لايك قبل ما تقرا وكومنت بعد ما تقرا... قراءه ممتعه 🍃
#ويامحاسن_الصدف
الحلقه :اثنى عشر
بقلم :فاطمه سالم الورفلي
......................................
............
ني :قتيبه شن في؟
قتيبه تنهد :اصبري بس ما تستعجليش
اني :وترتني شن في احكي
قتيبه :كل خير كل خير... اصبري بس
اني تأففت.. وقعدت نشبح للباب... وشوي وتخش بنت ما كنتش متوقعتها في حياتي ابدا وكانت هي نفسها الممرضة لي خدت مني بوي...
-فلاش باك
استغليت انشغال سالمه بالريسبشن ... وشفت رمز لي يكتبو فيه باش يخشو للحجره... ودرت الرمز وخشيت... لقيت بوي بعيد عنهم شوي وهم وراء الستار يجهزو في العدة... شوي شفت.....رحيـل!!!!؟...
اني بصوت واطي :انت شن ادير؟
رحيل قربلي وقال :انتي شن تبي
اني شبحت لجيهة الستار :ساعدني نطلع بابا بسرعه
رحيل :ليش
اني فنصت فيه... وكان بابا متخدر... فكيت قفل العجلات... وحركت السرير اني ورحيل للباب ودرت الرمز... وهوووب بنطلع بيه خلاص... وقفني صوت الممرضة...
الممرضة :انتي يزي شنوا لي تعملي فيه انتي
اني :بسرعه رحيل بسرعه طلع بابا هيا
رحيل طلع السرير شوي... وهجموا الممرضين..
الممرضة :يا سي محمد ايجي ياسي محمد فيسع
"وجو الممرضين وفكو منه بابا بقوه وطلعونا "
انتهى الفلاش باك ....
...........................
.........
وهي اول ما شافـتني خشت في بعضها... وخافت... قعدت واقفه في مكانها وتشوف لي قتيبه...
قتيبه ضحك :تعالي تعالي يا سندس
سندس بلعت ريقي وشبحتلي شبحه خطف وطبست راسها... وكل خطوه تخطيها تشوفلي...لعند وصلت جنب طاوله...وقعدت تشوف لقتيبه..
قتيبه :احكي يا سندس شن لي صار من اول يوم
سندس الفتتلي وسكتت...
قتيبه :احكي ما تخافيش مش ح اديرلك شي...
سندس بلعت ريقها وتنهدت :قبل شهر ونص صفا... استدعوني في حجره العمليات... على اساس بتكون عمليه تحويل حصوة من الكلوى...وكانت الامور في الجبن... وما كنتش نعرف حاجه... بس لما شفت الطفل لي كان معاها... كان يعمل للسرير حركه مزعجه... قريب خربو... ماكنتش نعرف اصلا يبو يهربوه الراجل... ولما شبحلي الطفل قال لي بصوت خفيف.. "تعالي "... وباقي الطاقم هجمو عليهم... واخدو الراجل... و بعدين صار الطفل يعمل ازعاج... خرجله واحد منه... قال له اشبيك... قعد يهدد فيه... دخل الممرض وقال شن لي حصل معاه... من بعدين عملو تليفون للامن العياده وخرجو الراجل الكبير في الكرهبه لفرع التاني... وعملوله العمليه... ومن هنا عرفت كل حاجه ... واعطوني مبلغ باش نسكت..
