لايك قبل ما تقرا وكومنت بعد ما تقرا... قراءه ممتعه🍃
#ويامحاسن_الصدف
الحلقه :العاشره
بقلم :فاطمه سالم الورفلي
.....................................
...........
الكياس...وهو ركب السياره....وقعدت نلحق فيه وهو في السياره .... ومن طريق لطريق ليييين شفت قتيبه خش لحوش كبيير.... او بلأحرى قصر!...الفضول قتلننيي... قربت خطوة... واثنين... وخطـوات.. لعند قربت من الحوش... كان في روشن في الزاويه.. مشيتله... ودرت روحي نواسي في وشاحي.. قعدت نشوف في الروشن على جنب باش لو شافني قتيبه ما يزبطنيش... شفت مجموعه اولاد... ومعاهم قتيبه.. واخدين مجموعه عصية... ويضربو بعض زي السيوف... وبعدين ينقزو ويجو على الوطا.... ركبه والنص... ويستمرو... مره واثنين وتلاته.. عجبتني هلبااا الرقصه... بسس لحظه لحظه... مش هي نفسها لماا...
"فلاش باك "
قبل سنوات...
اني ناكل في شكلاطه :بابا ليش عمو زياد يدير هكي
بابا ضحك :اهفت يا زياد تحسابك البنت هبلت😄
زياد حط العصاة على كتفه وبضحكه قال :والله!... معقوله يا زينوبه تقولي على مشدقك مهبول
اني قرنت حواجبي :لالا بابا يكدب
زياد ضحك وفتحلي ايديه :تعالي تعالي انتي غالطين فيك... تي كيف بوك كلط هكي 😁
بابا :خربتها البنت يا زياد
اني مشيت نجري لي زياد... :نبي عثاة زيك وندير زيك
زياد مدلي عصاة صغيره ... وقعد يضرب بخفة.. وينقز ويجي على الوطا ركبه ونص... واني دروحني نقلد فيه... وننقز ونجي طايحه على الوطا... ومره نضحك ... ومره نبكي... وزياد وبابا يسايسو فيا باش نسكت... لاني لما نعيط احرف من صوت الاسعاف 🤣...
اني :ثن اسمها لعبه ثدوقي
زياد بنفس لقطه لي تكلمت بيها :اثمها كاسكا
بابا :تي علمها النطق كويس... واني نقووول كل ما نعلمها كلمه يومين ونلقاها احرف من قبل
زياد ضحك :تي خليها نحبها تحكي هكي... ومعاش تعلمها اسمي خليها تقول شدوقي
بابا :بكرشتك هدي وطولك وعرضك تقولك شدوقي!😂... تقولك فوستي... تقولك برميل هكي تمام... لكن شدوقي ياودييي اخخ
اني :فوفتي
زياد :شن فوفتي هدي!
بابا بضحكه:زعميتها فوستي 😂
زياد :اهااا... حتى هكي عسل يااودي "ورفعني يلعب فيا "
انتهى فلاش باك🍃
.....................
.........
دمعت عيني... محتاجه بابا... وعمي... وامي...وايي حد من لحمي ودمي... استاحشتهم ... تنهدت ورفعت راسي... لقيت ولد يشوفلي...
ولد :لاباس... اشبيك اختي!
اني مسحت دموعي :لالا ولا شي
ولد... قعد يشوفلي شوي.. ورفع حواجبه بأستغراب... وكمل طريقه..واني واسيت وشاحي ... وكملت طريقي... خاطري نعرف هدا حوش مني!... زعما صاحبه!.... ااممم يمكن عرس !.... او يمكن يغيرو في جوهم زينا احني البنات لما نرقصو!... يمكن... وخطوه على خطوه... واني كل خطوه نشبح لوطا... ونفكر في قتيبه... شوي نخبطت في حاجه على راسي...
