالمه ضحكت :وبتصفيه على رقبه بنته؟

قتيبه ابتسم :عندك شك؟

سندس تنهدت :هبطوني... هبطوني... نبي نخرج من كرهبه

قتيبه استغرب :خيرك

سندس :شي.. نبي نهبط... افتحلي door افتح

قتيبه سكت... و ولع السياره

سندس :انا قلت افتحلي باش تفهم انتي

قتيبه قعد ساكت... ويطلع من شارع يخش لي شارع...

سندس :نتصل بي البوليس ونقوله شنوا لي تعملو فيه... ولا تهبطوني

سالمه خافت :شن شن... مالا نسيتي انك معانا يا للا ... من الاول قبل ما نجي لي ليبيا متفقين وعلى شروط

سندس :.... يتبع
...............
.....
رايكم وتوقعاتكم... وتفاعلووو حبايبي... طبعا كتبتها واني جوي مش حلو... بس كتبتها على خاطركم حبايبي ❤وان شاء الله تنال اعجابكم 💁
#فاطمه_سالم_الورفلي