ويامحاسن الصدف

سابعه

لايك وكومت لاثبات الوجود ح يكون في تصفية كبيره.... والان قراءه ممتعه 🍃
#ويامحاسن_الصدف
الحلقه:السابعه
بقلم :فاطمه سالم الورفلي
.....................................
..................
تنهدت ومشيت لي داري...كان ودي نقول ما في خاطري.. لان معاش نقدر نسكت... يارب اعطيني الصببر ياارب... دمعت عيني ومسحتها... وخديت تليفوني وركبت الشفره... لقيت فيها رصيد...على طول اشتركت وفتحت نت... واول ما فتحت على فيس خشيت على ايميل رحيل... و ياريتني ما فتحته... شفت شي صدمني.... خلاني جثثه هااامده...شفت بوست ناشره وكاتب فيه "ربي يمهل ولا يهمل... الشيطان مااات وظهر الحق وزهق الباطل ان الباطل كان زهوقا ".... والطامه الكبري منزل صوره بابا وهو ميت!!!.... جمدت في مكاني... شفت تعليقات لقيت اول تعليق...
1..لي خانب صيوره الموت جاياته وماهو واخد منها مليم احمر
" اوقح من هكي ماريت... وفوق من هكي راد عليه رحيل وكاتب "الحمدالله ربي خدي الحق فيه ومزااال الحبل على الجرار "
.....
"نصدمت صدددمةه عمري... مش معقوله هدا من شني مخلوق؟... شننن يحسس!!!... بلعت ريقي وغمضت عيوني... وفتحت عيوني وتنهدت... وجيت عيني على تعليق التاني..."
2..حمدالله بعد الخانب هدا خدي حقكم في القطع الاراضي وطردكم من الشغل برم برم ومات في الغربه..
.....................
صورت الايميلات والتعليقات...وخشيت على الايميلات لقيت واحد منهم صوره الدكتور...وايميل التاني صوره الممرضة......معاش قدرت نكمل.... معاش قدرت نتحمل... معاش قدرت... معاش نقدر نتحمل حد ولا نحب حد ولا نتعرف على حد... ولا نبي حدد اصصصلا... بسس حقي ح ناخده ح ناخده ..... ومرت ساعه وساعتين وتلاته... واول ما صبح الصبح طلعت من الحوش... وعلـى طووول مشيت لقتيبه... اي اي قتيبه هو لي ح يساعدني... مشيت للمحل.. ولقيته مصكر... تأففت وشبحت يميني لقيت مرشبيدي.... قعمزت عليها وحاسه روحي جييعااانه بنمووت.... فاتت ساعه ومعاش قدرت نتحمل... حطيت ايديا في جيوبي لقيت خمسه دينار... ابتسمت.... وقعدت ندور بعيوني على محل... لين لقيت مخبز... قطعت الكياس ومشيتله...

اني :لو سمحت نبي سندوتش بالعظم وفلافل

صاحب مخبز :تمام نص درجيل ويجيك

.....
قعمزت على الكرسي... نبلع في ريقـي... ونشم في الريـحةه.... وشـوي شوي وجـي النص... قعدن عيوني قلوب قـلـوب 🤤.... شديت النص بيديا الزوز وقعدت ناكل ... ونغمض في عيوني ونستطـعم في الماكله... ونتمناها ما تكملـش... من امس ما كليتـش شي... وبدون ما نـحـس لقيت روحي مكملاته ومزلت نبي... شوي وجي القرسون وعطيته الفلوس... ومزال خاطري ناكل... عيوني على السندوتشات... بلعت ريقي وتنهدت... ورجعت للصيدليه... ويــادووب ما قعمزت على المـرشـبـيـدي ... طول سمعت صوت قتيبه ...

قتيبه :صباح الخير

اني تقول ردت فيا الروح... طول شبحتله وابتسمت... لـدرجه هو استغرب!...

قتيبه :خير لاباس... ره العياده مفتوحه!

اني توترت ... نضت من مكاني وتلعثمت.. :ااا... لا... لالا مش هكي... اني ماهوو