لايك قبل ما تقرا وكومنت بعد ما تقرا... كتبتها ليوم واني مضايقه شوي🍃... فا ياريت تقدرو تعبي وتتفاعلو
#ويامحاسن_الصدف
الحلقه :الخامسه
بقلم :فاطمه سالم الورفلي
.....
..............
اني زفرت وطلقتها... استعوذت بالله... وقعمزت على السرير نشوفلها... وهي قعدت تشوفلي وخايفه... لمت شعرها وطلعت... بس في شي غايب عليا...و هلبااااا غايب عليا.... كيييف ما شفتش بوي!... نضت من مكاني وطلعت من الدار قابلتني سالمه تفركس في التليفون واول ما شافتني خشت بعضها... شفتلها بقرف وطلعت من الشقه ..... خطوه وراء خطـوة... ويا يشاء القدر ونــــقـــابـــل "قتـيبه ".. اول ما شفته بلعت ريقي وطبست راسي... ودرت روحي ماشفتاش... و خطوه وراء خطـوة... " سمعت اسمــي "
قتيبه:زينب يازينب عفوا يا اختي
اني طنشت ودرت روحي ما سمعتش شي... و خطوه وراء خطـوة... حسيت بأيد على كتفي... عقدت حواجبي والتفتت... لقيــــت..
رحيل مبتسم :عظم الله اجرك زينوبه..
اني فنصت عيوني من الصدمه... وقاعده مش مستوعبه لي نشوف فيه... كييييف بي كل ثقه واقف قدامي!!!.... لا اكيد هدا يبصر!!!... قعدت صافنه فيه وساكته...
رحيل مستغرب...دار ايده على عيوني :زينوبه!... تسمعي فيا
اني فطنت لروحي :ااا.. احم هئحم شكر الله سعيك!... تبي حاجه؟
رحيل ضيق عيونه بشك :ها!... اا لا سلامتك ... غر بنودعك بنروح لي ليبيا
اني قعدت نشوف هو من وين جاي!... من نفس الطريق متاع شقتنا!.... اهاا يعني سالمه لما شفتها شدت تليفون اتصلت بيه!.... اممم ح نلعبها صح وح تشملك اللعبه يا رحيل...
رحيل :زينب!... زينوبه!!
اني فطنت لروحي... وعن يشك قعدت نكح: كح كح احووو احمم كح كح
رحيل :احم احم...
اني دمعت عيوني ودبلتهن :وبتخلينيي!؟
رحيل ارتبك :مش هكي بسسس...
اني قطعت عليه ودرت روحي زعلانه :خلاص خلاص به براحتك..
رحيل حط ايده على رقبته :ماشيي حاضر ح نقعد بس اا تو نستأذنك باش نلغي الحجز
اني ابتسم :حقااا!... شكرا حبيبي شكرا شكرا ان شاء الله ما نفقدك
رحيل ضحك :مااشي هي سلام
اني :بسلامه... "وقعدت نتبع فيه بعيوني لين اختفى.. ولما التفتت قابلني قتيبه!... واول ما جت عيني في عينه جاني يجري "..
قتيبه :كيف حال
اني من فوق النفس:حمدالله
قتيبه :ااا... لقيت هدا تحكي معاه مابيتش نقاطع عليك
اني عقدت حواجبي:اهاا لا عادي... هدا قريبي
قتيبه تنهد براحه:اا ماشي قتلك شن رايك تمشي معاي تشوفي الصيدليه..
